كل ما يخص أجهزة ميدياتك من روت | بورت | رومات | ريكفري | تطوير

اولا المقاله دي هشرحلكم فيها كل حاجه ب التفصيل الممل كل ما يخص أجهزة ميدياتك كل الي هتحتاجه هتلاقيه هنا ممكن تعتبر المقاله دي مرجع أساسي ليك حتي يلا بينا هنبتدي اول حاجه هنشرح بعض المصطلحات للمبتدئين من بورت رومات ميدياتك و برمجة رومات ميدياتك وشرح تثبيت ريكفري لأجهزة ميدياتك ، شرح فتح بوتلودر ميدياتك ، شرح روت ميدياتك ، بالإضافة لأسامي مطورين رومات ميدياتك ، برامج الروت المستخدمة مع أجهزة ميدياتك . تعريف الروم والروت والبوتلودر والريكفري وشرح برامج روت ميدياتك .


و هو اختصار لكلمة READ ONLY MEMORY و وساعات بيسموها FIRMWARE يعني نظام التشغيل الاساسى للاندرويد زي انظمة التشغيل فى الويندوز (WIN 7،8) و ينقسم الروم الى ثلاثة انواع وهى:-

  • رومات ميدياتك الرسمية ODEX - كل ما يخص أجهزة ميدياتك

و يكون من تطوير و تعديل شركة رسمية و هى الشركة المصنعة للهاتف زي سامسونج مثلا و عشان تركبه على الفون بتاعك نحتاج فقط برنامج SpFlashTool و يكون بلاشك هو الاسرع من حيث نظام التشغيل حيث تعتمد آلية تشغيله الى تقسيم تشغيل التطبيقات الى قسمين مختلفين و ده لتسريع عملية التشغيل بشكل اكبر.

  • رومات ميدياتك المعدلة DEODEX - كل ما يخص أجهزة ميدياتك

و هو الي بنسميه بالروم المطبوخ يعني مش تطوير او تعديل الشركة الرسمية بل يكون تعديله و تطويره من قبل مطورى الاندرويد نفسهم وف رأيي اشهر الرومات دي هو روم سيانوجيون مود CYANOGEN MOD و تركيبه يحتاج الى عمل روت و ريكفرى للفون و تعتمد آلية تشغيله الى جمع الملفين فى ملف واحد عشان كده هو اقل سرعة من الروم الرسمى من حيث التشغيل و لكن فيه مميزات كتير جدا الي تخلي معظم من مستخدمى الاندرويد يستخدموه زي انك تدي الفون شكل جمالى لم يكن عليه من قبل و تغيير ثيمات الفون و جودة الصوت و غيرها من المميزات.

 

  • رومات ميدياتك الخام أو الرسمية - كل ما يخص أجهزة ميدياتك

و هى الرومات المستخدمة فى اجهزة النكسس NEXUS و التى يتم اصدارها من شركة جوجل بنظام اندرويد لم يتم التعديل عليه من طرف أخر غير جوجل


  • ما هو الروت ROOT - كل ما يخص أجهزة ميدياتك

هو عبارة عن ملف صغير يتم تركيبه على الهاتف او الجهاز بتاعك عشان يمنحك صلاحيات الأدمن اى يمكنك التعديل بشكل كامل على ملفات النظام الاساسية و كسر حمايتها زي مثلاً تحذف بعض البرامج الاساسية فى السوفت وير للفون او دعم اللغة العربية فى الواجهة و تعديل نوع الخط فى بعض الاجهزه او تنزيل روم سيانوجيون مود الي اتكلمنا عليه سابقا و الكثير من التغييرات الي تقدر تعملها بواسطة الروت.
ملحوظة :- لايقوم الروت بعمل فورمات للجهاز و انما يفقدك ضمانه و لكن يمكن الغاءه فى اى وقت عن طريق الكثير من البرامج المخصصة
 
  • ما هو الريكفرى CWM - كل ما يخص أجهزة ميدياتك

و دي قائمة تخص نظام التشغيل تعطيك بعض الاوامر كعمل فورمات للجهاز او مسح الكاش و هنشرح تركيبه هنا و في برضك الريكفرى المعدل CUSTOM RECOVERY و بيحتوي على اوامر متقدمة زي احذ نسخة احتياطية من الجهاز و استعادتها او تثبيت الحزم الخارجية.
 
  • ما هي الحزم الخارجية للأندرويد ZIP FILES - كل ما يخص أجهزة ميدياتك

وهى عبارة عن ملفات ZIP نقوم بتثبيتها على الجهاز لاستبدال ملفات النظام بملفات اخرى تحتويها هذه الحزم كاستبدال تطبيق الكاميرا الخاص بالنظام بتطبيق تاني مثلا.
و يبقى لنا مصطلح اخير و هو ADB وهو اختصار لكلمة ANDROID DEBUG BRIDGE وهى شاشة من خلالها تقدر تستخدم بعض الاوامر الصادرة من جهاز الكمبيوتر و التى تحدث تغييرات على نظام الاندرويد و الشاشة  دي يستخدمها معظم مطورى الاندرويد باضافة التعديلات او اصدار الاوامر لجهاز الاندرويد من خلال الكمبيوتر.
 
  • ما هو البوت لودر BootLoader - كل ما يخص أجهزة ميدياتك

تخيل ان نظام الأندرويد مثل مكتب صغير به عدة فروع مثل فرع ال Cache partiton وفرع ال Dalvik cache ألخ ألخ والبوت لودر هو مدير هذا الفرع أو هو الحارس الذى يمر عليه كل فروع المكتب.

بمعنى أخر لن يستطيع أى شخص فى المكتب فعل أى شئ بدون ان يعود للبوت لودر.

تعامل المستخدم مع البوت لودر شبة معدوم ولن تتعامل معه بصورة مباشرة!

  • فتح Bootloader لأجهزة ميدياتك :

طيب مصدعنا ليه معاك ؟! أبدا البوت لودر ممكن ييجى مقفول ومعظم الشركات بتبقى قفلاه ومش هتقدر تحط روم معدلة الأ عن طريق فك القفل دة.

القفل بيكون بطريقتين عن طريق أما القفل الأمن للبوت لودر عن طريق السيستم نفسه ودة بيتيح لك انك تفك القفل بسهولة عن طريق الريكفرى ودة أتباعا لنفس طريقة أجهزة النيكسوس الخاصة بجوجل.

أو عن طريق عمل حماية وتشفير للبوت لودر ودة بيتيحله يشتغل عادى ولكن بيمنعك أنك تعدل على السيستم أو تحط رومات جديدة ، ودى سياسة سيئة بتتبعها شركات زى أتش تى سى وسونى مثلا ولكن سونى بتخليك تفك البوت لودر بسهولة عن طريق ال Fast boot وأتش تى سى أبتدت توفر أنلوك للبوت لودر بعد ما المطوريين صدعوها.

الشركات أبتدت تفهم ان الناس اللى بتشترى أندرويد أو على الأقل نسبة كبيرة منهم بتحب تعدل على السيستم بتاعهم ، وأبتدوا يوفروا أدوات لفك كسر البوت لودر زى ما عملت أتش تى سى وسونى ولكن مازالت شركات أخرى بتوعد بفك البوت لودر وبأنتظارها زى أسوس.

طيب سامسونج راحت فين ؟؟ سامسونج مش بتقفل البوت لودر بتاعها أصلا ! يعنى بتوفر بيئة مريحة جدا للتطوير وتعديل الرومات على أجهزة أندرويد الخاصة بيها ، كذلك الميدياتك معظم اجهزتها البوت لودر بتاعها مفتوح

ملحوظة : أحيانا بيكون فيه أجهزة من سامسونج مقفولة البوت لودر بناء على طلب شركات مش Verzion أو شركة T-Mobile فى أمريكا ، تخيل البوت لودر على أنه الحارس اللى هيمنعك من الدخول للجهاز الأ لو كسرته.


 

كل ما يخص أجهزة ميدياتك من [روت] و [رومات] و [مودم] و [بوتلودر] و [بورت] [ريكفري] :

 

كل ما يخص أجهزة ميدياتك

أولاً : Mediatek Bootloader - كل ما يخص أجهزة ميدياتك

مش هتقدر تعمل روت الا لما تفتح البوت لودر 95% من اجهزه ميدياتك مش محتاجm تفتحلها Bootloader بس بعض الاجهزه بتتطلب كده تقدر وعلشان تفتحه هتنفذ الخطوات دي :

روح الاعدادات ثم خيارات المطور واعمل Uncheck علي OEM Lock

لو ملقتش الاوبشن ده يبقي هتحتاج الاتي :

  1. سطب تعريفات الميدياتك هتلاقيها هنا : Cockworkmod
  2. اتبع الاتي
  • روح للكمبيوتر ووصل الموب بتاعك ب الكابل الاصلي
  • افتح الـ Terminal او الـ ADB Commands
  • اكتب adb reboot bootloader
  • هتلاقي موبايلك عمل ريبوت بعد م يخلص اكتب fastboot oem unlock وسيبه يخلص العمليه
  • بعد م يخلص اكتب fastboot oem get-bootinfo

  • لو قالك  bootloader is unlocked you can proceed يبقي مبروك العمليه تمت بنجاح


ثانياً : شرح عمل روت أجهزة ميدياتك / قائمة بأهم برامج روت ميدياتك :

في الخانه بتاعت الروت دي هتلاقي برامج روت كتير جدا تقدر تستخدم اي واحد فيهم عشان تعمل روت ..


شرح تطبيق Root Genius لعمل الروت لأجهزة ميدياتك :

 

انا برشح البرنامج ده جدا لانه مزود ب باتشات للتعامل مع الاجهزه الجديده واي جهاز ميدياتك معايا معمول روت ليه ب البرنامج ده بالاضافه إلى إنه تقدر تستخدم من الكمبيوتر او بدونه .

تحميل تطبيق Root Genius لعمل الروت لأجهزة ميدياتك : Download


 

شرح تطبيق iRoot لعمل الروت لأجهزة ميدياتك :

 

البرنامج ده اتصنع خصيصا اصلا للاجهزه الصينيه لانها اغلب الاجهزه الي بيبقي ملهاش روت وتقدر تستخدمه من الكمبيوتر او الفون بس انا برشح تستخكده من الكمبيوتر هيبقي افضل ليك

تحميل تطبيق iRoot لعمل الروت لأجهزة ميدياتك : Download

 


شرح تطبيق Root 360 لعمل الروت لأجهزة ميدياتك :

 

اخر برنامج للروت معانا النهارده هو برنامج صيني وبرشح استخدامه من الموبايل مش الكمبيوتر لان في مشاكل مع الاجهزه الغير صينيه ومصمم للعمل مع روت معظم اجهزه الميدياتك

تحميل تطبيق Root 360 لعمل الروت لأجهزة ميدياتك : Download

 


شرح تطبيق SuperSU و Xposed لأجهزة ميدياتك : كل ما يخص أجهزة ميدياتك

 

اما بقي لو مش عايز اداه ماجيسك وبتحب تكون تقليدي او متعود علي أدوات معينه ، من هنا تقدر تسطب البرنامج الشهير SuperSu

SuperSU
SuperSU
Developer: Codingcode
Price: Free

اما بالنسبه لتطبيق Xposed ف تقدر تحمله من هنا : Download


شرح تثبيت ريكفري لأجهزة ميدياتك - كل ما يخص أجهزة ميدياتك

شرح تثبيت ريكفري ClockWorkMod لأجهزة مدياتك : 

وده اكتر واحد انا برشحه عن استخدام بس برشحه فقط لاجهزه ميدياتك MT6572 لانهم مش هيعرفوا يسطبوا غيره .

خطوات تثبيت ريكفري ClockWorkMod لأجهزة مدياتك :

  • لازم نكون مسطبين الـ Drivers الي كانت فوق خالص ف الجزء بتاع الـ Bootloader
  • تحميل برنامج MTK DROID TOOLS من الرابط ده : Download

شرح برنامج MTK Droid Root Tools لأجهزة ميدياتك :

  1. بعد فتح البرنامج اسفل يمين الشاشه لو لقيت زرار root لازم تضغط عليه وتدي الصلاحيات من موبايلك ساعتها هتلاقي البرنامج نور اخضر زي الصورة :

 

2. هنضغط علي Root/Backup/Recovery :

3. هنعمل نفس الخطوات زي الصوره بالظبط :

4. نفذ الخطوات في الصورة : 

5. نفذ الخطوات في الصورة :

بعدها الموبايل هيعمل Reboot - ومبرك عليك الريكفري الجديد


شرح تثبيت ريكفري PhilZ Touch لأجهزة مدياتك : كل ما يخص أجهزة ميدياتك

افضل انواع الريكفري هو philz ده مش هينفع اصحاب الMT6572 يثبتوه لان المساحه ف Partion الريكفري اقل من 6 ميجا .

اما شرح تثبيت ريكفري PhilZ Touch لأجهزة مدياتك ، هتنفذ الخطوات دي :

  • أولاً : هنحمل آداة Easy Magic PhilZ Touch Installer دي من هنا : Download
  • ضغطتين على الأداة وتابع الشرح بالصور :

 

 

 

 

 

وصل الموبايل الــ PC ودوس Ok وماتنساش تفعل خاصية USB Debugging Mode

 

  • لو جالك ايرور زي ده هتكمل للخطوه السابعه ..

 

  • هتختار حجم الشاشه بتاعتك وبعدين هتضغط Ok
  • بعد كده هيظهرلك حاجات تانيه ...
    اول حاجه دوس Noبعد كده هيظهر ايرور دوس Okبعد كده دوس ok هتلاحظ ان فيه فلدر جديد علي سطح المتكب ب اسم MTK-PhilZ
    بعد كده دوس No

بعد كده هيطلب منك تحط الاستوك ريكفري بداخل فولدر Stock

هتلاقيه هنا : BackUp-MTK-Recovery in MTK-PhilZ 

انسخه وحطه جوه ده : in Stock folder of MTK-PhilZ folder

بعد كده هيظهرلك نافذه اختار حجم الشاشه تاني واضغط Ok

بعد كده اختار fb2png and tune2fs

بعد كده دوس Ok ثم No ثم yes ثم yes

ومبروك عليك الريكفري


شرح تثبيت ريكفري TWRP لأجهزة ميدياتك :

نحمل البرنامج ونفتحه وندوس yes علي اول حاجه

الخطوه الثانيه

 

الخطوه الثالثه

هنختار yes

الخطوه الرابعه

وصل الموبايل الــ PC ودوس Ok وماتنساش تفعل خاصية USB Debugging Mode

 

لو جاتلك رساله ك الاتي

Some older devices like MT6572, MT6589 MIGHT get a popup saying "Your Partition size is XXXXX and you may lose your IMEI if you continue" Press YES at your own risk, no one but you will be responsible for any damage to your device

دوس yes

واستني لما يخلص

ومبروك عليك الريكفري وملحوظه اوعي تعمل wipe whole system partion بالريكفري ده ي اما موبايلك مش هيفتح الا بتفليش السوفت الاصلي للفون بتاعك ..


شرح تثبيت وتفليش رومات أجهزة ميدياتك :

الجزء الممتع لكل مبرمج او يوزر الجزء الي كلنا بنعشقه هو الرومات!

ازاي تختار روم لأجهزة مدياتك ؟

تعالي هنا Mohamedovic هيقولك شويه حاجات تختار على أساسها رومات اجهزة مدياتك

  1. الروم odex ولا deodex ؟ لو انت مبرمج وبتحب التعديل ف هقولك اختار deodex انما لو يوزر وبتحب السرعه اختار odex .
  2. انا دلوقتي اندرويد jelly bean نفسي ف روم لوليبوب بس موبايلي مالهوش كيرنل حديث يبقي ساعتها هتدور علي روم تكون theme او fake بمعني اصح ودي هتوفرلك احساس اللولي بوب الي نفسك فيه وهتديك فكره عنه زي دول كده مثلاً : 
    CyanogenMod 12.1 Bugless V2.2 For MT6592
    NeXos rom for MTK
  3. دور علي الروم الي انت عايزها علي اساس الكيرنل يعني انت لو موبايلك ليه تحديث فعلا بس انت مش مسطب التحديث كمثال انت كيرنل 3.4.5 وليك تحديث  لكيرنل 3.4.67 يبقي هتدور علي روم يكون الكيرنل بتاعها 3.4.67 .
  4. إسم فريق مبرمجين الروم الي عايزها سواء CyanogenMod او Line OS او Paranoid Android او AOSP .
  5. اما لو تليفونك مش مشهور ف مش هتلاقي ولا حاجه من الرومات الي فوق دي او ممكن تلاقي بس بورت بس لو مالقيتش ساعتها هتدور علي فرق حسب نوع وموديل البروسيسور بتاعك يعني انت مثلا ميدياتك دور علي Hypernoid او Lollifox او NExOS احدث روم  للميدياتك MT6572 ومعاها كمان روم سوبر نوفا للميدياتك وهتلاقيها هنا : [روم][مدياتك] SuperNova Android O بنظام Android 8

مواقع تحميل رومات ميدياتك : 

  • تحميل رومات ميدياتك سيانوجين مود الي بقت Lineage من هنا : Download
  • تحميل رومات ميدياتك Paranoid Android لأجهزة ميدياتك : Download
  • تحميل رومات ميدياتك من فريق AOKP لأجهزة مدياتك : Download 
  • تحميل رومات فريق Pac Man Roms لأجهزة ميدياتك : Download
  • تحميل رومات فريق AllivOs لأجهزة ميدياتك : Dwonload

أسماء فرق رومات ميدياتك بدون مواقع رسمية :

  • فريق MediaMod مطورين رومات مارشميلو 6.0 للميدياتك
  • فريق lollifox مطورين رومات لوليبوب 5.0 للميدياتك
  • فريق Nexos مطورين رومات نوجا 7.0 للميدياتك

شرح عمل بورت [Port] لرومات ميدياتك :

شرح برمجة روم لمعالجات ميدياتك :

الاول ناخد الروم الي انت عايز تسطبها ونحطها في فولدر ونسميه Port وناخد الروم الرسمي ونحطه في فولدر ونسميه Stock - كده عندنا ملفين ، الأول إسمه Port والتاني إسمه Srock .

نروح لملف Stock ونروح للمسار ده /system
هنلاقي فولدرات كتير من ضمنها فولدرين اسمهم Usr او vendor / user - ننسخهم ونبدلهم بالملفات اللي في فولدر Port

ملحوظه: لازم تحذف الأول كل محتويات فولدر Port وبعدين تحط اللي انت نسخته

ونرجع تاني لفولدر Stock - هنلاقي فولدر اسمه etc في نفس مسار ملف /system

هنخش فولدر etc وهننسخ الاتي : 


firmware
security
bluetooth
wifi
vold.fstab
vold.fstab.nand

في بعض الاجهزه ممكن متلاقيش اخر ملفين ف عادي دول بس لو لقيتهم انسخهم .


ونروح لفلدر Port ف نفس المسار الي هو system/etc وهمسح نفس الفولدرات الي نسخناها من هناك ونحط الي نسخناهم .


هنرجع تاني لفولدر Stock ونروح للمسار ده system/lib وننسخ الآتي :

modules
hw
drm
soundfx
libaudio.primary.default.so
libcamalgo.so
libcameracustom.so


ونمسح الي زيهم فولدر Port ونحط الي نسخناهم دول
وبكده انت تكون خلصت مش ناقص انك تاخد ملف boot.img من الروم Stock وتبدله بنفس الملف في فولدر Port وتضغط الروم zip وتفلشها .


كيفية إختيار رومات أجهزة ميدياتك ؟ :

أسرة Mohamedovic عمتلك form على موقع جوجل كل ما عليك انك تدخل هنا : Google Form

وتملأ البيانات المطلوبه واحنا هنجبلك الروم لغايه عندك ده ف حاله انك مش لاقي روم انما لو لقينا ان جهازك ليه رومات كتير مش هنرد علي الform بتاعك .

وبكده نكون خلصنا مقال النهارده وكل سنه وانتم طيبين

الشرح والدرس بالكامل بواسطة مطور ميدياتك : APK5656 ضمن فريق مطورين Mohamedovic


إنتهى .

يمنع منعاً باتاً النقل بدون ذكر المصدر

18 تعليقات
  1. غير معروف says

    هو كده مع برنامج MTK Droid Root Tools مش ححتاج ادور علي recovery.img

    انا موبيلي lenovo A369i 4.2.2 عايز اعمله مارشيملو او نوجا يريت تبعتي امالك عشان اعرف بالتفصيل عن الموبيل ده عشان مغلبني

    1. Møhämmêd Khälêd says

      اه مش هتحتاج recovery. Img
      كمان موبايلك ليه مارشملو تقريبا ومنتشر جدا علي جوجل بالسورس بتاعته

  2. غير معروف says

    تمام بس كل ماجي افلش الروم يقلي cant open / اسم الفولدر

    1. Møhämmêd Khälêd says

      لما يقلك cant open يبقي العيب ف الupdate script

  3. amr khaled says

    how to solve can’t open file in recovery in lonovo A369i row s201

    note : I am a personal friend of Professor Mohammed Abu Moez

    1. amr khaled says

      or any rows s108 or s110 or s111

  4. amr khaled says

    الرجاء الرد السريع لأنني اريد ان اكون مرشميلوا

    ومبروك لحضوره ماتمر جوجل في القاهره

    1. Møhämmêd Khälêd says

      راجع التعليق السابق
      cant open= updater script error
      اتاكد ان الscript سليمه

  5. amr khaled says

    طب اتاكد ازاي ولو فيها مشكله احلها ازاي update scripte

  6. كوك تيل says

    ارجو المساعده جهازي zte v7max مش لاقي اي روم

  7. غير معروف says

    ارجو المساعدة لا استطيع ايجاد روم لجهاز DLYT-JN2015VT

  8. غير معروف says

    طب انا نزلت روم بصيغة zip علي تليفزيون mt6572 Sony z5 ازاي اركبة أو أثبته ارجو الرد؟؟؟

    1. عبدالله سيد says

      عفوا تليفيون

  9. عبدالله سيد says

    طب انا لماجي اثبت ركفيري cwm هحتاج نت
    ارحوالرد؟؟؟

    1. Mo'ez says

      لا مش هتحتاج نت ولا حاجة

  10. فيصل says

    السلام عليكم
    جهازي صيني معروف باسم Alcatel flash plus 2 ومكتوب على البطارية TCL FL02-2HLCEU2 كنت قد حاولت عمل روت للجهاز ولكن الجهاز تعطل ولَم يعد يقلع . حاولت ابحث عن روم وأثبته عن طريق SPFLASH TOOL بس الروم لم يتطابق مع الجهاز ولَم استطع إيجاد روم صالح له . منذ شهرين وانا ابحث ولَم اجد شيء…. ساعدوني ان استطعتم وجزيتم خيرا

اترك رد