[تحميل] الخلفيات الرسمية لجهاز Samsung DeX

فكرة إنك تبقى مستمتع بشاشة موبايلك الأندرويد او بتتفرج عليها على شاشة LED كبيرة عن طريق آداة Samsung DeX دي في حد ذاتها فكرة مثيرة 😀 بس مفيش حاجة مبتكرة فيها ، أقصد أقول إن شركات زي مايكروسوفت أو Jide أو حتى Splashtop حاولوا ينفذوا الفكرة دي وكانوا مطلعين مع أجهزتهم وأضافوها كرفاهية زيادة يعني بس معظم المحاولات دي أثبتت إنها فاشلة أو مش زي الناس ماكانت فاكرة او ماكانتش قوية زيادة لأن مفيش ولا آداة منهم حققت نجاح او حتى ممكن معظمكوا مايكونش سماع عنها من الأساس ..


طبعا الوضع في الحالة دي كانت مختلف مع Google اما فكرت في مشروع Google Glass وكان منتج ثوري وأعلنت بالفعل عن نسخ محدودة منه وكانت للمطورين او الناس اللي عايزة تجرب بس للأسف برضه كانت غالية جداً بــ 2000 دولار ! يعني تمنها النهاردة بالمصري بتاع 20 الف جنيه لحد اما توصل أم الدنيا !! دول شوية كفار في بعض مالناش دعوة بيهم 😀


البوست بتاع النهاردة بيتكلم عن آداة مختلفة وفيها بعض الشبه من الادوات اللي اتلكمنا عنها فوق وهي Samsung DeX - سامسونج أعلنت عن Samsung DeX بالتزامن مع إعلانها عن نجمها الأخير Samsung Galaxy S8 بس الفكرة في الجهاز ده واللي ماشوفتهاش في اجهزة تانية إنه Multi-Touch 😀 - واللي تقدر تحول أي شاشة بمدخل HDMI [معظم تليفزيونات دلوقتي فيها المدخل ده حتى الموديلات التعبانة] وتحوله لـ جهاز Samsung Galaxy S8 كبير 😀 - بس الفكرة انها دلوقتي مابقيتش مجرد شاشة - لا ده بقى جهاز أندرويد كامل تقدر تتحكم فيه بشكل منفصل كأنه تليفزيون ذكي بنظام أندرويد - لا وكمان بمميزات جهاز قوي زي Galaxy S8 - خصوصا ان ناس كتير كانت بتسأل تعمل الموضوع ده ازاي - انهم يتعاملوا مع نظام أندرويد على شاشة كبيرة [طبعا الموضوع ده متاح مع [نظام Remix OS] بس طبعا عايز معرفة وشوية حركات مش كل الناس ممكن هتقدر تعملها ..


Samsung Galaxy S8 DeX

عموماً بما إن دي أول نسخة من جهاز Samsung DeX هتلاقي الجهاز ناقصه بعض المميزات الأساسية لتشغيل نظام أندرويد بشكل سلس وكامل بكل مميزاته ، بس برضه هنرجع ونقول إنها بداية قوية جداً بالنسبة للجيل الأول .


تحميل الخلفيات الرسمية لجهاز Samsung DeX

على كل حال تعالى نرجع لموضوع البوست الأساسي - النهاردة احنا جيبنا الخلفيات الرسمية لجهاز Samsung DeX اللي اتكلمنا عنه فوق - وطبعا من شكلها وتصميمها الرائع جداً أتوماتيك هتفتكر بوست الخلفيات الرسمية لجهاز Samsung Galaxy S8 اللي اتكلمنا عنه قبل كده لأنها تقريبا نفس الكونسيبت - سامسونج بصراحة بتبهرني بتصميم الخلفيات بتاعتها حتى مع كتر أجزتها ولكن بصراحة دي حركات مش بتفوت عليهم ودايماً متفوقين فيها عن معظم الشركات اللي بتنتج أجهزة أندرويد - الخلفيات دايما بيبقى فيها فكرة مش بيجيب اي صور او خلفيات واقلب 😀

طبعا احنا جيبنا الخلفيات بدقة 1920 × 1920 بيكسل ودي دقتها الأساسية زي جهاز Samsung DeX بالظبط وهتلاقيها تحت وزي مابنقول كل مرة عشان تقدر تحمل الخلفيات بالدقة الكاملة إعمل right-click على الصورة وبعدين “Open link in a new window“ وبعدين “Save link as زي الصورة دي كدة :


تريكات :

 


خلفيات Samsung DeX

 

المصدر : DroidViews

اترك رد