موضوعنا النهاردة عن روم Magma UX10 بورت نوت 7 لأجهزة Galaxy Note 3 N9005 نسخ كوالكوم 4G بمميزات Samsung Galaxy S8 وبالإضافة كمان لمميزات Samsung Galaxy Note 7 FE. طبعا بتوع النوت 3 نسخة اكزينوس N900 الغلابة لسة مافاقوش من صدمة الروم بتاعة امبارح ??، وللأسف ناس كتير فاكراها روم لوليبوب معمولها ثيمات مارشميلو او نوجا وإصدار النظام متعدل في ملف build.prop!. لا على فكرة هي أول روم مارشميلو 6.0.1 في العالم للنوت 3 نسخ N900 3G مش مجرد ثيم هي بورت A7 2017، مش لوليبوب، مارشميلو، مش لوليبوب ??، قولوا ورايا، مارشميلو مش لوليبوب!. طبعا من تطوير البرنس يحيى مصطفى، مطور مصري بس علوضعه والبورت ده مايقلش أهمية عن بورت DarkLord مارشميلو لنسخ 4G.
الناس اللي معاها نسخ Galaxy Note 3 N900 3G وعايزة تشوف روم Angelo V1.0 تنزل تحت هتلاقي البوست او تدخل ثريد الروم علطول من اللينك ده : https://goo.gl/ixsXQv.
روم Magma UX10 لهواتف Galaxy Note 3 N9005
اما اصحاب نسخ Note 3 N9005 اللي علوضعهم ومفيش روم تملى عنيهم إجمعولي هنا . جي اتكلم معاكوا النهاردة في الإصدار الأخير من روم Magma UX10، طبعا اكيد انتوا عارفين سلسلة رومات ماجما وقوتها وان كانت كلها مميزات بس مشكلتها الوحيدة البطارية اللي ماكانتش بتكمل 3 ساعات Screen On وساعات اللاج الغريب والتهنيج المتكرر في معظم إصدارات الروم لحد روم Magma UX9.5.
مميزات روم Magma UX10 لهواتف Galaxy Note 3 N9005
بس اللي انا مستغربله بقى ان من نسخة 9.7 لحد لحد نسخة Magma UX10 تقريبا كل مشاكل الروم اختفت، لا وكمان اضافولها مميزات جديدة كتير جدا منها بعض الحاجات من نسخة Galaxy Note 7 Fan Edition (وده اختصار FE اللي فوق) وفوق كل ده طوروا نسخة جديدة من Samsung S8 TouchWiz وحطوا فيها مميزات كتير جدا وكنترول كامل مش موجودين حتى في النسخة الرسمية من الواجهة
الروم جاية ببرنامج اختيارات Aroma وهتقدر تختار كل كبيرة وصغيرة في الروم الحقيقة الاختيارات في كل جوانب الروم حرفيا من روت بين SuperSU او Magisk وعايز Stutsbar شكله ايه، بطارية بيضا ولا خضرا، وحتى ايقونة الداتا جايبلك الاختيار بين 4G او LTE، طبعا بالإضافة لكمية الكيرنلات الكتير جدا المدمجة في الروم وكلها متحدثة لاخر إصدار.
روم Magma UX10 من رأيي الشخصي قوية جدا ومستقرة ومفيهاش لاج وبطاريتها هتيجب معاك Screen On حوالي 4 ساعات بس في النهاية هي هتتوقف على استهلاكك انت وطريقة استخدامك للتليفون، انا حاليا بستخدم كيرنل فانتوم ضمن اختيارات الروم وانت حر في اختيارك للكيرنل اللي هيأدي معاك بشكل كويس ويكون مستقر (بتختلف من شخص للتاني).
طبعا كعادة رومات Magma، إصدار Magma UX10 فيه شوية تريكات في Aroma ولو عملت اختيارات مش متوافقة مع بعضها هتلاقي نفسك في البوتلوب المتين – في خيارات الروت مثلا ، الناس اللي عايزة Magisk تحذف الاختيار من BusyBox و Ultra Power Saver وطبعا العكس صحيح، اللي عايز SuperSU يفعل الاختيارين دول، اتكلمنا على الحاجات دي قبل كده في إصدار Magma UX9.7 اللي فات.
ركز في نوع الكيرنل وإصدار جهازك في الأروما لان الاختيارات كتير جدا بين جميع انواع أجهزة النوت 3 طبعًا بالإضافة لأجهزة Galaxy S4 كمان بس نسخ الجيل الرابع.
روم Magma UX10 جاية بجميع تطبيقات Galaxy S8 الرسمية، أيقونات S8 الرسمية، أصوات إشعارات ونغمات Galaxy Note 7 FE، بالإضافة كمان للبوت أنيميشن ومعاهم واجهة تاتشويز v3.0 المعدلة من فريق Magma واللي انضملهم مؤخرًا مطور روم Fougat البرازيلي مارسيلو.
طبعًا التاتشويز الجديد ده قصة تانية خالص، بس انا مش هتكلم عن مميزاته هسيبكوا إنتوا تكتشفوها بنفسكوا :D. بالنسبة للناس اللي هتفلش روم Magma UX10 اللي بنتكلم عنها النهاردة التاتشويز الجديد مدمج فيها وفي نفس الوقت موجود في اختيارات Aroma، أما الناس اللي لسة على نسخة Magma 9.7 أو حتى Magma UX8 الأقدم تقدر تفلش ملف التاتشويز الجديد من الريكفري وهكتب الرابط بتاعه تحت. الروم برضه مدمج فيها خيارات تفليش اكسبوزد من خيارات الأروما وشغال كويس جدا ومفيهوش أي مشاكل.
صور روم Magma UX10 لهواتف Galaxy Note 3
روابط تحميل روم Magma UX10 لهواتف Galaxy Note 3
[better-ads type=’banner’ banner=’20349′ ].
- رابط تحميل Samsung S8 TouchWiz V3.0 من هنا وبيتفلش من الريكفري: Download
- رابط تحميل مود أيقونات قائمة Power Menu الجديد من هنا وبتتفلش برضه من الريكفري: Download
- المود ده تركبه فقط في حالة لو الـ Contacts في الروم عملت FC وهتفلشه من الريكفري : Download
- الـ Fix ده تفلشه في حالة لو ميزة Bluelight Filter مش شغالة كويس : Download
- خلفيات ونغمات نظام أندرويد الجديد Oreo 8.0 تقدر تنزلها من هنا : Download
- في حالة مواجهة حرارة واستنزاف غير منطقي للبطارية فلش الكيرنل ده : Download
- مود شاشة الإتصال البيضاء العادية بتاعت نوت 7 : Download
- برامج Galaxy Note 8 الرسمية بالإضافة لـ[النغمات/البوت انيميشن/ النغمات وأصوات النظام] من هنا : Download
- أو تقدر تفلش نغمات نوت 8 مع البوت انيميشن من الريكفري من هنا : Download
- خلفيات Samsung Galaxy Note 8 بدقة QHD تقدر تحملها بالجودة الكاملة من هنا : Download
خطوات تثبيت روم Magma UX10 لهواتف Galaxy Note 3 N9005
- نزل تعريفات أجهزة سامسونج بنظام أندرويد من هنا : Samsung USB Drivers
- نزل برنامج Odin 3.09 المناسبة لجهازك من هنا : جميع إصدارات برنامج Odin
- طبعا يكون عندي ريكفري معدل يُفضل TWRP نسخة 2.8.7.0، تقدر تنزله من هنا: TWRP
- من الريكفري إعمل الويبات دي : System / Data / Cash / Dalvic Cash
- فلش ملف روم Magma UX10 من برنامج إختيارات Aroma
- بالنسبة لاختيارات الروت لو عايز SuperSU احنا اتكلمنا عنه فوق، أما لو عايز روت Magisk
- هتختار Magisk v12 تقريبا هو الاختيار اللي في النص، البرنامج ده قوي جدا جدا بالمناسبة وهيغنيك حتى عن Xposed وعملنا عنه بوست بالتفصيل تقدر تشوفه من هنا : شرح تثبيت واستخدام Magisk Manager
- أما تيجي تعمل Reboot System بعد ماتخلص تفليش الروم الريكفري هيطلع رسالة يقولك ان ماعندكش روت، وبيسألك يسطب SuperSU ولا لا، أنت اضغط Do not install، الروم متروتة بس لسة البرنامج بياخد تصريحاته أما الروم تعمل اول بوت.
- بلاش تعلم على اختيار Busy Box لأنه مش متوافق مع روت Magisk Manager
- أول بوت للروم هياخد أكتر من 20 دقيقة، ماتقلقش ده الطبيعي
- ماتنساش تشيل علامة الصح من خيار Diagnostic Data في أول بوت عشان مشاكل الشبكة والريستارت المتكرر
المصدر: XDA
الجاليرى مش شغال والصور مش ظاهرة كويس
بالعكس دي من الرومات القليلة اللي مفيهاش المشكلة دي!
عملت كل الويبات اللي انا قولت عليها ياابو حميد؟ عملت وايب Cash/ Dalvic Cash بعد مافلشت الروم؟
الروم روعة وسريع جدا بس البطارية برضو بتخلص بسرعه وجرب فانتوم ودارك لورد
في كيرنل متعدل انا ضايفه ضمن قسم التحميل، جربه كده وشوف النتيجة ايه.
وبرضه ماتحكمش على البطارية من أول استخدام، لازم تقضي دورة شحن كاملة بمعنى إنك تستخدم التليفون لحد مالبطارية تفضى خالص وبعدين تشحنها خالص وتبتدي تلاحظ استهلاكها شكله ايه.
هو انا نزلت الى حضرتك منزلها ف قسم التحميل ونفس الاداء هاجرب افضيها خالص واشحن واوقلك
ايه الأخبار ياابو حميد؟ الروم ظبطت ولا لسة فيها مشكلة؟
لو سمحت رابط الكيرنل مش شغال
السلام عليكم ورحمة الله وبركاته
انا عندى مشكلة ان wifi direct مش شغاله لا استقبال ولا ارسال
عليكم السلام ورحمة الله وبركاته
محدش قابل المشكلة دي خالص ياابو حميد، أكيد المشكلة بسبب برنامج من اللي انت بتستخدمهم، جرب فلش الروم تاني واستخدم الوايفاي دايركت
هو في مشكلة في ال wps
جميع رومات Note 7 للأسف برامج WPS بجميع انواعها مش بتدعمها، ولو حاولت تستخدمها التليفون هيعمل ريستارت
لينك الكيرنل مش شغال ولينك التاتشويز
تحديث UX10 مش محتاج الحاجات دي، اللينكات دي كانت لنسخة UX9.5.
انا فلشت الروم تانى ولما اجى اشير اى حاجة مش بيدينى اختيار غير البلوتوث اعمل ايه؟
دي انت تقدر تتحكم فيها من الإعدادات يا محمود
سؤال ايه احسن روم استقر عليها حاليا
الرومات الحلوة كتير، بس من وجهة نظري “التي لا قيمة لها يعني” ان رومات A5 او A7 او C9 بتكون افضل من رومات Note 7 لأنها لسة بينزلها تحديثات من سامسونج لحد دلوقتي، انما النوت 7 خلاص دعمه وقف اصلا
طيب انا موبيلى نوت3 sm-n9005 4g ونزلت روم EuphoriaRomV1 وفلشتها 4 مرات وفى كل مرة الموبيل بعد ما بشتغل يعمل ريستارت اتوماتيك كل شوية لدرجة أنى مش عارف استخدمة مع العلم أنى شيلت علامة الصح من الداتا اللى بتيجى لما الموبيل يشتغل هل ده لان الروم مش متوافقة مع الموبيل ولا ايه؟
وكنت عايز اعرف اجيب منين احدث مودم وبوتلودر لنوع الموبيل ده واثبته على الموبيل ازاى؟
وشكرا
#الاستاذ محمد
انا مستني ردك لانى فعلا محتاج روم استقر عليها
وشكرا على المجهود
انت عملت تحديث للمودم والبوتلودر ولا لسة ياابو حميد؟
لسه معملتش تحديث للمودم والبوتلودر
اجيب منين احدث مودم وبوتلودر للنوت 3 sm-n9005
اتفضل يا استاذ محمد
ده رابط أحدث مودم : https://drive.google.com/file/d/0B1TPzaNpmHN8MlptMjZMZFNDY2c/view
وده رابط أحدث بوتلودر : https://drive.google.com/file/d/0B1TPzaNpmHN8UkRIeFdfSGc0eWM/view
طبعاً بيتفلشوا عن طريق برنامج Odin 3.07 في خانات CP للمودم و BL للبوتلودر ، جرب تاني ولو قابلتك اي مشكلة تعالى علطول ?
جزاك الله خيرا
ومشكور على اهتمامك وردك على
مشكور على الاهتمام والرد على الأسئلة
تحت امرك في اي وقت ياابو حميد.
ولو في اي حاجة وقفت معاك تاني تعالى في الكومنتات
الشبكه بتروح وتيجي
في أول بوت للروم في خيار إسمه Diagnostic Data – شيل من عليه علامة الصح والروم هتشتغل كويس.
اتأكد إنك محدث المودم والبوتلودر لآخر إصدار
ده رابط أحدث مودم : https://drive.google.com/file/d/0B1TPzaNpmHN8MlptMjZMZFNDY2c/view
وده رابط أحدث بوتلودر : https://drive.google.com/file/d/0B1TPzaNpmHN8UkRIeFdfSGc0eWM/view
طبعاً بيتفلشوا عن طريق برنامج Odin 3.07 في خانات CP للمودم و BL للبوتلودر ، جرب تاني ولو قابلتك اي مشكلة تعالى علطول 🙂
طييب الصوت مش شغال نهائي عندى
محدش اشتكى خالص من الموضوع ده!
الصوت مش شغال خالص ولا إشعارات ولا مكالمات؟!
في مشكلة صغيرة معايا .. منزل انا التيم وين نفس الايدشن المذكور فالموضوع
بس لما بجي افلش الzip منه بيكتبلي zip file is corrupt للأسف
يعني تقصد اما تجرب تفلشه من الأودين بيعمل كدة؟
متأكد انه اصدار 2.8.7.0؟
لا حضرتك مش القصد يا أستاذ محمد
أنا فلشت التيم وين ريكافري بشكل ناجح للجهاز .. وناقل الروم على الجهاز زي ماهو المفروض .. وعملت الوايب لل Dalvik cach .. system .. data .. cache
الايرور اللي بيطلعلي ده في الـTWRP لما بفلش الروم
طب برضه هسألك تاني متأكد ان إصدار الريكفري TWRP 2.8.7.0 ؟
وعايز اعرف ايه الخطأ اللي بيظهر بالتحديد و بيظهر امتى؟
أيوة هو ال2.8.7.0
بيظهر امتى ,, لما بخش على install وأختار الzip فايل وابتدي الفلاشينج بعد ثواني بيظهر الايرور
الصورة بتوضح أكتر حضرتك
https://imgur.com/HzNh2kM
ملف الـ zip نفسه سليم وبيفتح عندي جدا جواه اربع فولدرات
ايوة بس مش دي النسخة اللي في البوست يا بطل 😀
انا مااتكلمتش خالص عن نسخة VX1 اصلا وكنت قاصد كدة.
على كل حال الواضح ان النسخة اصلا فيها مشكلة، جرب تنزلها تاني ويفضل لو تنزلها من ميجا بلاش روابط مباشرة
ونصيحة شخصية، ابعد عن رومات نوت 7 بشكل عام لإنها بقت غير مستقرة. خليك في بورتات A5 او C9 افضل وبص على اخر روم اتكلمت عنها بورت A5 قوية جدا و مستقرة.
فعلاً أنا دخلت الفورم بتاع XDA مباشرة وحملت وطلعت غلط XD
حملت اللي حضرتك قلت عليها وإشتغلت تمام تحفة ,, هو بصراحة أي نوع Revive كويس للجهاز ,, هاشوف برضو فالويب سايت مواضيع الرومات اللي حضرتك قلت عليها
متشكر جدا ليك ربنا يكرمك
السلام عليكم ورحمة الله وبركاتة.
ارجوا انك تفيديني بحث كثير وما لقيت حل خالص .
انا معي هاتف نوت 3 نيو SM-N750 تمام الاصدار الاخير من الشركة هو 5.1.1 انا عايز احدثة ل 7 او 6 بأي طريقة حتا لو ب ركيفري معدل او روم مطبوخ .
تنصحني من وين أحمل لاني مش ملاقي مكان أحمل منة موثوق
السلام عليكم ورحمة اللله وبركانه أخ محمد
صادفتني مشكله بعد عمل الروم
1- عند زيادة اضاءة الشاشه او تقليلها ..تصبح الشاشه وريه وبعض الحياه تكون معتمه..
2- عند أخراج القلم يطفى الجوال ويعمل ريست
في مشكله اني لما ارن علي حد وهو انتظار مش بيظهر انه انتظار مع اني مشغل خاصيه انتظار المكالمات
جاتلى الرساله دى و انا بفلش الروم starting aroma installer version 2.70rc2 ايه الحل انا عندى ال twrp اصداره 3.7.9.0 اعمل ايه