[روم][نوت 3] Norma C9 Pro V8.0 بمميزات Galaxy Note 7 & S8

النهاردة معانا روم Norma C9 Pro V8.0 بمميزات Galaxy Note 7 & S8 - انا والله ماكنتش مشغول عنكوا الفترة اللي فاتت ولا حاجة - بس ماكانش في حاجة تستحق الذكر عشان أكتب عنها - حتى روم Fougat v6.0 جربتها فترة ماكنتش تستحق يتكتب عنها لأنها تشبه كتير جدا آخر نسخة روم Fougat 5.1 - ده غير إنها فيها Bugs و Lag كتير - رغم أن شكلها حلو من رأيي الشخصي ولكن زي منتوا عارفين احنا بندور على القوة والاستقرار في المقام الأول وبعد كدة الشكل سهل جدا تعديله وتغييره ..


لمحت بطرف عيني كدة بعض الناس بتتكلم على بورت S8 او نوجا للنوت 3 !
إنسوا ? .. بلاش تستنوا او تحطوا أمل كبير على الموضوع ده لأن الموضوع للأسف أصعب مما تتخيلوا - لو عايزز تجرب نسخة Nougat 7.1.1 ومستقرة بتاريخ 9.3.20177 موجودة هنا :

 روم [ Resurrection Remix ] بنظام [Nougat 7.1.1] بتاريخ [09.03.2017]

بس للأسف هي مش TouchWiz - لا هي سيانوجين - وكمان مش من فريق سيانوجين الرسمي - لا هي من مطور في XDA بس محترف واسمه Lord Eko ..
لو مستغني عن تاتشويز ومميزات القلم عموما أنصحك تجرب الروم دي  ..


روم النهاردة بصراحة أبهرتني كشخص محب للتعديل وكاره للرسمي ومايعجبنيش العجب ? - هستألني ليه؟ هقولك

روم النهاردة بورت Norma C9 Pro V8.0 - من تعديل وتعريب المطور الكويتي Mic22 - شخصيا من كتر رومات Galaxy S8 الأخيرة تقدروا تقولوا زهقت من ال Ui بتاع S8 - يعني خلاص اخد وقته وكفاية عليه - والتغيير ليه متاح بالمناسبة في اي روم - بس للاسف مفيش روم فيها كامل مميزات S8 الا ولازم تلاقي فيها مشكلة وحاجات تعتبر أساسية برضه - إلا روم النهاردة  ..


من الحاجات اللي كيفتني في روم Norma C9 Pro V8.0 هي إنها جاية بمعظم المميزات اللي انا شخصيا بفضل تكون موجودة في الروم اللي بستخدمها بشكل يومي واللي أحب أستقر عليها لفترة - أنا مش بركز في الشكل والاستقرار بييجي عندي في المقام الأول - زي مثلا الكيبورد في الروم دي ولا هو كيبورد نوجا ولا هو كيبورد نوت 7 - لا هو كيبورد S7 - وهو الأفضل بلا منازع لأنه مستقر جدا وكامل مميزاته موجودة زي الكتابة بالقلم أو انه بيحفظ أسلوبك في الكتابة مثلا طبعا بالإضافة لإن مفيش اي مشاكل فيه بالنسبة لتحميل اللغات بالإضافة كمان لأني بحب شكله بصراحة وبحسه أشيك من باقي الكيبوردات  - واللي عجبني اكتر ان المطور أتاح مود كيبورد نوجا مع الروم بحيث لو حبيت تغيره في أي وقت  ..

Samsung Galaxy S7 Keyboard

كيبورد تاتشويز بالمناسبة مفيش مطور عرف يعمله بورت لأي روم تانية  - يعني عايزك تمشي رافع راسك كدة ان معاك كيبورد الكل بيتمنى شكله او مميزاته  ..


xposed framwork

تاني حاجة هي Xposed - عجبني جدا فكرة أنه مثبت مسبقا مع الروم وانت مش محتاج تدور على النسخة المتوافقة مع تليفونك خصوصا مع كتر فيرجناته .. بالإضافة كمان لمود AdAway اللي بيمنع الإعلانات من الموبايل كله مش المتصفح بس كمان مثبت مسبقا ضمن برامج الروم ..


تالت حاجة مود 3Minit بتاع البطارية - أنا عارف انه بتاع مالهوش 30 لازمة  - بس على كل حال التغيير طبعا مطلوب ..

الروم مدمج فيها الكيرنل القوي جداً كيرنل DarkLord Marsmallow UX V2.0 - وأدائه خرافي مش هتحتاج تغيره


الروم مستقرة جدا بأقل قدر من الأخطاء - نخلينا واقعيين مفيش روم بدون أخطاء ولا حتى الرسمي  - بس في حاجات تقدر تستغنى عنها وممكن تكون ماعندكش فكرة عن وجودها أصلا ..

روم Norma C9 Pro V8.0 من الرومات القليلة جدا اللي ميزة Private Mode شغالة فيها بكل مميزاتها بدون أخطاء - معاك Rom Control هيخليك تتشقلب وتغير في كل جوانب الروم حسب استايلك ومزاجك - ال Power Minu في الروم دي عجبتني بصراحة وفيها إضافات كتير حلوة زي تصوير الشاشة فيديو مثلا ..


تريكات :


الروم جي مدمج فيها Galaxy S8 TouchWiz بدون أخطاء - بالإضافة لمتجر ثيمات Samsung Galaxy S8 برضه ..

البطارية والاستقرار عجبوني جدا في الروم دي وده اللي خلاني اتكلم عنها في المقام الأول  ..


Norma C9 Pro V8.0 Port Screen Shots


شرح تثبيت روم Norma C9 Pro V8 للنوت 3

طبعا كلكوا عارفين الخطوات اللي بنعملها كل مرة بس هقولها في نقط بشكل سريع :

– قبل أي خطوة تعملها اقرا البوست ده كويس : إنت مهتم بـ الرومات المطبوخة أو المعدلة ؟

– سطب Samsung Android Drivers
– نزل Odin 3.07
– كابل USB 3.0 الأصلي بتاع النوت
– شغل خيار USB Debugging Mode من خيار Developer Options
– فلش ريكافري TWRP نسخة 2.8.7.0 – من خلال خيار AP في ال Odin
– خد نسخة كاملة من ملفاتك ومن الروم الحالية في حالة لو اول مرة تفلش روم وده من خلال الريكافري
– من الأودين فلش احدث مودم وبوتلودر للنوت 3
– اعمل wipe ل System – Data – Cash – Dalvic Cash
– فلش الروم من برنامج اختيارات Aroma المدمج مع الروم
– افرد ضهرك ورجلك لأن اول بوت هياخد 20 دقيقة – ماتقلقش ده الطبيعي
– إستمتع ..


كل الملفات اللي قولتها في النقط اللي فوق هتلاقي لينكاتها مع لينك الروم في ملف TXT جمعتهم مع بعض عشان مايبقاش فيه اي لغبطة – ركز في الخطوات وانت هتبقى تمام ..
الروم وباقي الملفات مرفوعة على سيرفر MEGA ومساحتها 1.4 جيجا ..

لينك مود كيبورد نوجا هتلاقيه في ملف التكست 

لينك مود التخلص من الرسالة المزعجة اما تيجي توصله بالكمبيوتر هتلاقيه برضه في ملف التكست

كل ريفيوهات الرومات هتلاقيها في الهاشتاج ده : #Mohamedovic_Roms – او في قسم Note3 


روابط تحميل روم Norma C9 Pro V8 للنوت 3 :

.

Download

5 تعليقات
  1. نسيناك says

    شكر لك اخي الغالي وبارك الله فيك

    1. Mohamed says

      أخ نسيناك – والله منور مدونتي المتواضعة يالغالي
      لي الشرف بتواجدك 🙂 – رمضان كريم يالطيب

  2. […] [روم][نوت 3] Norma C9 Pro V8.0 بمميزات Galaxy Note 7 & S8 […]

  3. غير معروف says

    السلام عليكم
    كيف نحمل الروم دخلت على الرابط لم أجد شيء مع تحياتي لك

اترك رد