روم (بورت) Galaxy C9 Pron Note 7 v2.0 بنظام مارشميلو لهاتف Galaxy Note 3

Galaxy C9 Pro & Note7 Mixed Port V2.0 - S8 & Nougat UI & icons - UX Grace
Nougat Widget & Clock & Fonts - Stable - Fast // For Galaxy Note3 4G N900x

إزيكوا يا ولاد  ..
بقالنا كتير مااتكلمناش على حاجة جديدة في ظل أخبار وتسريبات نجم سامسونج الجديد Galaxy S8 - الواحد مركز شوية فيه ومستنيين حاجة قوية من سامسونج ..
ولمحت بطرف عيني كدة بعض الناس بتتكلم على بورت S8 او نوجا للنوت 3 !
إنسوا ? .. بلاش تستنوا او تحطوا أمل كبير على الموضوع ده لأن الموضوع للأسف أصعب مما تتخيلوا - لو عايز تجرب نسخة Nougat 7.1.1 ومستقرة بتاريخ 9.3.2017 موجودة هنا :

 روم [ Resurrection Remix ] بنظام [Nougat 7.1.1] بتاريخ [09.03.2017]

بس للأسف هي مش TouchWiz - لا هي سيانوجين - وكمان مش من فريق سيانوجين الرسمي - لا هي من مطور في XDA بس محترف واسمه Lord Eko ..
لو مستغني عن تاتشويز ومميزات القلم عموما أنصحك تجرب الروم دي  ..


وبرضه بقالي فترة مركز على بورت من تعديلي هيبقى نسخة من Galaxy S8 الجديد بكل البرامج والتطبيقات والشكل والويدجات وكل حاجة - بس لسة قدامه شوية لأن دي اول مرة ليا اطور حاجة والموضوع فعلا صعب - فلشت مرة الروم ومن ضمن الأخطاء مالقيتش الجاليري وال Stutsbar لقيته بالطول ? ..


Galaxy C9 Pro & Note7 Mixed Port V2.0

الروم بتاعت النهاردة تعديل على بورت Norma C9 Pro V4.0 من المطورين العرب حمزه الفلسطيني والمطور المصري إيهاب Emasry266 أيام ما كانوا مع بعض في فريق واحد إسمه Storm Team "ضمن اسم الروم بالمناسبة" ودلوقتي مابقوش مع بعض لأسباب خاصة بيهم مالناش دعوة احنا ماتبقوش حشريين وبطلوا رخامة ? ..


الروم بقالها فترة بس انا كنت اول مرة اجربها من 3 ايام وكنا عملنا بوست قبل كدة عن V1.0 منها هتلاقوه هنا :

 Galaxy C9 Pro & Note7 Mixed Port V1.0

الروم جميلة جدا ومستقرة وبطاريتها قوية بتجيب Screen On إستخدام وفحت وردم وايفاي وفيديو من 5 ل 6 ساعات - مفيهاش لاج نهائيا ومدمج فيها Lss Kernel 3.7UX مخلي أداء الروم قوي جدا و بطارية تكمل معاك اليوم مستريح - لو عايز آداء أقوى طبعا هتفلش DarkLord Kernel UX V2.0 ..

الروم مدمج فيها تقريبا 1000 فونت - ومنهم اللي متاخد بيه الاسكرينز واللي متأكد ان كله هيسأل على اسمه عشان كدة موجود ضمن سكرينات الروم  ..


الروم على فكرة مش مدمج فيها ويدجيت الساعة اللي في Lock screen دي - ولا فونت الساعة اللي في Home screen - ده مود بيتفلش لوحده من الريكافري وهشرحلكوا بالظبط تعملوا ايه  ..
بالنسبة كمان لأيقونات وثيم وبرامج Galaxy S8 اللي اتسربت قريب وموجودين في سكرينات الروم برضه مش مدموجين فيها وتقدروا تستخدموها كلها وشرحنا بالتفصيل ازاي في 3 بوستات هتلاقيهم هنا :

الروم قوية جدا ومستقرة بصراحة وأنا ناوي استقر عليها فترة لحد مااخلص البورت اللي في ايدي ..


Galaxy C9 Pro & Note7 Mixed Port V2.0

Screen Shots


- بالنسبة لويدجيت اللوك سكرين وفونت S8 هتفلشه بعد ماتخلص تفليش الروم ولينك الداونلود بتاعه هيكون في ملف التكست اللي فيه لينكات الداونلود ..
- أيقونات S8 شرحنا فوق هتركبها ازاي وتلغي موضوع ال Trail
- الروم كاملة مكملة بدون فيكسات او مشاكل او كلمات صيني
- كل المميزات شغالة اذا كان AOD او مودات الكاميرا او Blue Light Filter ..
- الروم مدمج فيها Rom Controle عشان تقدر تتحكم في كل جوانبها

طبعا كلكوا عارفين الخطوات اللي بنعملها كل مرة بس هقولها في نقط بشكل سريع :

– سطب Samsung Android Drivers
– نزل Odin 3.07
– كابل USB 3.0 الأصلي بتاع النوت
– شغل خيار USB Debbuging Mode من خيار Developer Options
– فلش ريكافري TWRP نسخة 2.8.7.0 – من خلال خيار AP في ال Odin
– خد نسخة كاملة من ملفاتك ومن الروم الحالية في حالة لو اول مرة تفلش روم وده من خلال الريكافري
– من الأودين فلش احدث مودم وبوتلودر للنوت
– اعمل wipe ل System – Data – Cash – Dalvic Cash
– فلش الروم من برنامج اختيارات Aroma المدمج مع الروم
– افرد ضهرك ورجلك لأن اول بوت هياخد 20 دقيقة – ماتقلقش ده الطبيعي
– إستمتع ..

طريقة تركيب xposedd للروم
1.دون الإكسبوزد من [ هنا ]
2. سطب Xposed زي أي برنامج عادي
3. أدخل الريكافري وفلش ملف xposed-v60 وبعدين ريسارت حمل ملف الإكسبوزد من [ هنا ]
4. مبروك عليك الإكسبوزد ....

كل الملفات اللي قولتها في النقط اللي فوق هتلاقي لينكاتها مع لينك الروم في ملف TXT جمعتهم مع بعض عشان مايبقاش فيه اي لغبطة – ركز في الخطوات وانت هتبقى تمام ..
الروم مرفوعة على لينك مباشر ومساحتها 1.4 جيجا ..

كل ريفيوهات الرومات هتلاقيها في الهاشتاج ده : #Mohamedovic_Roms – او في قسم Note3 

لينك داونلود الروم وباقي الملفات من هنا : https://www.file-upload.com/s466y5vrr3u6

#Mohamedovic

تعليق 1
  1. […] اللي على الساحة تقريبا] – ماتتقارنش ب Magma أو Fougat أو C9 أو A5 أو حتى N2o v4.0 […]

اترك رد