[للنوت 3][روم][Fougat C9 Pro] بأشكال وبرامج Galaxy S8 Nougat

Fougat C9 Pro Port - Note7 Features - Galaxy S8 TouchWiz & iCons & Wallpapers

انا زهقت ! اقسم بالله تعبت ! ? روم النهاردة هي Fougat C9 Pro
من كتر رومات الجهاز ده - حاجات كتير جدا بتكون حلوة لدرجة انك بتحتار تفلش ايه ولا ايه وتجرب دي ولا دي - خصوصا ان بييجي وقت كذا فريق مطورين بيطلعوا رومات في نفس الوقت ومن اشكالهم وادمان الرومات والتغيير بتلاقي اديك بشكل لا إرادي رايحة على لينك الداونلود - وبيكون في الغالب حتى قبل ماتقرا الثريد بتاعت الروم !
بتبتدي تدون الاول وبعد كدة تشوف وضعها ايه الروم دي - ماتقلقش انت مش عبيط ومش لوحدك - نضم على بعض كدة يا أساتذة بعد اذنكوا ? ..

مقدمة طويلة - معلش انا بحب ادردش معاكوا شوية الأول قبل مااوجع دماغكوا بكلامي عن الروم الجديدة ..


روم النهاردة طورها نفس الراجل اللي بدأ بأول روم فيها اشكال S8 وهو Marcelo البرازيلي مطور رومات Note 7 Fougat ، الروم عجبتني شخصيا عشان مستقرة وجميلة جدا خصوصا في بطاريتها اللي للأسف فشلت فيها سلسلة رومات Magma بما فيها حتى النسخة الأخيرة Magma UX8 - ايوة هي مستقرة بس البطارية دايما اول حاجة بحدد بيها اختياري لروم معينة - ايوة انا مابحبش اشحن تليفوني غير مرة واحدة وموتي وسمي امشي بشاحن لاني طول اليوم ببقى بره البيت لاكتر من 12 ساعة ، عشان كدة تهمني جدا قوة البطارية حتى لو على حساب الآداء ..


بس هنا لا - البطارية كويسة والآداء كمان كويس - انا استهلاكي قوي جدا ومعظمه 4G مش WiFi بما اني بكون بره البيت - 14 ساعة استخدام و 4 ساعات اسكرين اون مع تشغيل AlwaysOn Display دي نتيجة مرضية جدا - مش ممتازة - بس كويسة وتسد معاك لو استخدامك تقيل - طبعا انتوا مش محتاجين اقولكوا ان وحش البطارية يظل لوقتنا هذا هي رومات حمزة N2o v4.0 بورت النوت 7 ، وطبعاً الروم الخارقة للعادة N2o v5.0 بورت A5 2017 ..

بس عموما لو بتدور على روم قوية لتليفونك قدر الامكان بلاش رومات Note 7 لان خلاص دلوقتي هي تعتبر ماتت لان مفيش ليها اي تحديثات - التركيز حاليا على رومات A5 او A7 او طبعا زي روم النهاردة Fougat C9 Pro ..


الروم ادائها كويس جدا مفيش تهنيج ومفيهاش اي مشاكل بالإضافة طبعا ان بطاريتها كويسة جدا مقارنة بمواصفاتها ..
مدمج فيها تاتشويز S8 بالاضافة للأيقونات وبعض الخلفيات - وعموما خلفيات Galaxy S8 ممكن تدونها كلها من هنا بالاضافة طبعا للأيقونات وكمان برامج S8 - مدمج كمان ويدجيت الطقس والبحث من Galaxy S8 برضه وشغالين بدون اخطاء ، الروم مدمج فيها كيرنال Phantom بالمناسبة واللي آدائه كويس بشكل مفاجئ - دي تاني مرة أجربه !


الحاجة اللي ماعجبتنيش في الروم دي بصراحة هي ال UI او الستارة المنسدلة اللي فيها الإعدادات السريعة حسيتها ضخمة كدة ! - بس طبعا مميزاتها تغطي على العيب ده خصوصا ان في مودات ممكن تغيره بسهولة ..

الروم تفليشها سهل ومش هتقابل الرخامة بتاعت روم Magma S8 والصعوبة والبوتلوب والحاجات الغريبة اللي معظمكوا قابلها واتلغبط فيها وهو بيفلش الروم ..

  1. الأول هتنزل الروم من اللينك اللي هتلاقيه في اخر البوست تحت
  2. هتفلش الكيرنل - مش لازم الخطوة دي لأن زي ماقولنا الروم مدمج فيها كيرنل فانتوم
  3. هتعمل أول بوت وتظبط الإعدادات واللغة
  4. هتدخل على الريكافري وتفلش ملف الــ Fougat v5.1 OTA update عشان برامج S8 بتعمل مشاكل اما تتثبت في أول بوت فاهي مدمجة في التحديث المكمل ده
  5. لو الروم عملت Bootloop على لوجو Galaxy Note 3 او عمل Restart متواصل غير الكيرنل واعمل Wipe Cash & Dalvic
  6. في حركة مش لذيذة بس هتحصل اما تفلش الروم - هتلاقي خدمات جوجل كل شوية تعمل FC وحلها انك تدخل على الإعدادات وبعدين Applications Manger وبعدين Google Play services وبعدين تدخل على التصريحات وتفتحها كلها والمشكلة هتتحل - غير كدة انا عن نفسي ماقابلتش فيها اي مشكلة .

مميزات روم Fougat C9 pro كتير جداً طبعا مش هقدر أقولها كلها بس هاخد اقتباس من الثريد بتاعت المطور في XDA :

Nougat S8 System-UI (Style and Theme)
Nougat S8 Launcher
Nougat S8 Weather
Nougat S8 Browser
Nougat S8 My Files
Nougat S8 Calculator
Nougat S8 Music (Edge Colors)
Nougat S8 InCallUi (Multi Colors)
Nougat S8 Game Home (Modes power)
Nougat S8 Sound (System, ringtone, etc...)
Nougat S8 Fonts (Roboto Condensed)
Nougat S8 Framework (Bold letters)
Nougat S8 Video List
Nougat S8 Calendar
Nougat S8 Voice recorder
Nougat S8 Galaxy Apps
Nougat S8 Samsung Themes
Nougat S8 Model in build prop (7.0 Fake nougat)
Nougat S Voice
Nougat Video Player
Nougat Settings
Nougat Gallery
Nougat Camera
Nougat Contacts
Nougat Phone
Nougat Smart Manager
Nougat Icons Settings
Nougat Walpaper's C9/S8/A5/A7
Nougat Keyboard
Nougat Messages


Fougat C9 Pro rom for Galaxy Note 3 N9005 screen shots


طبعا كلكوا عارفين الخطوات اللي بنعملها كل مرة بس هقولها في نقط بشكل سريع :

– قبل أي خطوة تعملها اقرا البوست ده كويس : إنت مهتم بـ الرومات المطبوخة أو المعدلة ؟

- سطب Samsung Android Drivers
– نزل Odin 3.07
– كابل USB 3.0 الأصلي بتاع النوت
– شغل خيار USB Debugging Mode من خيار Developer Options
– فلش ريكافري TWRP نسخة 2.8.7.0 – من خلال خيار AP في ال Odin
– خد نسخة كاملة من ملفاتك ومن الروم الحالية في حالة لو اول مرة تفلش روم وده من خلال الريكافري
– من الأودين فلش احدث مودم وبوتلودر للنوت 3
– اعمل wipe ل System – Data – Cash – Dalvic Cash
– فلش الروم من برنامج اختيارات Aroma المدمج مع الروم
– افرد ضهرك ورجلك لأن اول بوت هياخد 20 دقيقة – ماتقلقش ده الطبيعي
– إستمتع ..


تريكات :


كل الملفات اللي قولتها في النقط اللي فوق هتلاقي لينكاتها مع لينك الروم في ملف TXT جمعتهم مع بعض عشان مايبقاش فيه اي لغبطة – ركز في الخطوات وانت هتبقى تمام ..
الروم مرفوعة على لينك مباشر ومساحتها 1.5 جيجا ..

كل ريفيوهات الرومات هتلاقيها في الهاشتاج ده : #Mohamedovic_Roms – او في قسم Note3 

المصدر : XDA


لينك تحميل روم Fougat C9 Pro للنوت 3 : Download

رُبما تُحِب أيضًا
27 تعليقات
  1. Rafat says

    لا تحرمنا أخي من جديدك و تفصيلك للروم الأكثر من رائع
    لكن عندي سؤالين:
    – هل يمكنك أخي عمل ملف flashable zip لنا و إضافة مود performance fix لهذه الروم لتصبح مثل روم الأخ حمزة N2O V5 منفردة بهذه الميزة
    – هل برنامج WPA WPS TESTER يعمل على هذا الروم؟
    بانتظار ردك شكراً…

    1. عبد الرحمن says

      السلام عليكم أخي
      هل هذه الروم أفضل من Fougat Note7 v5.1 من ناحية الأداء والبطارية والمميزات؟

      1. Mohamed says

        عليكم السلام ورحمة الله وبركاته – منور المدونة أستاذ عبدالرحمن 🙂
        الروم دي مختلفة عن روم Fougat Note7 v5.1 شكلا وموضوعاً لأن دي بورت Galaxy C9 – اعتقد رومات A5 & A7 & C9 أقوى من جميع رومات النوت 7 وذلك لتحديثاتها المستمرة من سامسونج – نوت 7 جهاز قوي جدا ولكن للأسف اخر تحديث له من شهر أكتوبر 2016 !
        وعلى العموم روم C9 مدموج بها جميع مميزات نوت 7 بلا استثناء 🙂 ..
        حملها ولن تندم ..

  2. محمود says

    شكرا على مجهودك الرائع
    بس انا عندى سؤال بره موضوع الرووم دى
    انا كنت نزلت رووم روم Magma UX8 – Galaxy S8 Limited Edition ومش عارف اعمل عليها صلاحيات الرووت لأنها مش بتدعم برنامج Super SU وعندى برامج مش عارف اشغلها للسبب ده
    طبعا انا قبل ما اكتب هنا ، علقت فى الصفحة الخاصة برووم Magma UX8 وسألت بس محدش رد عليا
    أرجو الإفادة وشكرا مرة تانية على المجهود الرائع

    1. Mohamed says

      خيارات الروت بتكون موجودة وانت بتفلش الروم يا استاذ محمود – ولو ركزت في البوست هتلاقي اني شرحت بالظبط تعمل ايه في الخطوة دي ، جرب فلش الروم تاني بس على وضع الــ Mod Change وغير بس الخيارات بتاعت الروت والباقي سيبه زي ماهو

      1. محمود says

        شكرا على الاهتمام والرد.
        وأنا بثبت الروم عملت زى الشرح و اخترت برنامج Magisk v12 والروم شغاله كويس ، اللى قصدى أسأل عليه كيفية عمل إذون الوصول للروت للبرامج اللى عندى من غير برنامج Super SU لأن روم الـ Magma مش بتدعمه.
        لأنى لما بثبت أى برنامج من اللى بيحتاجو صلاحية الوصول للروت بيجب رسالة تقول أن الروت موجود على الجهاز بس البرنامج معندوش صلاحية الوصول للروت لعدم وجود برنامج Super SU.

        1. Mohamed says

          البرنامج بيأدي نفس وظايف SuperSU ياابو حميد ، جرب انت بس شغل البرنامج واديله صلاحياته – وبعدين نزل برنامج SuperSU من المتجر وهيشتغل عادي جداً ..
          جرب كدة ولو قابلتك مشكلة تعالى

  3. محمد توفيق says

    السلام عليكم يا برنس منور بمواضيعك الجامدة
    لو سمحت ممكن رابط لمود performance fix لنوت 3؟
    مشكور

    1. Mohamed says

      عليكم السلام ورحمة الله وبركاته – منور البلوج ياابو حميد 🙂
      انا ممكن أجيبلك رابط لمود performance fix – بس الفكرة إنه لكل أجهزة أندرويد مش نوت 3 بس وكنت ناوي أعمل بوست كامل عنه الفترة اللي جاية ..
      نسبة الخطأ فيه كبيرة جداً لأنه طبعا زي ماقولتلك لأي جهاز أندرويد ، لو لسة عايز الرابط قولي هجيبهولك وانت حر لو عايز تجرب 😀

      1. فؤاد شاهين says

        أنا كمان عايز هذا المود من حضرتك مثل الأخ محمد توفيق
        هل من الممكن وضع الرابط والشرح عن طريق تحميل هذا المود
        على جهاز Note3 N9005

        شكراً

        1. Mohamed says

          النهردة ان شاء الله هعمل عنه بوست مفصل يا استاذ فؤاد 🙂

          1. فؤاد شاهين says

            شكراً يا برنس بانتظارك

          2. Ahmad Fares says

            السلام عليكم
            بانتظار موضوعك حول مود Performance fix
            برضو أنا عايز ده مود أوي

            شكراً

          3. Mohamed says

            مش ناسي والله – من عنيا حاضر

  4. محمد حسان says

    هل الروم تصلح ل نوت 3 SM-N9005

    1. غير معروف says

      نعم تصلح وانا شغال بيها دلوقتى قمة فى الجمال فعلا …

  5. ابراهيم says

    محمد طبعا فى البداية أحب اشكرك على الروم الجميلة وجزاك الله خيرا
    عندى استفسار بسيط لما بشغل Always On التليفون بيسخن بعد فترة والبطارية بتخلص لوحدها !!! هل من حل فى الموضوع دا ؟ …

    1. Mohamed says

      شكرا على كلامك يا استاذ إبراهيم وحضرتك طبعاً منورنا في البلوج ..
      اما بالنسبة لاستفسارك للأسف لأ مالهاش حل – لأن بسبب ميزة AlwaysOn Display المعالج بتاع التليفون مش بيدخل وضع Sleep خالص وبيفضل شغال بنواه واحدة على الأقل عشان يتابع الساعة في AlwaysOn – والمطورين برضه ماقدروش يوصلوا لحل في المشكلة دي – الميزة جميلة جدا بس للأسف واقع انها هتسخن التليفون وتخلص البطارية بسرعة لأن الموبايل بيعاملها كأنها برنامج عادي مش ميزة في السيستم ..
      يارب اكون قدرت اوصل ليك أصل المشكلة 🙂

  6. غير معروف says

    هل يوجد فيرجن جديد للمطور دا بصراحة انا بحب روماته جدا

    1. Mohamed says

      لا والله للأسف ده الفيرجن الوحيد من روم Fougat C9

  7. غير معروف says

    والله يا استاذ لو تعملنا فيديو في الشرح يكون تمام

    1. Mohamed says

      طب اقرا الموضوع ده كده بتركيز، ولو لسة مش فاهم تعالى قولي في الكومنتات ايه اللي انت مش فاهمه بالظبط: شرح تثبيت ريكفري وعمل روت لهواتف سامسونج

  8. sayed says

    السلام عليكم….الرابط مش شغال

    1. Mohamed says

      عليكم السلام ورحمة الله وبركاته، جاري رفعها مرة تانية

  9. Hell boy says

    السلام عليكم .. يرجى اعادة رفع الملفات او تجديد الروابط

    1. أبو مُعِز says

      عليكم السلام ورحمة الله وبركاته
      جاري البحث عن نسخة أخرى من الروم أخي الغالي، لأن مطور الروم قام بحذفها من المصدر للأسف

    2. أبو مُعِز says

      تم تحديث رابط التحميل يا طيب وإضافة رابط FOUGAT_N7_S8UX_V6_ROM_N900X .zip
      الرابط مباشر من MEGA NZ

اترك رد