ليه مفيش 3.55mm Headphone jack في iPhone7 !

ليه مفيش 3.55mm headphone jack في الايفون 7 !!

الموضوع طويل ..
الشركة الكبيره Apple بنفسها قالت أن ده المستقبل و ده الللى هيبقى بعد كده و أن ده بيوفر مساحة جوا الجهاز نفسه اننا نزود حاجات جوه الموبايل زى اننا نكبر البطارية
( و ده محصلش .. ايفون 6 بطاريته 1810 ميلي امبير .. ايفون 7 بطاريته 1960 ميلي امبير .. مكان مخرج السماعات وفر 150 ميلي امبير بحالهم ! )
في الحقيقة apple نشرت السبب اللى قالته ده لناس كتير منهم Marques Brownell أشهر مراجع تقنى تقريباً على اليوتيوب
و انتشرت فيديهوات كتير عن سبب اختفاء الـ headphone jack في الايفون 77 و كلهم بيوضحوا نفس النقطة .. المستقبل.
طب فين الحقيقة ! استحالة شركة كبيره زى Apple تعمل حركة زى دى بحثاً عن المستقبل في وقت غلط بعشوائية كبيرة
هبعد شوية عن الموضوع و هرجعلة و هتكلم عن الـ lightning port في أجهزة الايفون
شركة apple بتمتلك الـ lightning port بشكل كامل
هي اللى مصمماه هي اللى مخترعاه
فأى شركة حبت تصمم أى اكسسوار يشتغل على الـ lightning port بتدفع فلوس لشركة Apple زى ضمان حق ملكية كده ..
الموضوع ده بالنسبة لأى شركة بيشكل حاجه اسمها direct revenue يعني إيرادات مباشرة .. يعنى انا ببيع حاجه انا عاملها و باخد فلوسها
ف على سبيل المثال انا شركة حابب اعمل شاحن عربية او كابل او اى اكسسوار يشتغل على الايفون .. انا محتاج ادفع لـ apple مبلغ معين على كل كابل انا بعملة مع ان apple لا بتنتج معايا ولا بتصنع معايا .. هى مجرد صاحبة الكابل و تصميمه و انا حابب استعمله
الشركة اللى حابه تعمل الاكسسوار بتدفع حوالى 10% من سعر الكابل المتاح للبيع لشركة Apple عشان بتستعمل الكابل بتاعهم
بس ال 10% دول مش 10% اوي يعني
فيه برنامج اسمه MFi Program اختصاراً لـ Made for iPhone/iPod/iPad
البرنامج ده انت بتوقع فيه عقد عشان تتعاقد مع applee انك تستعمل الكابل بتاعهم و بيبقى فيه بند انك متنشرش اى حاجه في العقد يا اما هتتعرض للمحاكمة
لحسن حظنا الجميل البرنامج ده اتسرب من فتره شكل العقد بتاعه و حصل مشاكل كتير من شركة apple الفكرة مش في كده .. الفكرة ان في العقد مكتوب انك هتدفع 4 دولار ثابته على كل lightning port انت هتستعمله

**للى هيتكلم في موضوع ازاى وا الكابل بجيبه ب 100 كنيه .. الكابل ه بيتعمل من تحت السلم و من شركات مش ماشية قانونى مع apple ولا داخله اساساً في برنامج MFI و بيتقفشوا مع الوقت و بيدفعوا كتير .. كتييييييييير
انت متخيل انك لو حبيت تشترى كابل للايفون نضيييف و مضمون من شركة غير apple انت بتدفع 4 دولار لـ apple و انت مش حاسس مع ان apple مش هي اللى مصنعه هى بس مخليه الشركة اللى مصنعه قانوني ...
مش بس كده .. غير ال 4 دولار الشركة بتدفع 550 دولار لكل منتج عشان تخليه certified من apple
يعنى لو شركة بتعمل كابل ايفون ب 3 الوان .. كل لون ليه 3 مقاسات مختلفه
كل لون بمقاس بتفدفع عليه 550 دولار و كل كابل بتدفع عليه 4 دولار ثابته !!
يعنى انا كده عندى 9 منتجات الشركة بتعملهم بتدفع عليهم 4950 دولار لـ apple قبل اى حاجه بعد كده كل كابل ب 4 دولار
يعنى انت كا زبون الشركة معتبراك مغفل رايح تشتري كابل ايفون نضيف دافع فيه 3000 جنيه فيه منهم مش اقل من 120 جنيه رايحه لشركة apple مع ان الكابل مش apple اللى مصنعاه !!!
انا مش بعترض على انهم يدفعوا .. الشغل شغل
شركة apple بتعمل كابل .. اى حد عاوز يستعمله بيدفع فلوس .. انا بس بقول انهم بيكسبوا كتير من حاجه زى كابل مثلا
و كل الكابلات كده ..
الشركة اللى عامله كابل HDMI بتاخد على الكابل الواحد 0.05 دولار عشان شركة تانيه تصنعه .. 0.05 دولار هاا
نرجع لموضوعنا .. apple مصممتش 3.55mm headphone jack
يعنى اى اكسسوار بيتعمل بالكابل ده مش بتاخد عليه فلوس
فا لو حصل و شالت الـ headphone jack اى اكسوار ينفع يشتغل على الايفون .. apple بتاخد عليه فلوس حتى لو هى مش مصنعه
ملعوبة 😀 فا انا لو شركة و عملت كده .. تخيل الارباح .. يولع بقي الزبون اكتر ماهو والع ماهو كده كده apple واهمة زباينها بحاجات بيخليهم يدفعوا كتير .. اللى يدفع كتير يقدر يدفع اكتر
انا معنديش مانع ان apple تخلى اى حد يستعمل الـ lighting port يدفع فلوس .. بالعكس ده الصح و اى شركة لازم تحمى منتاجتها .. بغض النظر انهم بيدفعوهم كتير
انا عندى مانع ان apple تشيل الـ headphone jack في وقت زى ده و تدعي انه المستقبل لمجرد انهم يعملوا فلوس على قفانا و العميل بيخسر مخرج مهم في الموبايل و مهم جداً كمان خصوصاً ان مفيش حد مبيستعملوش
تانى سبب هو ان الموبايل ضد المايه فا انك تخلي مخرج بعرض 3.55mmm ضد المايه ده مكلف صخوصاً لو بتنتج ملايين منه ..
فا انا ايه اللى يخلينى اصرع على مخرج صوت انا اصلاً مش مستفاد منه بحاجه ولا بيجيلى منه فلوس ؟؟!!
نظرة ماليه صح جداً حتى لو كانت غاليه جداً
بس غلط جداً لراحه العميل .. و ادعائك انك بتبص على مستقبل منغير كابلات و كل حاجه wireless غلط .. و تعمل wireless headphone شكلها بيبي
لو عاوزين فعلاً كل حاجه تبقي wireless زى ما بيقولوا و مستقبل منغير كابلات كانوا حطوا wireless charging في موبايلتهم الاول !!! و تقنية بقالها سنين اهيه يعنى مش هيخترعوا ..
اه صح مش هياخدوا منه فلوس لو عملوا wireless charging .. حتى الان
و ادعاء ان مخرج الصوت ده ملوش مكان برضه غلط .. احسن حاجه في انك بتصمم موبايلك انك بتحدد ايه يبقي ليه مكان و ايه لا
في النهاية apple شركة ماليه بحت و اهم حاجه مكسبها بغض النظر عن العميل اللى مجبرة انها ترضية عشان بيدفع كتير فا بيدوك خدمة عملاء على وضعها .. بس مش لازم ترضيك في المُنتج نفسه ما انت كده كده هتدفع !

البوست بالكامل منقول من المتألق : Mina Alphons

اترك رد