[روم][للنوت 3] Mazenger v3.1 - The Power Of Galaxy Note 3 بمميزات Galaxy S8

إزيكوا يا ولاد  - بقالنا كتير جدا غايبين عنكوا لأن ماكانش في رومات للنوت 3 تستحق الكلام عنها، إن كانت Aspire v3.0 أو حتى Magma 9.7 الأخيرة. كلها كانت مجرد تحديثات بسيطة ومجرد مميزات مكملة فقط ماتستدعيش إنك تفرمت روم بالكامل عشان تفلشها، إلا روم Mazenger 3.1 هي اللي حلت المعادلة الصعبة بصراحة :D.

بس جه مازن من كام يوم قالي خد جرب النسخة الجديدة من روم Mazenger 3.1 بتاعته "ايوة انا كمان مش عاجبني الإسم وعايزه يتغير " وانا كنت مكسل بصراحة اقعد أفرمت وافلش في الروم وبعدين البرامج وبعدين مودات بما إن مستحيل تلاقي روم متوافقة مع ستايلك والشكل اللي انت تفضله 100% - لازم كدة مع كل روم جديدة تكون مجهز موداتك وشوية الحبشتكنات بتاعت كل مرة عشان تفلشها بعد الروم  - يعني اذا كانت Xposed مثلا او لو بتتعامل مع Magisk Manager أو عايز ui نوت 7 مثلا او عايز إشعارات نوجا يعني إلخ إلخ ...

بس مع روم Mazenger 3.1 لا الوضع اختلف بصراحة  - الواد مازن فعلا أبدع فيها خصوصا انها دلوقتي بقى مدمج فيها برنامج اختيارات Aroma وفيه كل الخيارات اللي ممكن تتخيلها بحيث انك مش هتكون مجبر تفلش أي مودات بعد ماتخلص تفليش الروم - يادوب تفلش وتدخل تسطب البرامج بتاعتك والموضوع خلص  ..

اختيارات Aroma مدمج فيها اختيار الكاميرا بين نوت 7 أو S7 أو نوت 4 "شخصيا اختارت كاميرا نوت 4 لأن فيها أقل قدر من الأخطاء ولأن الفروق بين نوت 3 ونوت 4 تعتبر منعدمة اصلا غير في حاجات بسيطة جدا" - فيها اختيار ال Ui بين نوت 7 أو S8 أو A5 بالإضافة لاختيار شكل الاشعارات اللي تفضله. خيار تثبيت فيرموير Xposed موجود في الاختيارات برضه ، كمان مدمج إختيار الكيرنل بين LSS 3.9 او كيرنل فانتوم النسخة الأخيرة وكم كيرنل كده تانيين مجهولين المصدر مش عارف مازن جابهم منين 😀 - وحاجات كتير جدا طبعا مفيش مجال لذكرها كلها في البوست ده ولازم تجربها بنفسك.

بس استنى ## انت برضه تقدر تفلش المودات القديمة زي الاشعارات بتاعت مارشميلو أو نوجا وال Ui سواء الجديد أو القديم أو حتى Sound Control بتاع رومات AryaMod   ، المودات القديمة بالكامل تقدر تلاقيها في موضوع روم Mazenger v2.0 عشان لو حبيت تستخدمها هي متوافقة عادي جدًا مع الروم دي

الروم خفيفة جدا ومستقرة ومفيهاش أخطاء تقريبا - واخيرا مشكلة Call Waiting في كل رومات نوت 3 اتصلحت في الروم دي - بجانب مشكلة NFC اللي كانت موجودة في الإصدارات اللي فاتت برضه اتصلحت في الروم دي طبعا بالإضافة لمشكلة الصور البيضاء في الجاليري.

ميزة تصوير الشاشة مدمج معاها ميزة تسجيل فيديو للشاشة مش مجرد منظر زي معظم الرومات.

روم Mazenger v3.1 مدمج فيها إشعارات نوجا الجديدة بأحدث إصدار زي مهو باين في الصور، تقريبا شكل الإشعارات ده مش موجود في ولا روم تانية غير روم Magma 9.7 الأخيرة بس والباقي كلها فيها الإشعارات القديمة

شخصيا إن شاء الله ناوي استقر ع الروم دي لفترة كبيرة من الزمن لحد ماتظهر حاجة منافسة على الساحة "بس مااعتقدش يعني " ..

Mazenger v3.1 rom Screen shots

رُبما تُحِب أيضًا
32 تعليقات
  1. غير معروف says

    هل هو افضل من ناحية الأداء والبطارية ام روم اسباير

    1. Mohamed says

      والله يالطيب إجابة هذا السؤال ترجع لطريقة استخدامك للروم وانت الوحيد الذي يجب أن تعرف أيهم أفضل طبعًا بعد التجربة المطولة للرومين. على كل حال، من وجهة نظري الشخصية التي لا قيمة لها وعلى حسب استهلاكي واستخدامي للرومات بشكل عام أرى أن روم مازنجر الإصدار الأخير أفضل استقرارًا وبطارية من روم Aspire

  2. غير معروف says

    هل يوجد أكسبوزد الروم

    1. Mohamed says

      نعم يوجد، وهو ضمن خيارات Aroma

  3. غير معروف says

    الجهاز بيعمل ريستارت اول ما بنزل الرووم ايييييييه الحححححل

  4. Mazenger says

    رجاء تفليش احدث مودم و بوتلودر

  5. yousef wagdi says

    يعني ايه تفلييش

    ومفهمتش حاجه من الخطوات خالص بس عايز اعمله

    1. Mohamed says

      تابع الموضوع ده يا استاذ يوسف وانت حتفهم كل حاجة بالتفصيل :
      https://mohamedovic.com/how-to-root-recovery-flash-roms-backup-for-samsung-devices
      منورنا 🙂

  6. mohamed cabo says

    1- خدت باك اب
    2- wipe data / factory / cach
    3 – فلشت CL w BL اللى موجودين ف مقاله ” حل مشكلة أعادة تشغيل الهاتف تلقائيآ بعد تفليش الرومات المعدله..””
    4- بعدها فلشت الروم من ال recovery عادى … زى اى روم
    5- بتفضل نص ساعه ع كلمه Samsung ” العادى بتاع كل مره ” اللى مش عادى انها بتفضل تعمل ريستارت و بتقف ع كلم سامسونج مبتكملش ؟؟

    “” جربت نفس الخطوات دى بال default choose بتاعت الروم و مره باختياراتى انا “” و الاتنين نفس الحل
    و مره بكيرنال LSs و مره ب اول كيرنال غريب كده بال default

  7. Mohamed says

    مشكلتك في المودم والبوتلودر ياابو حميد، افتكر تحدثهم وبعدين فلش الروم تاني هتشتغل معاك كويس

  8. david says

    i visit your site every two days
    still no multiboot topic 🙂

    1. Mohamed says

      I’m very sorry for that David, I promise you I’ll write about it very soon

  9. ALZA7F says

    الروم ممتاز جداً
    ولكن عندي مشكلة هي عندما احمل اي لعبه تختفي لوحدها وعندما ابحث عنها بالبحث اجدها لكن ليست في قائمة التطبيقات؟
    فقط الألعاب اما اي تطبيق آخر لا يختفي؟

  10. Mohamed says

    أعتقد المشكلة من بعض التطبيقات عندك! هذه المرة الأولى التي اسمع بمثل هذه المشكلة
    والغريب أنها موجودة مع الألعاب فقط وليست مع التطبيقات مثلا

  11. قتيبة says

    انا فلشت الروم واشتغلت تمام لكن الشبكة عندي مافي ةالايمي مختفي ومودم وبوتلودر محدث وعامل نسخة ولما رحع النسخة كمان الشبكة ماعم تجي شو الحل

    1. Mohamed says

      أستاذ قتيبة منور مدونتي في البداية، مرحبا بك أخي الغالي
      هل يُمكنك عمل سكرين شوت من خانة System info تجدها بداخل الإعدادات ثم رفعها في تعليقك؟

  12. قتيبة says

    شكرا اخي عالجت المشكلة …فلشت روم رسمية ثم حدثت المودم وفلشت الروم هذا حاليا قررت اثبت على هذه الروم لم اجد مشاكل جربت اصدارات الكيرنل في الروم ثم جربت كيرنل DarkLord-Kernel-Marshmallow-NewUX-hlte-eur-V2.0 حاليا شحن الجهاز تمام واستقرار اكبر يوجد فقط مشكلة بسيطة جدا ولا تعتبر مشكلة ان اللغة العربية بالاشعارات متداخلة فقط شكرا على هذه الروم الرائعة

  13. قتيبة says

    نصيحة لكل مستخدمي الرومات المطبوخة
    يجب عمل نسخة احتياطية من البوت وefs

  14. a7md3li says

    بعد اذنك عاوز اعرف الروم ده ينفع يشتغل علي SM-N900

    1. Mohamed says

      لا للأسف ده لأجهزة N9005 بس

  15. a7md3li says

    طب ممكن روم بدون اخطاء ل N900 بخواص s8

  16. a7md3li says

    انا جربت رومات كتير جدا بس المشكله بيكون فيها اخطاء والجهاز بيسخن والبطاريه بتنزل ع طول

    1. a7md3li says

      ارجو الرد

  17. mostafa says

    مش عارف احدث المودم والبوتلودر اعمل ايه

  18. fahad says

    احدث روم وبتلودور لي نوت 3 n9005 ولو سمحت اثبتهم بالروم الرسميه ؟ ولا بالروم المطبوخه؟.

  19. Reda says

    أنا عندي مشكلة في تطبيق soundcloud و أنغامي
    لما بفتحهم بيقوللي soundcloud has stopped

  20. raefeslamniya5556 says

    السلام علیکم اخی الکریم انا تکلم لغه العربیه شویه
    مشکل کبیر MazenGerRomV3.1 مع wifi direct -screen mirorrin
    أفضل استقرارًا وبطارية MazenGerRomV3.1 جدا جمیل و مدت طویل very good battery life
    انا لازم جدا rom contorl speed meter statusbar
    screen mirorring

  21. raefeslamniya5556 says

    هل ممکن فی الروم جدید mazenger-v3-1
    اصلاح مباشر الواى فاى ( Wifi Direct )
    اصلاح خاصية Minor
    تم حل مشكلة Smart View

    هل ممکن الروم المخففة mazenger-v3-1

    1. أبو مُعِز says

      دهه رابط النسخة المخففة من روم Mazenger بحجم 800 ميجا: https://mega.nz/#!fgpUXSqJ!byQAAZAvXxrbYr_P2om7mXU5-KXLMFnLmr2tf9o40Aw
      أما بالنسبة لمشكلة Minor, Wifi direct فهحاول اتواصل مع المطور عشان يحلها

  22. Ahmed Soleil says

    لو سمحت انا منزل احدث المودم والبوتلودر ومازال بيعمل رستارت برده ومعلق عالبوت ايه الحل منزل ده
    https://forum.xda-developers.com/showpost.php?p=77749438&postcount=413

  23. Ahmed Soleil says

    انا منزل احدث مودم وبوتلودر اللى هم دول وبرده بيعمل ريستارت
    https://forum.xda-developers.com/showpost.php?p=77749438&postcount=413

  24. mahmoud alsayed says

    لو سمحتم ممكن رابط اخر للروم ؟

اترك رد