![روم [ N2o v5.0 - End Of The Road ] لأجهزة Galaxy Note 3 N9005](https://i2.wp.com/mohamedovic.com/wp-content/uploads/2017/04/N2o.A5.Super_.Lite_.EndOfTheRoad.jpg?fit=830%2C467&ssl=1)
N2o v5.0 – End Of The Road – By Hamza Zaharna
لأول مرة اكتب بوست او أعمل ريفيو لروم وانا زعلان ! طبعا انا مش محتاج اكتب وصف أو موجز لروم N2o v5.0 زي منتوا متعودين لأن مع سلسلة N2o قوة وثبات واستقرار الروم انا مش محتاج اقول عليها لأننا بالفعل جربناها في 4 إصدارات منها قبل كدة .. وللأسف ده آخر إصدار من السلسلة القوية دي
الروم رائعة بكل المقاييس [ده رأي شخصي بعد تجربة كل الرومات اللي على الساحة تقريبا] – ماتتقارنش ب Magma أو Fougat أو C9 أو A5 أو حتى N2o v4.0 !
ايوة الروم قوية ومستقرة للدرجة دي – حمزة فعلا أبدع وعصر دماغه في الروم دي للأسف قبل مايعلن إعتزاله للتطوير – بس طبعا هيفضل معانا في الصفحة عشان لو حد احتاج منه حاجة – وانا واحد من الفانز بتوعه اتمنى إنه يغير رأيه في موضوع الاعتزال ده ويكمل السلسلة ويبقى فيه v6.0 و 7.0 و 8.0 كمان ..
الروم مخففة لأقصى حد لدرجة كان فيها مجازفة كبيرة بس حمزة حب ينفذ الفكرة على سبيل التغيير وانك تخصص وتثبت برامج براحتك – الروم مخففة لدرجة ان مساحتها 800 ميجا ! – تخيل روم TouchWiz مساحتها 800 ميجا ! – أما تفلشها مش هتلاقي فيها غير البرامج الضرورية بس ..
حمزة بالمناسبة عمل نسختين – نسخة مخففة ودي اللي في البوست ونسخة تانية كاملة زي محنا متعودين ودي لسة جاري رفعها عشان اللي يحب يختار ..
الروم لأول مرة في كل رومات نوت 3 مدمج فيها حاجة اسمها Performance Fix – بتخلي آداء الروم والبرامج معاك طلقة بشكل عام – الحركة دي تنفع لمعظم أجهزة أندرويد بالمناسبة هبقى اعمل عنها بوست منفصل واتكلم عنها بالتفصيل ..
التغييرات في روم N2o v5.0 عن إصدار N2o v4.0 :
– اضافة تاتشويز Galaxy S8 الجديد بكامل مميزاته
– اضافة برنامج وويدجيت الطقس Galaxy S8 – مش مجرد ويدجيت بس
– أصوات نظام S8 بالكامل
– اضافة البوت انيميشن الأسود بتاع S8
– باور منيو S8
– ويدجيت الساعة في اللوك سكرين من S8
– بيرفورمانس فيكس
– كيبورد Nore7
– التحكم في إضاءة ميزة AlwaysOn Display
– اضافة S8 Calendar بالايقونة اللايف – بيبقى مكتوب فيها التاريخ الحقيقي
– اضافة Ui كامل من Galaxy S8 بنظام Nougat
– الأيقونات الأصلية من Galaxy S8
– أول روم يكون فيها Galaxy S8 Stuts Bar
– ميزة Blur Notifications
الروم جميلة جدا وانا ناوي استقر عليها فترة كبيرة عشان خصوصا قوة بطاريتها مع كيرنل DarkLord واللي ممكن تستمر معاك Screen On لأكتر من 5 ساعات – هي بالمناسبة بورت A5 مش Note7 – بس مدمج فيها كل مميزات Note7 ..
ميزة كمان ودي كانت مشكلة موجودة في معظم بورتات Note7 عموما وهي موضوع Call Waiting واتحلت في الروم دي وشغالة كويس – يمكن عشان ده بورت A5 مش Note7 الله اعلم ..
حاجة كمان انا خدت بالي منها – ميزة AlwaysOn Display في الروم دي مش بتستنزف البطارية زي منا متعود مع باقي الرومات !! – ممكن عشان ميزة Performance Fix مثلا ..
مشكلة واحدة بس اللي قابلتني في الروم دي وهي أن ساعات TouchWiz بيعمل FC ودي حلها اننا هنسطب ملف TouchWiz Home بتاع S8 وهو ملف APK عادي خالص هيتسطب زي أي برنامج [هتلاقي اللينك بتاعه في ملف Text في آخر البوست] – غير كدة الروم كاملة ومافيهاش غلطة ❤ ..
N2o v5.0 Rom Screen Shots
طبعا كلكوا عارفين الخطوات اللي بنعملها كل مرة بس هقولها في نقط بشكل سريع :
– سطب Samsung Android Drivers
– نزل Odin 3.07
– كابل USB 3.0 الأصلي بتاع النوت
– شغل خيار USB Debbuging Mode من خيار Developer Options
– فلش ريكافري TWRP نسخة 2.8.7.0 – من خلال خيار AP في ال Odin
– خد نسخة كاملة من ملفاتك ومن الروم الحالية في حالة لو اول مرة تفلش روم وده من خلال الريكافري
– من الأودين فلش احدث مودم وبوتلودر للنوت
– اعمل wipe ل System – Data – Cash – Dalvic Cash
– فلش الروم من برنامج اختيارات Aroma المدمج مع الروم
– افرد ضهرك ورجلك لأن اول بوت هياخد 20 دقيقة – ماتقلقش ده الطبيعي وفي الغالب مع الروم دي مش هياخد أكتر من 10 دقايق
– إستمتع ..
كل الملفات اللي قولتها في النقط اللي فوق هتلاقي لينكاتها مع لينك الروم في ملف TXT جمعتهم مع بعض عشان مايبقاش فيه اي لغبطة – ركز في الخطوات وانت هتبقى تمام ..
الروم مرفوعة على لينك مباشر ومساحتها 800 ميجا ..
كل ريفيوهات الرومات هتلاقيها في الهاشتاج ده : #Mohamedovic_Roms – او في قسم Note3
لينك داونلود الروم وباقي الملفات من هنا : https://goo.gl/ETuEFy
الروابط اخر البوست ..
تحديث 11 مايو 2017
- بعض الناس قابلت مشاكل في شبكة 3G في الروم ان الموبايل مش بيفتح 3G Mobile Data عشان تقدر تحل المشكلة دي حمل الفيكس ده N2o v5.0 Signal Fix وفلشه من الريكفري من غير ماتعمل Wipe .
- اما مشكلة إن الكيبورد بيعلق ويعمل FC اما تنزل اللغة حلها – إنك بعد ماتنزل اللغة العربي تدخل على General Management وبعدين Language and Input وبعدين ٍSamsung Keyboard وتعمل للكيبورد Reset , Clear Data وبعدين تدخل تاني على اللغات هتلاقي العربي موجود والكيبورد اتظبط وكله تمام ..
![القائمة الرسمية للهواتف الداعمة لرومات LineageOS 15.1 [أندرويد 8.1 أوريو]](https://mohamedovic.com/wp-content/themes/goodnews5/framework/timthumb/timthumb.php?src=https://i1.wp.com/mohamedovic.com/wp-content/uploads/2018/04/LineageOS-15.1-Based-Oreo-8.1-Supported-Devices.png?resize=190%2C122&ssl=1&h=122&w=190)
![[تحميل] الخلفيات الرسمية لأنظمة Flyme OS 5.0 & Flyme OS 6 بدقة HD](https://mohamedovic.com/wp-content/themes/goodnews5/framework/timthumb/timthumb.php?src=https://i2.wp.com/mohamedovic.com/wp-content/uploads/2017/09/Flyme-OS-5.0-and-Flyme-OS-6-Stock-Wallpapers.jpg?resize=90%2C60&ssl=1&h=60&w=90)
![[تحميل] الخلفيات الرسمية لأنظمة Flyme OS 5.0 & Flyme OS 6 بدقة HD](https://mohamedovic.com/wp-content/themes/goodnews5/framework/timthumb/timthumb.php?src=https://i0.wp.com/mohamedovic.com/wp-content/uploads/2017/09/Flyme-OS-5.0-and-Flyme-OS-6-Stock-Wallpapers.jpg?resize=180%2C120&ssl=1&h=120&w=180)
![القائمة الرسمية للهواتف الداعمة لرومات LineageOS 15.1 [أندرويد 8.1 أوريو]](https://mohamedovic.com/wp-content/themes/goodnews5/framework/timthumb/timthumb.php?src=https://i1.wp.com/mohamedovic.com/wp-content/uploads/2018/04/LineageOS-15.1-Based-Oreo-8.1-Supported-Devices.png?resize=90%2C60&ssl=1&h=60&w=90)
![القائمة الرسمية للهواتف الداعمة لرومات LineageOS 15.1 [أندرويد 8.1 أوريو]](https://mohamedovic.com/wp-content/themes/goodnews5/framework/timthumb/timthumb.php?src=https://i0.wp.com/mohamedovic.com/wp-content/uploads/2018/04/LineageOS-15.1-Based-Oreo-8.1-Supported-Devices.png?resize=180%2C120&ssl=1&h=120&w=180)
53 تعليقات
mohamed
Wps wpa tester لا يشتغل
Mohamed
أيوة للأسف برامج WPS بأنواعها مش بتشتغل مع أي بورت للنوت 7 ..
ممكن تشتغل على الروم الرسمي او رومات S7 Edge بس
غير معروف
ممكن اصحح لبعض الكلام هذا التصحيح ليس من باب التقليل من شأنك ولكن من الممكن انك لم تقوم بتجربة كل الرومات فمثلا روم فوجاتك تعمل معها البرامج wpsوهناك رومات اخرى تعمل بها وارجو ان تقبل اعتذارى للرد عليك ولى سؤال اخر هناك رابطين للروم واحد يحتوى على ملف مساحته 800 ميجا واخر يحتوى على ملف956 ما هو الافضل
Mohamed
كلام حضرتك صح فعلا برامج WPS مش شغالة على رومات Note7 ماعدا Fougat بس ! – والسبب مش مفهوم للأسف ..
الروم مساحتها 800 ميجا – مفيش لينكات تانية !
تقصد انهي لينك ؟
Abdelraman
الروم مدمج فيها الكيرنل بتاع darklord??
Mohamed
أيوة مدمج فيها كيرنل DarkLord UX v2.0
Abdelraman
طب لو سمحت في اي bug هيحصل لما انزله ؟؟
واعالجه ازاي لو حصل ؟
Mohamed
لا الروم قوية جداً ومفيهاش أي مشاكل – نزلها هتعجبك ..
بعض الناس ممكن تقابل رسالة Touchwiz has stopped working ودي حلها انا كاتبه في البوست ..
غير كدة الروم كويسة جداً ..
Abdelraman
‘طب معلش هو انا عاوز اعرف كل link من اللي في الtext ايه فايدنه واستفيد بيه ازاي
Mohamed
اسألني هنا كل لينك فايدته ايه وانا اقولك ..
khaled
الروم تشتغل علي note 3 dual sm-n9002 ?
Mohamed
ده نسخة الشريحتين صح ؟
هتشتغل ايوة بس هتشغل شريحة واحدة
khaled
تمام تسلم يا باشا هجرب كدا ف خلال يومين
Abdelraman
باجي اعمل flashing للrom الodin مش بيظهر ملفاتها او ملف الtwrb اصلا !!!
Mohamed
الروم بتتفلش من الريكافري يا عبدالرحمن مش من الأودين خلي بالك !
اسلام
انا عملت فلاش بعد الفلاش بيظهر
agree to all
end user
privacy
diagnose
لما اجى اختار حاجه الجهاز يرستر و يرجع من الاول ايه الحل ؟
Mohamed
شيل علامة الصح من اختيار diagnose data وهتشتغل معاك كويس ..
اسلام
محمد انا دلوقتى المشكله الى بقت تواجهنى لما احط ال sim card الجهاز يعمل رسترت لوحده لما اشيل ال سيم يشتغل عادى احل المشكله دى ازاى
اسلام
فى الاصدار الرابع معملش كده خالص
Mohamed
عملت تحديث للمودم والبوتلودر يا اسلام ؟ هتلاقي لينكاتهم ضمن ملف التيكست وبيتفلشوا ببرنامج Odin 3.07
غير معروف
طيب فين النسخه الكامله ؟!
Mohamed
مجرد مالمطور يخلصها ان شاء الله هنجيبها هنا
Pingback: روم [ للنوت 3 ][ Magma UX8 - Galaxy S8 Limited Edition ] بنظام Marshmallow - Mohamedovic
Pingback: [للنوت 3][روم][Fougat C9 Pro] بأشكال وبرامج Galaxy S8 Nougat - Mohamedovic
محمد
ايه الحل ؟؟؟
[url=https://www.0zz0.com][img]http://www8.0zz0.com/2017/05/16/19/861491503.png[/img][/url]
Mohamed
جرب تاني يا استاذ محمد هتلاقي المشكلة اتحلت – معلش هي كانت مشكلة غير مقصودة في السيرفر ..
منورنا 🙂
غير معروف
السلام عليكم استاذ MOHAMED انا عندي موبيل NOTE3 4G الفيرجن الي عليه 4.3
والـــKERNEL VERSION 3.4.0 . وبصراحه انت شوقتني للروم دي
ممكن لينك التحميل من فضلك ؟
Mohamed
اللينك موجود فوق آخر البوست ..
اللي واخد عقلك 😀
Pingback: [روم][نوت 3] [MAZENGER A5 ROM V1.0] بنظام ومميزات Galaxy S8 - Mohamedovic
غير معروف
هو ايه هيكون الفرق بين النسخه دى والكامله ؟ هل فيها حاجات مهمه ممكن احتاجها ولا دى ممكن تقوم بكل الوظايف ؟
Mohamed
لا دي طبعا ممكن تقوم بكل الوظائف اللي ممكن تحتاجها – جربها ومش هتندم
Nawaf Bawyan
الرابط مو شغال
Nawaf Bawyan
عذرا المشكلة طلعت عندي
Mohamed
عفواً يالطيب 🙂
منور المدونة أستاذ نواف ..
Pingback: [للنوت 3][روم] Norma Note 7 Stable Port M5 بمميزات S8 - Mohamedovic
غير معروف
ممكن رابط تاني لان الرابط مش شغال
Mohamed
الروابط متجددة في آخر البوست ..
غير معروف
حملت الtxt بس لما افتح الروابط بيقلي لم يتم ايجاد الملف المطلوب ؟
Mohamed
طب بس ركز في الكومنت بتاعي يا عم 😀 – انا قولتلك روابط التحميل في آخر البوست والله ..
انزل آخر البوست خالص هتلاقي رابط تحميل مباشر من ميديافاير ..
شكلك مااتعشتش النهاردة صح 😀
غير معروف
رابط تحميل الروم مش شغال لكن الباقي شغلين
Mohamed
طب بص ماتتعبش نفسك اللينك أهه : http://www.mediafire.com/file/5ebp55zekkf53fv/N20.A5.Lite.EndOfTheRoad.Mohamedovic.Com.zip – مع إنه والله موجود آخر البوست 😀
غير معروف
هوه الروم ده بيشتغل عليه برنامج xposed
Mohamed
ايوة بيشتغل
غير معروف
مرحبا اخ محمد رابط
N2o v5.0 Signal Fix
مو شغال ممكن تعطيني رابط جديد
وبشكرك على هذا الروم الجميل
غير معروف
بعتذر الرابط شغال 🙂
Mohamed
تفضل رابط روم N2o v5.0 : http://www.mediafire.com/file/5ebp55zekkf53fv/N20.A5.Lite.EndOfTheRoad.Mohamedovic.Com.zip
aliaamerali
hg[ih. d’tn
N2o v5.0 Signal Fi
Mohamed
رابط إصلاح شبكة 3G في اخر الموضوع
د. حسن
في مشكله في الروم دي لما تيجي تعمل إرسال ملفات مش بيجيب غير البلوتوث فقط ومش بيجيب ال wifi direct ايه الحل للمشكلة دي
Mohamed
إنت تقدر تتحكم في الخيارات دي يا دكتور حسن في إعدادات الروم.
وعلى كل حال، الروم دي تعتبر قديمة من شهر 7 أو 6 اللي فات، في حاجات كتير نزلت بعدها واتكلمنا عنها تقدر تشوفها في قسم رومات النوت 3 في البلوج
د. حسن
بعد التحيه ل ا. محمد المحترم لأن انا متابع ردودك على كل الناس بأدب واحترام متناهي. انا جربت كل الروماتيزم الجديده على النوت 3 sm n90005 ولكن حتى آخر روم possible f4 وكانت فيها تهنيجه بسيطه.. ومكنتش عارف استقر على روم مش بيهنج.. ثانيا ازاي اقدر اتحكم في خيار wifi direct انا لما بأجي اعمل إرسال لأي ملف بيطلعلي البلوتوث والبرامج إلى بترسل إنما مش بيطلع الواي فاي دايركت فأجاب أنشط الاوبشن دا.. خالص تحياتي لشخصكم الكريم
احمد السيد
استاذ محمد انا محتاج اشترك ف الموقع ومش عارف طريقه الاشتراك ومش لاقى بردو ملف التيكست الى فيه التاتش ويز ممكن لو سمحت تتواصل معايا واتس على الرقم ده 01012555456 وتقولى اشترك ازاى لانى بمجرد مخرج م الصفحه دى مش هعرف ارجع للكومنت الى كتبته ده تانى معلش انا اسف
Mo'ez
ده رابط تحميل الروم : http://www.mediafire.com/file/5ebp55zekkf53fv/N20.A5.Lite.EndOfTheRoad.Mohamedovic.Com.zip
وده رابط تحميل إصلاح الشبكة لو قابلتها وبيتفلش من الريكفري: https://www.file-upload.com/oemqlt6gukfk
مش فاهم انت محتاج ايه طيب غير دول وانا معاك؟ انت ممكن تعمل Bookmark للصفحة عموما