روم (بورت) Galaxy C9 Pro, Note 7 بنظام مارشميلو لهاتف Galaxy Note 3

Galaxy C9 Pro & Note7 Mixed Port - StormTeam - Stable - Fast - New
All C9 & Note7 Features - For Galaxy Note3 Qualcomm Devices ..

ازيكوا ياا ولاد 😀 .. النهاردة معانا روم C9 Pro للنوت 3 n9005
انا عارف ان بقالنا فترة مااتكلمناش عن رومات او بورتات جديدة - وعارف انكوا مستنيين بقالكوا فترة بورت Note7 الأخير من حمزة N2o V4 - بس للأسف حمزة هو اللي مأخرنا بما انه لسة مانزلوش رسمي وكان مديهولي اجربه بشكل شخصي وبورت رائع جدا بس طبعا ماينفعش انشر حاجة بدون إذن المطور !


الروم اللي معانا النهاردة Galaxy C9 Pro Port من فريق عربي بالمناسبة وبيتكون من حمزة صاحب رومات N2o ومعاه المطور المصري إيهاب او Emassry زي مهو موجود في XDA او موقع الكمبيوتر الكفي ، وبما انه هو وحمزة بيعملوا شغل كتير فاعملوا فريق وسموه Storm Team - عالم فاضية مالناش دعوة ?? ..

الروم طبعا زي ماقولنا فوق فيها شوية حركات جديدة بما انها مش Note7 بس زي محنا متعودين - هي الروم اصلا بورت من اخر جهاز من سامسونج C9 Pro ومدمج فيه مميزات Note7 زي Air Command او S Note ومميزات القلم عموما بما انها مش موجودة في روم C9 بس دمجها كان سهل عشان الاتنين نفس تصدار TouchWiz ..


الروم مميزة جدا جدا وخفيفة وسريعة بشكل مبالغ فيه الحقيقة ??
كل حاجة شغالة - الروم كاملة بدون فيكسات مدمج فيها اخر كيرنل من Lss فيرجن 3.8 النسخة المستقرة - مدمج في الروم برنامج اختيارات Aroma مع 3 اختيارات للكاميرا وهما S7 Edge و Note7 والكاميرا الاستوك بتاعت Note3 ودي اللي انا اختارتها بالمناسبة لأن مفيهاش اخطاء خالص وكل موداتها شغالة ..
الروم كل مميزاتها شغالة زي Blue Lite Filter او الاشعارات على شاشة AOD او حتى Private Mode كله شغال بدون مشاكل ..


هنفلش الروم عادي جدا من خلال الريكافري زي البورتات اللي قبل كده ..

لازم يكون عندك كل تعريفات سامسونج و Download Mode ولو مش عندك نزلها من اللينك ده : http://www.file-upload.cc/qjbfbul9as1f

الريكافري زي دايما مابنقول يفضل TWRP نسخة 2.8.7.0 "ركز في الرقم!"
دور على موديل جهازك من هنا : twrp.me/Devices
او نزله علطول من هنا بالنسبة لأجهزة N9005 : http://www.file-upload.cc/in8xgtf1ipdp ..
بعد ماتنزل تعريفات سامسونج هتفتح Odin نسخة 3.07 وتوصل التليفون على Download Mode وتحط الريكافري في خانة AP وماتلعبش في حاجة تانية ? ..
وتدوس Start ..

من الريكافري هتعمل Wipe ل System & Data & Cash & Dalvic Cash

بعد ماتفلش الروم وقبل البوت اعمل Wipe Cash & Dalvic Cash ..
## ركز في الخطوة دي عشان الروم ماتعملش معاك BootLoop

وبعدين تبتدي تفلش الروم من برنامج اختيارات Aroma ..
زي محنا متعودين اول بوت ممكن ياخد لحد 25 دقيقة - ماتقلقش ده الطبيعي

لينك داونلود الروم من هنا : http://gsul.me/7Fwz

جرب وفلش ولو قابلتك اي مشكلة تعالى في الكومنتات ..

#Mohamedovic

رُبما تُحِب أيضًا
2 تعليقات
  1. غير معروف says

    الرابط مش شغال

    1. Mohamed says

اترك رد