روم [للنوت 3][Magma UX9.5 - Galaxy S8 Limited Edition] بنظام Marshmallow

Magma UX9.5 - Galaxy S8 Limited Edition - For Galaxy Note 3 N9005

ازيكوا يا ولاد
الوضع النهاردة مختلف خالص عن قبل كدة - روم النهاردة Magma UX9.5 قوية حرفيا بكل المقاييس !
بصراحة دي اول روم بمميزات Galaxy S8 اقتنع بيها [ده رأي شخصي عشان محدش يشتم بس] - ورأيي بطبيعة الحال مالهوش اي علاقة بالصفحة أو الموقع ..
ده رأيي انا الشخصي أبو معز - مش رأي Mohamedovic - وفي النهاية انت حر تاخد بيه أو لأ ?بس أنا عن نفسي ناوي استقر عليها الفترة اللي جاية ✋ .. 

عموما كل حاجة ليها أسبابها - والروم تختلف جوهريا عن روم حمزة الأخيرة N2o v5.0 لأن رومات حمزه معروفة انها Stock لأبعد الحدود بالإضافة لإنها في معظم الأحوال بتكون Light ومحذوف منها كل اللي مالوش لازمة - ودي ميزة وعيب في نفس الوقت ومعظمنا عارفين ليه وعلى كل حال ده مش موضوعنا بس حبيت أتطرق سريعا للإختلاف بين الإتنين - حاجة كمان روم حمزة كانت A5 Port - إنما روم النهاردة Note 7 Port ..

اول حاجة عجبتني في الروم هي انها جمعت جميع برامج Galaxy S8 بدون اي أخطاء تذكر - بالإضافة طبعا لتاتشويز S8 الحديد الجديد اللي مجنن كل الناس اللي منهم انا بالمناسبه  - وكمان طبعا System Ui بالكامل من نظام نوجا في Galaxy S8 ..

انا واحد من الناس عمري ما حبيت رومات Magma مش عارف ليه - وبشوفها زيها زي روم Phoronsis N7 مثلا - حلوة ومستقرة اةة بس فيوتشر ريتش بغباوة - انا مابحبش الزحمة والمميزات الكتير - انا بفضل الروم السلسة اللي اختياراتها قليلة والله حبيت اغير واعدل عندنا ملف Build.prop ممكن تتشقلب فيه واكسبوزد وترمينال وحاجات أفضل واسهل من كمية خيارات رخمة مالهاش 30 لازمة !

بلاش تقارن روم Magma UX9.5 بروم Fougat v5.0 - لأن الإتنين مختلفين شكلا وموضوعا ده غير ان معظم مودات Fougat أصلا متاخده من كذا فريق ومنهم Magma عشان كدة لو تفكروا الثريد بتاعتها اتقفلت فترة كبيرة في XDA ..

نرجع تاني موضوعنا - تسطيب الروم دي زي اي روم تانية بس عايزكوا تاخدوا بالكوا من شوية تريكات عشان انا نفسي وقت فيها وفضلت ساعتين في Bootloop ومش فاهم حتى السبب ✋? ..

• في اختيارات Aroma اللي بتختار منها وانت بتفلش الروم هيجيلك خيار الكيرنل اختار منهم كيرنل Lss 3.8 for N9005/ N9006 - دور عليه هتلاقيه تحت ..
  أما بالنسبة لاختيارات الروت - هتختار Magisk v12 تقريبا هو الاختيار اللي في النص - البرنامج ده قوي جدا جدا بالمناسبة وهيغنيك حتى عن Xposed بس هعملكوا عنه بوست منفصل أحسن عشان اشرح مميزاته وتتعامل معاه ازاي بالتفصيل ..
• أما تيجي تعمل Reboot System بعد ماتخلص تفليش الروم الريكفري هيطلع رسالة يقولك ان ماعندكش روت - وبيسألك يسطب SuperSU ولا لا - أنت اضغط Do not install - الروم متروتة بس لسة البرنامج بياخد تصريحاته أما الروم تعمل اول بوت ..
• بلاش تعلم على اختيار Busy Box لأنه مش متوافق مع Magisk 

الروم رائعة جدا ومستقرة ومفيهاش اي مشاكل من اي نوع - الكيبورد وتحميل اللغات مفيهوش اي مشكله - ال GPS سريع جدا عن ما احنا متعودين في اي روم تانية - البطارية آدائها كويس جدا بس طبعا هتختلف حسب الكيرنل واستخدام كل واحد فيكوا للروم ..

Magma UX9.5 - Galaxy S8 Screen Shots

مواضيع تهمك :

• ويدجيت الطقس والبحث من Galaxy S8 لكل أجهزة أندرويد | بدون روت
• تعديلات ملف Build.Prop لتغيير جهازك الأندرويد بشكل رائع!
• [النغمات][الخلفيات] الرسمية [24 خلفية] بدقة QHD لجهاز خلفيات Samsung Galaxy S8
• تعريفات USB لأجهزة أندرويد Samsung/ Motorola /Sony/ LG/ HTC/ ASUS/ Huawei
• جميع أنواع [Kernel] أجهزة [Note 3] بنظام Marshmallow
• إنت مهتم بـ الرومات المطبوخة أو المعدلة ؟ ## تعالى هقولك

طبعا كلكوا عارفين الخطوات اللي بنعملها كل مرة بس هقولها في نقط بشكل سريع :

– سطب Samsung Android Drivers
– نزل Odin 3.07
– كابل USB 3.0 الأصلي بتاع النوت
– شغل خيار USB Debbuging Mode من خيار Developer Options
– فلش ريكافري TWRP نسخة 2.8.7.0 – من خلال خيار AP في ال Odin
– خد نسخة كاملة من ملفاتك ومن الروم الحالية في حالة لو اول مرة تفلش روم وده من خلال الريكافري
– من الأودين فلش احدث مودم وبوتلودر للنوت
– اعمل wipe ل System – Data – Cash – Dalvic Cash
– فلش الروم من برنامج اختيارات Aroma المدمج مع الروم
– افرد ضهرك ورجلك لأن اول بوت هياخد 20 دقيقة – ماتقلقش ده الطبيعي
– إستمتع ..

لينك داونلود الروم : لينك مباشر Google Drive : https://goo.gl/W2jeEB

تحديث : 7 يوليو 2017

التغييرات في روم Magma UX9.5 للنوت 3 :

Galaxy S8 Limited Edition #2

** تحديث كيرنل (gugu0das للاصدار-4)
** تحديث (AOD) الى الاصدار Ver.2.7.05
** تم تعديل Framework-res لشكل الاس 8 (بكل مميزاته)
** تم تعديل SystemUI الى اس 8 (شكلآ )
** تم استبدال ART-Compiler
** استبدال ART-Disassembler
** تم تعديل Secsettings2 الى اس 8 (شكلآ )
** تم تعديل الادارة الذكيه الى اس 8 (شكلآ )
** تم تعديل Secsettings2
** تم تعديل services.jar
** وغيره الكثير

روابط تحميل روم Magma UX9.5 للنوت 3 : Download - Download