[شرح] تثبيت آداة Androxyde FlashTool | لسوفتوير لأجهزة Sony Xperia

تثبيت أداة Androxyde FlashTool | لسوفتوير لأجهزة Sony Xperia 

 

آداة Androxyde FlashTool هي آداة سهلة وبسيطة عشان تقدر تتعامل مع كل ملفات الفيرموير أو السوفتوير لكل أجهزة سوني .. هي كدة كدة سوني عاملة برنامج رسمي لأجهزتها إسمه Sony PC companion وهو برنامج قوي جداً المناسبة وهيساعدك دايما يكون عندك احدث سوفتوير متاح لجهازك بس للأسف مش هتقدر تتعامل معاه غير لو السوفتوير اللي على موبايلك بشكل رسمي تماما - يعني مش فاتح Bootloader او عامل Root ، ده غير إنك مش هتقدر تعمل Downgrade يعني مثلا لو انت على نظام أندرويد مارشميلو 6.0 مش هتقدر تنزل لنظام أندرويد لوليبوب 5.0 ! وبرنامج Androxyde FlashTool بعتبر متطور جدا وقوي عنه ..


برنامج Androxyde FlashTool يعتبر آداة متطورة من برنامج سوني PC companion فيه كل مميزات وشوية مميزات زيادة زي ماقولنا فوق - بس بعض المستخدمين ليه حسوا انه صعب ومعقد وناس كتير سألتني عليه - عشان كده قولت اعمل بوست كامل بالصور والتفصيل الممل ازاي تسطبه على جهازك وتتعامل معاه بكل سهولة  .


أولا عايز أقولكوا على مميزات برنامج Androxyde FlashTool  :

  • تقدر من خلاله تعمل Downgrade لأي فيرجن لنظام أندرويد كان متاح لجهازك قبل كده
  • البرنامج بيدعم كل اجهزة سواء الــ Bootloader مفتوح او مقفول 😀
  • في حالة لو في تحديث رسمي نزل لجهازك في أي دولة تقدر من خلاله تحدث بشكل رسمي تماما من غير ماتستنى التحديث لحد ماييجي لدولتك
  • تقدر تغير الكيرنل أو البيز [طبعا لازم تكون متأكد انه متوافق مع جهازك ونظامك] وماتبقاش مجبر على الكيرنل الرسمي اللي جي مع جهازك

الميزة في البرنامج ده انه دايما متحدث بأحدث اجهزة جديدة بتنزلها سوني - زي برنامج Odin كدة لأجهزة Samsung Galaxy .. وتقدر تنزل أحدث إصدار من البرنامج إللي خو ( 0.9.23.2 ) من الموقع الرسمي من هنا :

official website


دلوقتي بقى هنشرح طريقة تثبيت برنامج Androxyde FlashTool :

Androxyde Flash Tool EXE

  1. هتنزل البرنامج من الموقع الرسمي ليه من هنا  Flashtool.net وتضغط عليه double click وتسطبه زي أي برنامج - ملف الــ EXE اللي هينزل هيبقى إسمه flashtool-xxxxx-windows.exe - طبعاً في حالة لو انت ماغيرتش إسمه .
  2. أول مايخلص تثبيت - هتروح لمسار البرنامج اللي هو C:/flashtool
  3. إفتح مجلد firmwares واختار الملف اللي إسمه X10_V1_BLRelock.ftf واعمل Cut للملف ده وانقله للمسار ده : C:/Users/<yourusername>/.flashtool/firmwares
  4. دلوقتي شغل البرنامج من قايمة Start أو من الأيقونة اللي على الديسكتوب
  5. اما تيجي تشغل البرنامج هتلاقي تنبيه إن في نسختين - لو الويندوز عندك 64 بت شغل نسخة Flashtool64 ولو 32 بت شغل العادية اللي هي Flashtool .
  6. دلوقتي هتلاقي البرنامج عمل Sync او مزامنة لقايمة أجهزة Sony من موقع Github - وده هيحصل كل مرة تشغل البرنامج ..
    Androxyde FlashTool install
  7. في الخطوة دي بقى هتحتاج انك تنزل من خلال البرنامج تعريفات جهازك الــ Sony -لو انت على نظام Windows 10 أو Windows 8 هتحتاج تعمل Disable لــ  “driver signature enforcement” لأنها بتمنع البرنامج انه ينزل التعريفات اللازمة لأجهزة Sony لأنها مش عن طريق مايكروسوفت - بس لو انت Windows 7 مش هتحتاج تعمل الخطوة دي .

  • الخطوة دي مهمة ## دلوقتي هتروح على قايمة Start وبعدين تضغط على زرار Shutdown وبعدين تضغط على زرار Shift وتعلق الضغطة وبعدين Restart .

Windows 10 shift plus restart

  • أول ماتعمل الحركة دي الكمبيوتر بتاعك مش هيعمل Restart وهيجيبلك الشاشة دي واسمها Troubleshoot 
  • هتختار Advanced options> Startup Settings 

restart to change options

  • وبعدين هتعمل Restart - اما يشتغل تاني هتطلع الاختيارات دي

startup settings screen

  • اختار انت منها Disable driver signature enforcement عن طريق إنك تضغط 7 أو F7 من الكيبورد
  • دلوقتي بقى مشكلة التعريفات اتحلت والكمبيوتر هيعمل Boot ويكمل التعريفات بتاعت البرنامج عادي - بس اما تعمل Restart تاني هتلاقي كل حاجة رجعت زي ماكانت - بس عموما انت مش هتحتاج تعمل الموضوع ده غير المرة دي بس ، إلا بقى لو حبيت تنزل تعريفات جديدة هتضطر تعيد الخطوات دي تاني .

  • دلوقتي بقى هترجع تكمل install للبرنامج عادي جدا - هتروح للمسار ده C:/flashtool/drivers
  • ضغطتين على Flashtool-drivers.exe وبعدين هتضغط Next
  • هتلاقي ليستة كبيرة بأجهزة Sony كتير جداً ، اختار جهازك منهم وبعدين اضغط install
  • كمل بقى تثبيت البرنامج زي أي برنامج عادي

كده برنامج Androxyde Flash Tool بقى شغال معاك تمام

وماتقلقش مفيش اي خطوة من اللي احنا عملنها فيها أي خطر من أي نوع 🙂

المصدر : How to Setup Flashtool

 

3 تعليقات
  1. ali says

    انت نسيت في اخر خطوة تقول انه يعمل check علي fastboot mode و flash mod وهو بيختار التعريفات الخاصة بجهازه

اترك رد