رومات معدلة

روم Red’s Revenge 2.1 بورت Galaxy A5 2017 لأجهزة Galaxy Note 3

بس المرة دي روم Red’s Revenge 2 الروم تستاهل – وماشوفتش روم اقوى من دي بصراحة في استقرار او بطارية او سرعة او عدم وجود Lag من اي نوع او اي حاجة خالص. روم النهاردة هي بورت A5 من المطور Bacmeogia1 – بس الفرق ان البورت بالكامل بتاعه مش من فريق Norma زي كل مرة وبطبيعة الحال هتلاقوا فيها اختلافات جذرية عن اللي احنا متعودين عليه. طبعا محدش يقدر ينكر قوة رومات فريق Norma سواء بورتات A7 او Note7 او حتى S7 Edge – بس الفكرة في الروم دي انها خفيفة ومستقرة بشكل غريب جدا وحسيت ان ال Note3 بتاعنا كان مظلوم قبل كدة.


روم النهاردة ولأول مرة ادائها طلقة وبطاريتها هتستمر معاك Screen On لأكتر من 5 ساعات بكرينل DarkLord UX V2.0 ! – ايوة انت دلوقتي معاك آداء قوي زي محنا متعودين من كيرنلات Darkera وفي نفس الوقت بطارية قوية زي كيرنلات Lss Kernel – في روم Red’s Revenge 2.1 انت مش مضطر تفلش كيرنل ولا تتنازل عن طول البطارية على حساب الآداء – اعتقد دي الروم الوحيدة اللي قدرت تحل المعادلة الصعبة دي. رومات Galaxy Note 3 كتير جدا واشكال وألوان وعشان كدة صعب جدا ترضيني حاجة من جميع اركانها – دايما بيطلع عيب وبنختار احسن الوحشين – لا مع الروم دي هي احسن الحلوين – بس طبيعي يكون فيها أخطاء // أي بورت فيه اخطاء بس الفكرة هل الأخطاء دي محتملة ولا لا ؟! .


روم Red’s Revenge 2.1 للنوت 3

العيوب اللي قابلتها في الروم دي “واللي حلها سهل بالمناسبة” هي عدم وجود Rom Control ولا فيها برنامج اختيارات Aroma – يعني كل إعداداتها إجبارية طبعا بما انها A5 Stock. بس حلول العيوب دي سهله – ميزة وعيب في نفس الوقت – في مود ممكن تفلشه بعد الروم هيديك الأيقونات وال UI الجديد كليا بتاع Galaxy S8 – بالإضافة لويدجيت الساعة وكمان الفونت. ولو مش عايز قشطة. انت مش مضطر تفلشه وممكن تفضل على ستوك A5 اللي هي رائعة جدا بالمناسبة. والعيب التاني “من وجهة نظري” هو ان الكاميرا بتاعت Note7 – وانا الحقيقة بحب كاميرا نوت 3 الاستوك لانها مفيهاش مشاكل – علما اني ماقابلتش اي مشكلة في الكاميرا الحالية – بس مش عارف مش برتاحلها ليه.


الروم زي ماقولتكوا مستقرة جدا – مدمج فيها كيرنل DarkLord وآدائه خرافي – مدمج في الروم Nougat UI بالكامل مع بعض برامجها كمان ومعاهم ثيم Indie بالأيقونات بتاعته اللي الناس دايما بتسأل عليه. قلم S Pen في الروم دي تقدر تعمل فيه 10 اختيارات. مدمج فيها A5 Smart Manger وكمان Note7 Smart Manger. ايوة هيكون معاك الاتنين بكامل مميزاتهم – ومعاهم كيبود نظام أندرويد نوجا بدون اخطاء خالص.


الروم قوية جدا جدا وتستاهل تستقروا عليها فترة كبيرة – بس برضه طول منتا معاك Nore3 الإغراءات مش هتخلص – شوية وهتلاقيني جي تاني بروم جديدة. لينكات داونلود الروم ومعاها Galaxy S8 Icons Pack والوديجيت والفونت هتلاقها هنا في ملف Text وفيه شوية لينكات تانية


صور روم Red’s Revenge 2.1

كل الملفات اللي قولتها في النقط اللي فوق هتلاقي لينكاتها مع لينك الروم في ملف TXT جمعتهم مع بعض عشان مايبقاش فيه اي لغبطة – ركز في الخطوات وانت هتبقى تمام ..
الروم مرفوعة على لينك مباشر ومساحتها 1.1 جيجا ..

كل ريفيوهات الرومات هتلاقيها في الهاشتاج ده : #Mohamedovic_Roms – او في قسم Note3 

لينك داونلود الروم وباقي الملفات من هنا : https://goo.gl/d5t1ti

#Mohamedovic

‫21 تعليقات

  1. ينفع اسطب انا الروم كنترول او مفيش اخبار ان هيطلع روم كنترول فى الاصدار اللى جاى منها

  2. أي تعامل مع الشريحة سواء مكالمات او نت من الباقة بلاقي الموبايل رستر ايه الحل؟

    1. حدثت المودم و البوتلودر من خلال Odin 3.07 ؟
      فلش كيرنل DarkLord UX V2.0 و بعدها اعمل ويبات الكاش والدالفيك ..
      جرب كدة تاني وان شاء الله تظبط

      1. اولا بشكر حضرتك على المجهودد العالي اوي دا
        الروم حلوه الى حد ما بس لما باجي اعمل باسورد من الستنجز .. السيتنجز بتعمل FC .. مسحت الكاش وبرضو نفس المشكله
        احدث مودم و احدث بوتلودر

  3. السلام عليكم
    لو سمحت بعد اذنك انا مش عارف احمل الروم انا حملت التكست وحملت من لينك الروم اللي موجود في التكست لكن للاسف اكتر من مرة يوصل كام و 80% ومش بيكمل ؟؟
    معرفش ايه السبب مع العلم ان النت شغال تمام وسريع ما شاء الله

    ياريت لو سمحت تحط لينك تاني او تبعت ليا رابط مباشر بالله عليك عايز انزل الروم ضروري

  4. ممكن بس الخطوات وحدة وحدة علشان انا في روم N2O و مش عارف افلش الروم دي خالص
    بحاول من الريكافري المعدل من الميموري زي اي روم بس مش بيكمل و بيرستر !!

      1. ممكن تجيب سكرين شوت من Software info ؟
        عملت Wipe cash & Dalvic cash بعد مافلشت الروم ؟
        شيلت علامة الصح من على اختيار Diagnostic Data ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى