Galaxy Note3رومات معدلة

[روم][نوت 3] Mazenger v2.0 بمميزات Galaxy S8 & Note 7

إزيكوا يا ولاد 😀 - بقالكوا كتير مستنيين انا عارف تاني نسخة من روم Mazenger v2.0 خصوصاً إن أول نسخة كان نجاحها أنا شخصياً استغربت ليه خصوصاً إن مازن كانت دي اول روم ليه بمساعدة مطورنا القوي Kill-SwitCh حمزه طبعاً وأعتقد من غيره الروم دي ماكانتش هتطلع للنور ، إذا كانت نسخة Mazenger v1.0 أو حتى نسخة النهاردة v2.0 ..


عارفين كان ايه بيخلينا كل شوية نغير رومات نوت 3 كل شوية ؟! انا سألت نفسي السؤال ده كتير جداً ليه مااستقرش على روم مستقرة وشكلها حلو وخلاص ؟! - أنا مثلا على سبيل المثال مجرد مابلاقي روم جديدة نزلت وبعد ما بشوف الاسكرينز بتاعتها بحس إن في حاجة ناقصاني وموجودة في الروم دي وعايز اجربها ، يعني الفكرة هنا الاختلاف بين المميزات ، دايماً تلاقي مثلا رومات A5 أو A7 مستقرة ، بس ترجع تلاقي إن رومات نوت 7 شكلها أحلى ، بس هترجع تاني تقول رومات C9 مثلاً بينزلها تحديثات كتير ، طب انا زهقت من شكل أيقونات S8 طب انا زهقت من شكل إشعارات نظام Android Nougat وعايز ارجعها لمارشميلو ، طب انا نفسي أغير Android Nougat Ui وعايز ارجع للـ Ui القديم ، طب في لحظة زهقت من Galaxy S8 Stutsbar وعايز ترجع Note 7 Stutsbar !


حاجات كتير وتوهان وممكن تبقى حاجة بسيطة جداً تخليك تغير روم كاملة ، وبتلاقي الحاجة الجديدة فعلا بس للأسف الروم الجديدة دايماً مش بتكون زي التوقعات ودايماً هتلاقي فيها حاجة ناقصة وموجودة في الروم القديمة ، عشان كده تفليش الرومات أصبح إنك دايما بتدور على روم تجمع كل حاجة انت نفسك فيها في مكان واحد وفي نفس الوقت تقدر [ بنفسك ] تغير تغييرات جذرية فيها بدون ماتفقد بيانات او تضطر تضيع ساعتين على الأقل في إنك ترجع البرامج بتاعتك تاني وبلا بلا بلا ... زي محنا متعودين مع كل روم بنجربها ، انا بقولكوا كده لأني بنفسي بواجه نفس المشكلة دي مع كل الروم جديدة وافضل اقول يارب تطلع حلوة وفي الآخر للأسف دايماً بيكون فيه حاجة ناقصة .


طب اللي يقولكوا إن الوضع في الروم دي اختلف تماماً 😀 ..

تعمل ايه لو معاك بيز مستقرة جداً وبينزلها تحديثات زي رومات Galaxy A5 ، وفي نفس الوقت تحت إيدك أشكال وثيمات وأيقونات Galaxy S8 ومعاك برضه ثيمات وأشكال وأيقونات Galaxy Note 7 😀 !

لا إستنى انا مش عايزك تنبهر 😀 ..

طب لو زهقان من Samsung Galaxy S8 Stutsbar عادي تقدر ترجعه لشكل النوت 7 تاني - نفس الكلام إنك لو ليك مزاج تغير الــ Ui الجديدة لرومات نوت 3 اليومين دول للشكل القديم مفيش مشاكل برضه تقدر تغيرها ولو زهفت منها تقدر ترجع للـ Ui الجديدة تاني 😀

طب مثلا انا عايز الــ Ui بتاع رومات نوت 7 القديمة بس مع شكل إشعارات Nougat الجديدة - طب انا عايز الــ Ui الجديدة بس مش عايز إشعارات Nougat ..

طب عايز Rom Control ؟ طب غيرت رأيك وخلاص مش عايز تلعب في حاجة ؟

طب عايز Sound Control ؟

إنبهرت صح 😀 - انا برضه بصراحة كنت بتمنى ألاقي المميزات دي كلها في مكان واحد ومايبقاش لازم عشان اجرب حاجة جديدة أو [قديمة] إني اغير روم كاملة !


انا عارف إن كلامي ممكن يكون مش مفهوم لنسبة كبيرة منكوا لأني متأكد ان المميزات دي مش موجودة في ولا روم من اللي جربناهم قبل كده ، بس سيبك من كل كلامي اللي فوق وتعالى نتكلم بالصور 😀 ..


ده مثلا شكل Galaxy S8 Stutsbar : 

وده شكل Galaxy Note 7 Stutsbar :


وده شكل الـ Android Nougat Ui : 

وده الشكل القديم Android Marshmallow Ui : 


دي شكل إشعارات نظام Android Nougat الجديدة : 

 

وده شكل إشعارات نظام Android Marshmallow القديمة :


شكل الــ Power Menu القديم والجديد : 


إيه رأيكوا بقى في الفجأة دي 😀 - لا استنى خدي دي كمان - الروم معاها مود Flash-able Zip لــ AryaMod Sound Control - من أقوى مودات الصوت اللي ممكن تتعامل معاها في حياتك واللي متضمنة Viper - Dolby - Beats .


الروم مدمج فيها [لأول مرة] برنامج MohamedOvic App للأندرويد عشان تقدر تتابعنا لحظة بلحظة :

لو عايز تدون البرنامج لوحده تقدر تنزله من هنا : MohamedOvic App
.


أيوة كل الاسكرينز دي من روم واحدة ماتستغربش 😀 ..

طيب - نتكلم بقى شوية عن الروم بعد ماحكينا عن مميزاتها ، الروم طبعاً زي ماقولنا فوق بورت Galaxy A5 2017 مبنية على بيز BMG's A5 Port مع شوية تعديلات جوهرية زي مااتكلمنا فوق ..

  • التعديلات كلها من أولها لآخرها ساعد مازن فيها حمزه مطور نوت 3 اكيد كلكوا عارفينه
  • روم Mazenger v2.0 مستقرة جداً جداً وخفيفة ومساحتها 1.4 جيجا ..
  • روم Mazenger v2.0 مدمج فيها كيرنل Phantom v1.2K [أحدث نسخة] وممكن تجرب من هنا أي كيرنل للنوت 3 يعجبك
  • الروم مدمج فيها Rom Control في حالة لو حبيت تجرب الــ Old Marshmallow Ui 

الروم هتجيب معاك screen on حوالي 4 ساعات او على حسب استخدامك

الميزة بقى ان كل المميزات اللي قولنا عليها فوق دي حضرتك مش مجبر أصلا عليها - كلها موجودة في Flash-able Zips انت تقدر تفلشها بنفسك وقت ماتحب تغير حاجة معينة في الروم بدون ماتغير الروم كلها - واي حاجة تغيرها تقدر ترجع فيها تاني بإنك هتفلش ملف zip برضه ..


Mazenger v2.0 rom Screen shots


لينكات تحميل روم نوت 3 - Mazenger v2.0 : Mega

[ad id="2635"]

الوسوم
اظهر المزيد

أبو مُعِز

إسمي محمد، وماترونه في الإسم الظاهر هو إسم إبني الأكبر مُعز. الآن أنا بالعقد الثالث من عمري وأهوى التقنية والتدوين وكذلك تصميم المواقع منذ نعومة أظفاري. تعلمت مؤخرًا بعض مراحل تطوير وتعديل أنظمة أندرويد على الهواتف الذكية المختلفة وأُحب مشاركتها مع من يُحاول أن يبدأ بهذا المجال. أنشأت مُدونة مُحمدوڤيتش كهواية وحُب أولًا وأخيرًا وكما يُمكنك أن ترى أنها بدون إعلانات مستفزة أو نوافذ مُنبثقة وذلك لمُحاولة توفير أفضل تجربة تصفح مُمكنة لموقع تقني عربي. جميع الشروحات والادوات التي تقرأها هنا قد قمت بتجربتها بنفسي أولًا ثم نقلتها إليكم من واقع تلك التجربة لحمايتك قدر الإمكان من أي خطر أو مُجازفة يُحتمل أن تواجهها.

مقالات ذات صلة

‫26 تعليقات

    1. للأسف أستاذ نواف ستحتاج إلى تنزيل روم رسمي 4 ملفات ثم المحاولة لتنزيل الروم بالموضوع مرة أخرى ..
      وآسف أخي الغالي لتأخر الرد

    1. أستاذ بكر ، النسخ العالمية من أجهزة نوت 3 هي نسخ كوالكوم أو نسخ الــ 4G وليست الــ 3G بارك الله فيك 🙂 ..
      وعلى كل حال هذه الروم لنسخ كوالكم أو 4G ، قريباً إن شاء الله بالموقع أول روم مارشميلو لأجهزة نوت 3 في خلال أيام

  1. اولا شكرا ليك ع المجهود الاكثر من رائع
    و ثانيا الروم باين عليها جامده بس للاسف فى مشكلة بسيطه انها مش شغاله عندى علما بان جهازي n9005 و عند التفليش تعطى كلمة سامسونج ولا يعمل الروم و يظل عالق بين كلمة سامسونج

    1. الأول منورنا يا دكتور محمد – وشكراً على كلامك الرائع والمدونة منورة بوجودك فيها 🙂 ..
      اما بالنسبة للروم وانها علقت على لوجو سامسونج ، هل حضرتك عملت تحديث للمودم والبوتلودر قبل ماتفلش الروم ؟
      منتظر ردك ..

  2. السلام علیکم
    dear mohamed
    i used this rom and thanks to you sir,
    my phone is like galaxy s8
    appreciate it.
    now i have question sir?
    i have a galaxy a7 2016 sm a7108(china pack)if you know china banned google play
    and i flash vietnamese cock firmware via odin and the problems fixed
    after that when i go to settings==>about device==>model number is sm-a710fd
    now samsung release android 7 for my device
    can i flash oficial android firmware for a710fd on my device???
    is there anyways to android 7??
    without any issues like google
    please help me

    1. أهلا بحضرتك أستاذ عادل ، يارب نكون عند حسن ظن حضرتك دايما ..
      اما بالنسبة لسؤالك ، خليني اتأكد من معلوماتي ، حضرتك بتقول إنك فلشت نسخة من “روم” فيتنامي ، طب هي الروم دي اصلا رسمية ولا مطبوخة ؟! ، عشان مستحيل تنزل روم رسمية لجهاز غير جهازك اصلا !
      ممكن توريني screen shot من تاب Software info في تليفونك عشان أقدر أقرر ؟
      منورنا استناذ عادل 🙂

      1. dear mohamed
        thank you for answering.godbless you sir

        this link below is screenshot of software info:
        http://s8.picofile.com/file/8300198142/Screenshot_20170711_095328.png

        this link below is that same vietnames site that i download firmware
        https://samsungvn.com/threads/sm-a7108-6-0-1-20170115-update-datdevs.22207/

        if i flash official firmware for A7108 google play has stoped working this is my problem
        sir if you answering english i would be glad because i’m not arab
        thank you again
        شکرا

  3. لو سمحت انا نزلت الروم علي الكمبيوتر بس معرفش ازاي اركبه علي النوت بتاعي اناا كننت متعود علي التعامل مع الاودين في الرومات اللرسمية بتكون مف واحد زي ما حضرتك فاهم انما خطوات تركيب روم معدل اول مرة اتعامل معها ومعنديش اي خلفية عنها . ياريت حضرتك تساعدني اركب الروم ده جزااك الله خير..

    1. منورنا أستاذ عبدالمجيد ..
      حضرتك ممكن تشوف الموضوع ده : https://mohamedovic.com/how-to-root-recovery-flash-roms-backup-for-samsung-devices/ – ده شرح تفصيلي للتعامل مع موضوع الروت والرومات للمبتدئين ، وهتلاقي سهل جداً وبأدق التفاصيل منعاً لأي أخطاء لو انت لسة بتتعامل مع الموضوع ده لأول مرة ..
      أدخل كده واقراه بهدوء وافهم كل تفاصيله ولو في حاجة وقفت في إيدك ياريت تعمل كومنت في الموضوع هناك عشان اتابعك 🙂 ..

  4. سلام عليكم اخ محمد يارب تكون بخير شكرا على المجهود الرائع شكلها روم محترمة جداا بس بردو للاسف انا واقفة عندى مش بتفتح وقريت تعليقك قبل كده عن احدث موديم وبوت لودر بس مش عارف اجبهم منين ممكن توصية او لينك ليهم شكرا مقدما

    1. الله يكرمك ياا كيمو ، المدونة منورة بيك والله يا كبير 😀

      ده رابط أحدث مودم : https://drive.google.com/file/d/0B1TPzaNpmHN8MlptMjZMZFNDY2c/view
      وده رابط أحدث بوتلودر : https://drive.google.com/file/d/0B1TPzaNpmHN8UkRIeFdfSGc0eWM/view

      طبعاً بيتفلشوا عن طريق برنامج Odin 3.07 في خانات CP للمودم و BL للبوتلودر ، جرب تاني ولو قابلتك اي مشكلة تعالى علطول 🙂

    1. عفواً أستاذ علاء إن شاء الله تكون عجبتك ..
      ماذا تقصد بأن الاسبيكر طرف واحد اللي شغال ؟!
      ممكن توضيع للمشكلة بالظبط ؟

  5. مجهود رائع … قيد التجربة لكن في مشكله … واقف علي شعار اللوجو بقالي 20 دقيقة مع العلم محد المودم و الوتلودر قبل التفليش
    ارجو الرد و شكرا مقدما

  6. السلام عليكم
    اتمنى اتك تساعدونى انا عايز اغير اسم الجهاز الافتراضى من MazenGer الى Samsung note 3 غيرت الاعدات فى build.prop و ال version
    بس مش عارف الاقى مكان الى اقدر ارجع اسم الجهاز للافتراضى
    انا مش محتاج شرح حضرتك عرفنى بس الاقى فين وانا هعيش مع نفسى
    شكرا مقدما.

اترك رد

إغلاق
إغلاق