شرح كيفية زيادة متابعين Facebook, Instagram وأيضًا Twitter 2019

ناس كتير جداً بتدور على تطبيقات زيادة لايكات فيسبوك أو زيادة متابعين تويتر أو زيادة متابعين إنستقرام 2019 - وده في الغالب بيكون فراغ كوني مبعدي عاطفي لأن معظمها بتكون حاجات وهمية ومش عارف اللي بيدوروا ع الحاجات دي هيستفيدوا ايه 😀 - مفيش اي حاجة من دي بتكون حقيقية أبداً سواء زيادة لايكات فيسبوك أو متابعين إنستجرام أو حتى متابعين تويتر ، كلها بتكون أعداد وهمية ولا هتقدم ولا هتأخر مجرد أرقام موجودة في البروفايل بتاعك !


يعني عايزك اما تدخل بروفايل عيل سيس مالهوش لازمة كده وغالباً كل بوستاته شبه صفحات إحتواء وحنين أنثى والحاجات الغريبة دي وتلاقي عنده بالــ 100.000 ألف فلوور على الفيسبوك أو آلاف اللايكات على صور الفيسبوك او البوستات بشكل عام - ده مش واد خلاصة لاصة ومية مية ولا حاجة 😀 - ماتتخدعش فيه ده بيستخدم برامج وبوتات وطرق ملتوية مش أكتر والحاجات دي بتكون متاحة بشكل مجاني بالمناسبة مش إختراع ولا حاجة .


بس خلي بالك ## معظم البرامج دي بتطلب صلاحيات الوصول لحسابك على الفيسبوك او إنستجرام أو تويتر عن طريق إنك تسجل دخول من داخل البرنامج أو الموقع - او إنك تدخل حسابك على فيسبوك وتعمل عملية بسيطة كده وتجيب كود إسمها Tokens - وتكتبه جوة الموقع او البرنامج وده هيخليه متحكم بشكل شبه كلي في الأكونت بتاعك عشان يقدر يضيفلك اللايكات او المتابعين دول ، بعيداً عن إن الحركة دي في الغالب بتكون خطر على حسابك على فيسبوك أو تويتر أو انستجرام وهتأدي لأن الأكونت يتعلق بشكل أو بآخر زي إثبات هوية مثلا إن الحساب ده بتاعك والموضوع للأسف هيكون صعب جداً لو انت بتدخل فيسبوك بإسم مستعار أو إسم عليه رموز او مزخرف مثلا زي ماناس كتير بتعمل ، ده غير إنه بيكون ضد سياسة فيسبوك لأنه يعتبر اسبام واعتبارك بتستخدم فيسبوك بشكل مش كويس واحتمال يتعمل لحسابك إيقاف نهائي .


بس برضه تعالوا ننظر للموضوع من زاوية مختلفة ، وهي في حالة لو انت بتبتدي بيزنس جديد مثلا وعملت أكونت أو صفحة خاصة بالشغل ده وانت راجل مراعي ربنا وعايز بالبلدي "تاكل عيش" ينضافة ، للأسف في مجتمعنا المظهر شئ مهم جداً حتى لو الجوهر مش كويس ، زي صاحب البيزنس اللي بيكون راكب عربية مرسيدس فاتشوفه تلاقي نفسك وثقت فيه من هيئته - البدلة والعربية والنضارة الغالية - وفي الآخر تلاقيه نصاب ، نفس الكلام ده بينطبق على البوست بتاعنا النهاردة وهو موضوع تطبيقات وبرامج زيادة لايكات فيسبوك أو زيادة متابعين تويتر أو زيادة متابعين انستجرام .

بس برضه من جهه أخرى لو انت زي ماقولت فوق هتبتدي بيزنس في الغالب هتكون محتاج للطرق الملتوية دي وهنا هنكون كلنا تحت ظل مقولة - الغاية تبرر الوسيلة 😀 - طبعاً مش أياً كانت الوسيلة إنت هنا في الغالب مش هتضر نفسك ولا هتضر حد طول منتا بتستخدم البرامج اللي هنشرحها تحت بالعقل وشوية مش كتير لحد ماتوصل لهدفك بس وبعد كده تنساها وتمنعها وتلغي صلاحياتها من الوصول لحساباتك على السوشيال ميديا ، وده للأسف لتاني مرة هيدي ثقة ومصداقية لصفحتك أو الأكونت بتاعك للناس اللي هتتعامل معاك في البيزنس بتاعك أول مرة ، زي اما تشتري لحمة أو سمك من واحد وتلاقي عليه زحمة هتلاقي نفسك دخلت تشتري وانت مطمئن إنك مش هيتضحك عليك ، حتى لو الحاجات اللي بيبيعها مش بالمستوى أو الجودة المطلوبة .


معلش اتكلمت معاكوا كتير لأن الموضوع كان بيستفزني جداً بشكل شخصي ، مع إني هشرح برامج وتطبيقات زيادة لايكات فيسبوك ومتابعين تويتر وانستجرام رغم إني ضدهم بس طبعاً زي ماوضحت فوق إن هو سلاح ذو حدين وكل حاجة فيها الوحش وفيها الحلو ..


تحميل برنامج زيادة لايكات الفيس بوك للاندرويد FB Liker 2019

.

Download FB Liker 2.1.0

أول برنامج معانا إسمه FB Liker v2.1.0 - ودي أحدث نسخة 2017 ومساحته 72 كيلو عشان الغلابة بتوع الباقة - البرنامج ميزته إنه على الأندرويد ومش بيحتاج صلاحيات كتير غير إنك تسجل دخول على حسابك على الفيسبوك من خلاله - وتقريبا كل 15 دقيقة ليك حوالي 250 لايك - مش متأكد لأني ماجربتش - وميزته برضه إنه بيزود لايكات صور فيسبوك أو البوستات بشكل عام وتقدر تحمله من هنا : Download FB Liker v2.1.0 


تحميل برنامج زيادة متابعين انستقرام Hashgram 2019

.

تاني برنامج معانا هو برنامج Hashgram لزيادة متابعين انستقرام 2017 والميزة بقى في البرنامج ده إنه متاح في متجر Google Play يعني مش هتحتاج مصادر غير موثوقة او إعلانات مستفزة زي ما دايماً بنشوف مع الأدوات دي ، ده غير إنه واخد تحميلات قرب الــ 500.000 ! - يعني أكيد في شئ من المصداقية .

انا بتكلم وانا مش متأكد لأني للأسف عمري ماجربت الحاجات دي ، بس بجمعها كلها في مكان واحد عشان اللي ييجي البوست مايتوهش ويلاقي كل اللي بيدور عليه متجمع في بوست واحد .

وصف برنامج زيادة متابعين انستقرام 2018 Hashgram في متجر جوجل زي مطور البرنامج مابيقول هو :

هل تريد زيادة عدد متابعين في انستقرام؟ هل تريد زيادة عدد الاعجابات لصورك في انستقرام؟ هل تريد وضع الكلمات الدليلية لصورك بصورة بسيطة وسهلة؟
الحل هو برنامج هاشقرام
ملاحظة: البرنامج يحوي ميزة اخرى وهي امكانية ادراج الصور بشكل كامل وغير مقطعة لانستقرام - تمتعوا بهذه الميزة.

تقدر تحمل برنامج زيادة متابعين انستقرام من على متجر جوجل من هنا :


تحميل برنامج زيادة متابعين تويتر 2019

.

بالنسبة لزيادة متابعين حساب تويتر الوضع اختلف ووصلت لكذا طريقة شرعية عجبتني بشكل شخصي بصراحة يمكن لأنها مفيهاش حاجة ملتوية زي الطرق اللي شرحتها فوق ، وفكرتها بشكل عام قايمة على إنك بتسجل في مواقع مجالها تغريدات تويتر ومتابعة الحسابات اللي من نفسك مجالك بشكل عام ، يعني زي مجتمع مترابط كل واحد فيه بيدور على الشخص اللي شبهه عشان يقدر يتابع تغريداته .

شرح موقع زيادة متابعين تويتر : Twiends

موقع Tweinds بقى يا سيدي فكرته إنه بيستخدم حاجة إسمها Seeds أو بذور كرصيد في حسابك ، لو عايز زيادة متابعين حساب تويتر من خلال الموقع لازم يكون عندك الــ Seeds دي والموقع بيحولها أتوماتيك لمتابعين على حسابك - طبعاً بيكونوا من مجال باختيارك مش بشكل عشوائي ، يعني الميزة إنك هتكون متأكد إن المتابعين دول هيكونوا متفاعلين مع حسابك مش مجرد أرقام وخلاص .

اما ازاي تزود الــ Seeds دي - مجرد ماتتابع حساب تويتر من خلال الموقع أتوماتيك بتلاقيه تابعك هو كمان بالتبادل ، عشان كده بنقول ركز في اللي هتعمله Follow يكون واحد تغريداته ماشية مع طريقة تفكيرك سواء تقني أو سياسي مثلا .


شرح موقع زيادة متابعين تويتر: Twellow

موقع Twellow موقع جميل جداً وفكرته مبتكرة وعجبتني وهي إنه بيساعدك إنك تلاقي أشخاص في نفس اهتمامتك على تويتر ، ومقسمهم على شكل مجموعات أو فئات بحيث إنك بتختار فئة معينة منهم وتضيف حسابك على تويتر فيها وفي الحالة دي هتلاقي الناس بتتابعك علطول منها لأنهم بطبيعة الحال نفس مجالك .


شرح موقع زيادة متابعين تويتر : Wefollow 

الموقع ده بقى أبسط من كل اللي فوق وبيشتغل بطريقة الاهتمام وهو شبيه شوية بموقع Twellow .


شرح موقع زيادة متابعين تويتر : Follow Mania

الموقع ده شبه موقع Twiends شوية بس على أقوى لأنه بيشتغل بخوارزمية كيفتني بصراحة 😀 - الموقع انت بتختار فيه فئة معينة انت مهتم بيها ، فا هو بيقترح عليك بعض الحسابات عشان تتباعها طبعا على حسب إختيارك مش بشكل عشوائي ، مجرد إنت ماتعمل Follow للحسابات دي هتلاقي نفس الناس الموقع عملها إقتراح بحسابك وهتلاقيهم برضه عملوا ليك Follow - يعني مثلا عملت متابعة لــ 30 حساب مقترح هتلاقي نفس الــ 30 حساب دول برضه عملولك متابعة .


شرح موقع زيادة متابعين تويتر : مغردون

مغردون موقع عربي فكرته بسيطة جداً وهي قايمة على إنه مجتمع بيجمع المغردين على تويتر من فئات محددة وبيشجعهم على متابعة بعضهم على حسب إهتمام كل واحد ، يعني برضه الموقع يعتبر عام شوية مش زي اللي فوق بس برضه كويس جداً لأن الــ Follower اللي هيجيلك من خلاله هيكون متفاعل معاك ومختارك من كذا حساب تاني على تويتر .


برنامج زيادة متابعين تويتر للاندرويد 2019 :

.

زيادة متابعين تويتر للاندرويد

اما بقى لو كنت بتدور على حاجة هزار أو مجرد رقم وهمي أو Prank أو زي مهو مكتوب على Google Play تقدر تنزل تطبيق زيادة متابعين تويتر - وصف البرنامج حسب كلام المطور في متجر جوجل: 

هل تريد زيادة متابعين تويتر الى 100000 متابع على أو أي عدد تريده ؟
اذن تطبيق زيادة متابعين تويتر مصمم لك.

اذا كنت تعاني من نقص التفاعل في حسابك تويتر , تطبيق زياده متابعين تويتر هو الحل المثالي لزيادة الماتبعين و خلق التفاعل في صورك المنشورة على حسابك تويتر سواء كانت صورتك أو لا.

اذا كنت تريد التباهي أمام أصدقائك بتفاعل الأشخاص معك على حسابك تويتر عليك بتطبيق زيادة المتابعين في تويتر واحصل على متابعين بالالاف يصل عددهم الى 10000 متابع على حسابك تويتر.

زيادة عدد المتابعين في تويتر هو تطبيق يعطيك متابعين بالالاف بشكل منتظم لحسابك على تويتر يصل عدددهم الى 10000 متابع من أي دولة تريد لحسابك مجانا.

طريقة اشتغال تطبيق زيادة متابعين تويتر عرب:

1. اختر الدولة التي تريد منها المتابعين
2. اختر كم تريد من متابع
3. ضع اسم حسابك على تويتر
4. ادخل معلوماتك
5. انتظر لحظة ريتما يتم التحقق من حسابك على تويتر
6. قيم 5 نجوم

مميزات تطبيق فلورز تويتر:

- عدد متابعين يصل الى 10000 متابع
- زيادة المتابعين بشكل منتظم
- اختيار مصدر المتابعين (الدولة)
- اختيار عدد المتابعين

ماذا تنتظر؟ حمل تطبيق زيادة المتابعين في تويتر، وأبهر أصدقائك.

المرجو تذكر أن تطبيق زيادة عدد المتابعين joke هو مزحة فقط prank و لا يزيد المتابعين فعليا.

وتقدر تنزل تطبيق زيادة متابعين تويتر للاندرويد 2019 من هنا : 


إنتهى.

2 تعليقات
  1. Huwaida Agarida says

    مية هلا بيكم حسابي الإنستا 7san_elba7r_1

  2. […] ربما تحب أن تقرأ أيضًا: زيادة متابعين FACEBOOK – INSTAGRAM & TWITTER FOLLOWERS […]

اترك رد