نسخة تجريبية من نظام أندرويد الجديد Android 8 / Android O

جوجل إمبارح أعلنت عن نسخة تجريبية من نظام أندرويد الجديد Android O أو Android 8

بعض التقارير بتقول انه هيكون إسمه Android Oreo أو Android 8 بس لسة مش عارفين ..

من الميزات القوية واللي لفتت نظري في نظام Android 8 هي استهلاك البطارية ، بحيث ان النظام دلوقتي هيتعامل معاك على ان عندك زهايمر ودايما بتنسى البرامج اللي خلصت شغل عليها ونسيتها شغالة في الخلفية ..


بس استنى - أندرويد مش هيقفلها  


لا هو بس هيقلل استهلاكها للبروسيسور لأدنى حد بحيث انها ماتتقفلش خالص عشان لو في حاجة ماعملتش ليها Save تلاقيها زي ماهي موجودة - حركة صايعة صح  

 


تاني حاجة برضه انا "استكنيصت" منها ? .. موضوع التنبيهات أو Notifications ..
في نظام Android 8 هيكون ليك التحكم الكامل في طريقة عرض التنبيهات او انك توقفها لوقت معين هيوصل ل 15 دقيقة حتى لو انت On-line - وبعدها التنبيهات والإشعارات هتوصلك تباعا كأنها لسة واصلة ساعة ماشغلت انت التنبيهات تاني  ..


المميز جدا برضه فكرة التنبيهات دي انك مثلا لو قافل تنبيهات كل البرامج بما فيها Facebook Messenger - تقدر تشغل التنبيه لو شخص معين او 2 كلموك زي فكرة White List كدة في الأرقام - او لو مثلا مستني رسالة مهمة على Gmail وباقي الرسايل مش عايز إشعارات ليها  ..

 


ميزة جديدة كمان عرفتها في نظام Android 8 وهي ميزة Picture in Picture بشكل عام في كل حاجة - انا عارف ان الميزة مش جديدة وموجودة في واجهات Samsung TouchWiz من فترة كبيرة - وفي واجهات تانية اسمها Multitasking بس هنا الوضع مختلف والميزة متطورة اكتر - بحيث انك مثلا بتتفرج على فيديو وافتكرت حاجة وعايز تعملها بوست ع الفيسبوك - هتشغل ميزة Picture in Picture وتبتدي تكتب البوست والفيديو موجود في ركن الشاشة تحت ومجرد ماتختاره تاني هيكمل مكان ماوقفت او ممكن الاتنين يشتغلوا مع بعض في نفس اللحظة وبالأبعاد اللي انت تحددها  ..

 


اما بالنسبة للموسيقى والتراكات نظام Android 8 دلوقتي بقى بيدعم بشكل عام اعلى إمتدادات للجودة زي Flac او LDAC - كييفة الصوت واللي عندهم عربيات هيبقوا فاهمين انا بتكلم عن ايه  ..

 


طبعا بجانب ميزة اسمها Responsive Icons في أيقونات تطبيقات Android 8 هتفيد جدا المطورين بحيث أنهم لو عملوا برنامج معين يقدروا يحطوا اي عدد من الأيقونات جوة ال APK وبتتغير على حسب كل جهاز هيسطب البرنامج او على حسب الواجهة واللانشر  ..

 


من رأيي الشخصي انه هيكون نظام قوي جدا جدا من أندرويد - اي نعم احنا لسة ماجربناش نوجا 7.0 اساسا بشكل كافي ?? بس برضه مفيش مانع نقولكوا نظام Android 8 الجديد شكله ايه ..

يا ترى ممكن جوجل تسميه أندرويد أم علي - Android Om Ali  
المفروض تركز معانا شوية مايصحش كدة يا جماعة ?

4 تعليقات
  1. […] نسخة تجريبية من نظام أندرويد الجديد Android 8 / Android O […]

  2. […] مؤتمر Google IO 2017 مكنش طويل اوي لكن كان دسم و اعلنوا فيه عن حاجات كتير وافصحوا عن شوية معلومات خاصة بـ Android O […]

  3. […] نسخة تجريبية من نظام أندرويد الجديد Android 8 / Android O […]

  4. […] نسخة تجريبية من نظام أندرويد الجديد Android 8 / Android O […]

اترك رد