روم [Resurrection Remix] بنظام Nougat 7.1.1 لهاتف جلاكسي نوت 3

النسخة الجديدة من روم Resurrection Remix N 7.1.1 - لجهاز Note 3 نسخ كوالكوم بأنواعها - دي آخر نسخة بتاريخ 09.03.2017 ..
الناس اللي نزلت النسخة اللي فاتت سيبكوا منها - هي كانت حلوة بس فيها بعض الأخطاء الرخمة زي لمبة الإشعارات وان ساعات ال UI كان بيهنج ..
النسخة دي Stable ومفيهاش اي مشكلة ..

يوجد إصدار أحدث للروم بهذا الرابط:

روم Resurrection Remix لأجهزة Galaxy Note 3 4G بنظام Nougat 7.1.1


Resurrection Remix N 7.1.1

تحديث جديد للروم :
- إصلاح مشكلة التوقف في الإعدادات
- إصلاح الإضاءة LED
- إصلاح أزرار الخلفية
- إصلاح إعادة التشغيل الى الريكفري وغيره
- إضافة دعم التحديثات الهوائية

انا عارف انكوا بقالكوا كتير مستنيين روم جديدة – خصوصا ان اخر حاجة جربناها كانت Magma وللأسف ماكنتش زي التوقعات – الروم مليانة مميزات كتير جدا بس فيها مشكلة الجاليري البيضا او السودا ده غير ان بطاريتها زي الزفت – وكبيرها 4 ساعات استخدام ..
رغم مميزات Magma الكتير جدا جدا الا انها ماكنتش مناسبة للإستخدام اليومي للأسف بسبب موضوع البطارية ..


Resurrection Remix N 7.1.1

 

اما الروم بتاعتك النهاردة اسمها ريزيكشن ريمكس – ومعناها بالمناسبة الكوكتيل او الخليط المنبعث بضم ال م – او المعاد إحياءه? All English all the time ? ..
واسمها كدة لأنها مش CM بس ولا Slim.Omni بس – لا الحقيقة هي “ريمكس” بين الاتنين طلعت روم اختراع بجد – اقرب لخفة الخام وفي نفس الوقت تقدر تتشقلب في كل جزء في الروم وتغيره بما يناسب ستايلك ومزاجك وبدون ماتستعين ببرامج خارجية – الحقيقة الروم كاملة مكملة من كل حاجة  ..

الروم في الثريد الأصلية في عنوانها مكتوب Beta وده لوجود بعض المشاكل البسيطة فيها واللي كلها ليها حل هقولكوا عليه تحت وبعدها بقت بدون مشاكل وبقت Stable زي منا قولت فوق ..

ناس كتير بقالها فترة تطلب مني اعمل ريفيو لرومات CM 12 او CM 13 او حتى ريمكس الفيرجنات اللي قبل دي بس ماكنتش شايف اي ميزة زيادة عن تاتشويز تخليني اخسر من وقتي ساعتين افلش واجرب !
بس المرة دي الحقيقة الوضع مختلف خصوصا ان دي الروم الوحيدة اللي هتقدر من خلالها تجرب اخر نظام اندرويد بآخر تحديث نوجا 7.1.1  ..
واللي للأسف مش متوقع يكون متاح من خلال TouchWiz لان واضح ان المطورين زهقوا مننا ?? ..

حاجة كمان – هتلاقي الروم مساحتها 360 ميجا – ماتقلقش مفيش حاجة غلط هي كدة ?? ..
الروم وانت مشغلها فحت وردم استهلاكها مش هيعدي 1 جيجا من الرام  ..


 


عشان مااطولش عليكوا – الوضع مع الرومات دي مختلف في تفليشها ..
مبدأيا لازم يكون عندك اخر نسخة من ريكافري Twrp 3.x.x ، طبعا او PhilZ ..
احدث Bootloader للنوت – واحدث Modem كمان ..
بالإضافة لكيرنل مختلف عن اللي احنا متعودين عليه ..
طبعا مع انك هتفلش ملف برامج جوجل لوحده بعد ماتخلص تفليش الروم واسمه GApps ..


مبدأيا الريكافري هو Twrp 3.0.2-1 اخر نسخة وتقدر تنزلها من اللينك ده :
http://www.file-upload.cc/7w4g792j1i6n
نسخة N9005 ..

طبعا هيتفلش عن طريق Odin 3.07 – ولازم Download Mode يكون متعرف ولو مش متعرف دور في جوجل على Samsung Android Drivers وسطبها الأول ..

تاني حاجة هي المودم والبوتلودر وتقدر تنزلهم من اللينك ده وتفلشهم بنفس طريقة الريكافري “اخر نسخة بتاريخ 22.10.2016 :
المودم : http://www.file-upload.cc/sshlutuiwgo6
البوتلودر : http://www.file-upload.cc/0qb9n93aue8c

كلمة BL اختصار بوتلودر – وملف CP هو ملف المودم وبرضه بيتفلشوا من برنامج Odin زي الريكافري بالظبط – البوتلودر في خانة BL والمودم في خانة CP

تالت حاجة الكيرنل – دونه وسيبه عندك هنحتاجه بعدين :
http://www.file-upload.cc/1wcwp5b53485

رابع حاجة ملف برامج جوجل وده بيتفلش عن طريق الريكافري :

http://www.file-upload.cc/g637jv9h6brg

ودي : ARM / 7.1 / Pico – اقل نسخة عشان تقدر تشغل برامج جوجل – في نسخ اقوى ومساحتها اكبر وتقدر تدخل موقع GApps وتنزلها بنفسك ..

او ممكن “وده الأفضل” انك تنزل برنامج GApps وهو اتوماتيك هيعمل Detect للنسخة المناسبة ليك وتقدر تدونها من خلاله : تقدر تدون البرنامج من هنا :
http://www.file-upload.cc/bsblve2iksal

روابط تحميل الروم (360 ميجا) :
https://www.file-upload.cc/xgc2aknt97v8

اعمل Wipe ل :
System - Cash - Dalvic Cash - Data

وبعدين هتروح ل Install وهتختار ملف الروم - وبعدين تعمل Add Zip وتختار ملف Gapps وبعدين تبتدي تفلش وبعدين Wipe Cash & Dalvic Cash..

سيب الروم تبوت اول بوت (مش هياخد 10 دقائق) و اظبط اعدادات اللغة واكونت جوجل وبعدين تعمل ريستارت على الريكافري ..

فلش الكيرنل من غير ماتعمل Wipe - ## ركز الخطوة دي مهمة عشان الروم ماتعملش معاك بوتلوب وتعلق على لوجو ريمكس ## ..

نفذ الخطوات بنفس ترتيب الكتابة ..

مبروك بقى عندك احدث نسخة Stable من نوجا 7.1.1 ❤️ .
ولو في حاجة وقفت في ايدك أو مشكلة قابلتك تعالى في الكومنتات ..

6 تعليقات
  1. tamer says

    شكرا ,, دائما متميز

  2. maged says

    عايز اتواصل مع حضرتك بشكل خاص لو امكن .اي الوسيله المناسبه .

    1. Mohamed says

      بخصوص إيه يا ماجد؟
      لو عندك أي استفسار بخصوص الروم ياريت تكتبه هنا وهحاول قدر الإمكان أجاوبك.

      1. maged says

        انا معايا نوت 3 9005 وكنت بعمل ابديت 0tg و طبعا هو مس هينزله ابديت جديد حلاص فانزل ايه ليه اي رأيك ف lineage 14 انا عايز حاجه متكونس متعدله كتير و عايز نسحه اندريد شبيها بالنوجا الجديد ال بينزل ع سامسونج الجديد والبرامج ي فيل سيكور بديل ال knox و اتنين يوزر زي gest واللختيلر بين 2 يوزر فتنصحني بأيه واين اقضل مكان انزل قيه الكلام ده والروم دي

أترك رد

بريدك الإلكتروني أو أي معلومات سرية أخرى لن يتم نشرها.