تعرف إن في 5 مزايا في iPhone7 - آبل بتنسبهم لنفسها !

تعرف إن في 5 مزايا في iPhone7 آبل في اعلاناتها كانت طالعة بيهم السما ..

وبطبيعة الحال كان برضه الـ iPhone Users نفس الكلام وكأن آبل ابتكرتهم في الايفون الأخير مع ان الحقيقة أن التقنيات دي كانت مبتكرة من كذا جهاز ومن فترة كبيرة مش حاجة جديدة !

هنتكلم في البوست ده عنهم ميزة ميزة - بس قبل ماابتدي ##
الصفحة مالهاش اي تحيز لأي شركة - وهدفنا الوحيد هو توصيل المعلومة صح !

أول ميزة هي الكاميرا المزدوجة في iPhone7 Plus ..
تعرف ان الميزة دي موجودة في تليفون HTC M8 اللي تم إصداره من سنتين
وموجودة في جهاز LG في جهازها الأخير G5

أما تاني ميزة هي وضع تصوير Blur Effect
وهو تأثير بيتعمل في التصوير زي الكاميرات البروفيشنال وهي أن ال Focus يبقى على جسم معين وبتعمل تأثير ال Blur على الخلفية - شركات كتير حاولت تعمل الحركة دي مع الأجهزة الذكية لسنين بس اول شركة نجحت تعملها هي برضه شركة HTC في جهازها اللي من سنتين M8 - طبعا ماكانتش التقنية قوية وقتها وفي ايفون أقوى بس برضه التقنية ماتعتبرش جديدة هو كان مجرد تطوير ليها بس - ومادام الهاردوير المناسب موجود اي مطور تطبيقات قوي يقدر يعملها !

أما الميزة التالتة هي مقاومة المية والأتربة
طبعا مش محتاج اتكلم الميزة دي موجودة في كام تليفون قبل كدة - بالعكس دي اتأخرت جدا لحد ماظهرت في ايفون !

رابع ميزة هي إزالة منفذ السماعات 3.5mm
واول جهاز ذكي عمل الحركة دي كان Moto Z

خامس ميزة - سماعات ايفون بقت استيريو
التقنية دي موجودة في جهاز HTC One من سنة 2013 كان في دعم ميزة صوت استيريو من ساعتين بالتعاون وقتها مع شركة Beats في تقنية اسمها BoomSound ولسة موجودة لحد دلوقتي في تليفون HTC 10 بس بالتعاون مع شركة مختلفة

طبعا محدش يقدر ينكر أن آبل طورت جدا في IPhone7 عن أجهزة السنة اللي فاتت iPhone6 & 6S - بس لو جيت تقارن بينه وبين أجهزة 2016 هتلاقي ان مفيش حاجة استثنائية .. بالعكس السعر مبالغ فيه جدا وناقصه مميزات كتير زي كارت الذاكرة على أقل تقدير !

مرة تانية الصفحة مش متحيزة لأي براند أو نظام - احنا بس بنشجع اللعبة الحلوة

اترك رد