برامج [Dark Themed] بديلة للبرامج الرسمية على أجهزة أندرويد

حتى في حالة إننا عجبنا شكل برامج أنظمة أندرويد الجديدة بأشكال Material Design واللي غالباً بتكون مشبعة بالألوان القوية ، بعض الأشخاص [إللي انا منهم بالمناسبة :D] بنفضل شكل البرامج الغامقة او الثيمات السوداء بشكل عام ، حتى إنها دايماً بتكون أريح للعين خصوصاً لو واحد بيستخدم موبايله معظم اليوم زي كتير مننا او بيستخدمه بالليل كتير ، طبعاً بالإضافة لإن ألوان الثيمات السودة في الموبيلات صديقة جداً للبطارية ولو جربت تستخدمها هتتفاجئ إنها أقوى من أي آداة او برنامج للحفاظ على البطارية او توفيرها انت استخدمته قبل كده 😀 .

لو صادف إن موبايلك او التابلت بتاعك فيهم شاشة بتقنية Super AMOLED - زي سلسلة Smsung Galaxy Note مثلا ، في الواقع الألوان السودة بمختلف تدرجاتها بتكون أفضل على شاشات AMOLED بشكل لا يمكن تتخيله 😀 - وفي أسباب تانية كتير تخليك تدخل ضمن الجانب المظلم ده بس طبعاً مفيش مجال لذكرها كلها دلوقتي 😀 .

بس حتى في حالة لو جهازك شاشته بتقنية مختلفة عن AMOLED زي LCD او IPS مثلا - برضه الاستايلات الغامقة بشكل عام سواء في الواجهة او الــ UI او أيقونات وواجهات البرامج بتكون أحلى كتير جداً من الألوان الفاتحة ، عشان كده في البوست بتاع النهاردة هنتكلم عن أفضل البرامج الــ [Dark Themed] اللي ممكن تبدلها بالبرامج الرسمية بتاعتك وهتديك نفس الآداء إن ماكانش بمميزات أكتر وحتى آداء أقوى .


برنامج NOVA Launcher

الواجهة أو اللانشر بشكل هي بطبيعة الحال هي أول حاجة انت بتتعامل معاها وبتشوفها بمجرد ماتفتح تليفونك الأندرويد ، ومن المنطقي إننا نبدأ البوست بتاعنا النهاردة بالواجهة أو الــ Launcher البديل ..

واجهة Nova Launcher مش بس بييجي بميزة Dark Themed - لأ ده كمان اللانشر المفضل لملايين مستخدمين الأندرويد وده طبعاً باين من كمية الكومنتات والــ 5 Stars Rates اللي واخدها في Play Store بالإضافة طبعاً لإنه مجاني 😀 - وموجود فيه تعديلات كتير جداً بالمناسبة وتقدر تغير فيه كل ركن زي تاتشويز في سامسونج مثلا وأقوى وأحلى منى شوية كمان .

لو انت جربت تثبت واجهة Nova Launcher هتلاقيها إن ضمن خطوات التثبيت إنك تعمل Enable Dark Mode ، وتقدر كمان تفعل الخيار ده من إعداداته في حالة لو انت فعلا مثبته على تليفونك ، اللذيذ كمان والجديد في نوفا لانشر إنك مثلا ممكن [تجدول] مود Dark Themed إنه يشتغل مثلا بالليل أتوماتيك في ساعة إنت تحددها ويرجع تاني زي ماكان الصبح 😀 - شغل فنادق صح 😀 - هتلاقيه عمل خلفية غامقة للبرامج أو الــ App Drawer وكمان Google Widget بالإضافة كمان لصفحة الإعدادات .

تقدر تعمل داونلود Nova Launcher من هنا :

.

Nova Launcher
Nova Launcher
Price: Free


#محمدوفيتش_بيقولك :


برنامج Contacts and Dialer by Simpler

لو برنامج الإتصال اللي في الروم الرسمي بتاعك مفيهوش Dark Themed- دعابة 😀 - هو أكيد مفيهوش الميزة دي ، عشان كده هتلاقي برامج إتصال كتير جداً بديلة للبرنامج الرسمي في السوفتوير بتاعك ، بعضهم بأفكار جميلة جداً وماتيريال ديزاين ومليانين مميزات ، بس رغم كده عشان تستخدمهم هتلاقي نفسك غيرت طريقة التعامل مع الــ Dialer App عشان تقدر تستغل المميزات دي - بس في موضوعنا هنا كل اللي انت عايزه ميزة Dark Theme بس ، أفضل برنامج يقوم بالمهمة دي هو برنامج Contacts & Dialer by Simpler وعشان تقدر تشغل الميزة هتروح على : Settings > Style وبعدين هتضغط على Dark mode وبعدين هتختار Black .

تقدر تعمل داونلود Contacts & Dialer by Simpler من هنا :

.


برنامج Textra SMS

طبعاً بعد مااتكلمنا عن الواجهة والــ Dialer App ومعاه الــ Contacts ، دلوقتي اللي فاضل هو برنامج  رسايل بديل عن البرنامج الرسمي ، واللي في الغالب بيبقى رخم في معظم الرومات ، برنامج  Textra للرسايل ده المفروض انك فعلا بتستخدمه ومش منتظر إننا نقولك عليه ، وده لأنه برنامج فعلا قوي جداً ومليان مميزات وتغييرات في حالة لو انت راجل بتحب تلعب في إعدادات البرامج بتاعتك كتير .

برنامج Textra أصلا أول ماتثبته هتلاقيه جي بميزة Dark Themed بشكل إفتراضي ، بس انت لو عايز "تسودها" أكتر البرنامج مش هيقولك لأ 😀 - من البرنامج هتدخل على Settings > Customize Look وبعدين من Screen Colors هتحتار Black .

تقدر تعمل داونلود Textra من هنا :

Textra SMS
Textra SMS
Developer: Delicious
Price: Free+


برنامج لوحة مفاتيح Gboard

تقدر تعمل داونلود Pi Music Player من هنا :

Pi Music Player - Mp3 Player
Pi Music Player - Mp3 Player


إنتهى .

المصدر : Droidviews