روم Resurrection Remix لأجهزة Galaxy Note 3 4G بنظام Nougat 7.1.1

إستمتع بتجربة نظام Android Nougat 7.1.1 على أجهزة Samsung Galaxy Note 3 4G من خلال أحدث إصدار من روم Resurrection Remix. ازيكوا يا ولاد :D، محدثكم من داخل احدث فيرجن من روم ريزريكشن ريمكس بنظام اندرويد نوجا 7.1.1، أبو معز ومؤمن بالإضافة كمان لمريم (عشان بس تعزروني اما ساعات مش برد ع المنشنات أو ع الماسنجر ✋??).

أنا عن نفسي ساعات بيجيلي زهق من رومات تاتشويز "رومات أجهزة سامسونج" مع كمية المميزات المهولة في واجهة سامسونج تاتشويز وكمية الخيارات الكتير جدا فيها يبقى عيبها القاتل وهي إنها بتكون تقيلة جدا على بعض تليفونات سامسونج الفئة المتوسطة وحتى كمان ساعات كتير بتهنج على الفلاج شيب ده غير إنها بتاكل البطارية أكل"انا مش هدخل في جدال عقيم مع أي شخص هيدخل يدافع عن تاتشويز لأن للأسف ده واقع فعلا" بس تبقى واجهة سامسونج هي أحلى واجهة اندرويد ممكن تتعامل معاها في حياتك والمنافس الوحيد ليها هي واجهة MIUI.

عشان كده البوست ده موجه للناس إللي زهقانة زي حالاتي من رومات سامسونج إللي بقى معظمها شبه بعضها والمختلف في كل روم فيهم حاجات داخلية لا ترى بالعين المجردة ?. روم النهاردة خفيفة، مستقرة، سريعة طلقة، كلها مميزات وحركات، بالإضافة لإنها بنظام اندرويد نوجا 7.1.1 خام.

إستنى، نسخة اندرويد الخام مش عيب زي منتا فاكر لأنه عامل زي الصلصال وممكن تشكله زي منتا عايز لو إنت عارف إنت بتعمل إيه، العب فيه براحتك مش هيقولك لا ???.

مميزات روم Resurrection Remix بنظام نوجا 7.1

روم Resurrection Remix مساحتها الكلية أقل من 400 ميجا!، ماتتخضش هي كده لأنها بدون أي إضافات وجاية بواجهة بسيطة جدا وتقدر تعدلها بكل سهولة. النسخ القديمة من الروم دي زي النسخة دي كده ما كانتش بتدعم الثيمات بس النسخة في البوست الواجهة متغيرة و الأيقونات كمان متغيرة زي منتوا شايفين.

روم Resurrection Remix هتجيب معاك Screen On فحت وردم وتمشي بالموبايل ع الحيطة اكتر من 5 ساعات ✋?، حرفيا يعني مش هزار ومستخدمين رومات AOSP يقدروا يدعموا كلامي ده. الروم خفيفة لدرجة غريبة إنت مش هتصدق إن ده موبايلك، طبعا التعامل هيكون صعب معاها في الأول لأنها مختلفة عن رومات تاتشويز شكلا وموضوعا.

من عيوبها القاتلة إنها مافيهاش S Pen للأسف بما إنها مش تاتشويز، القلم شغال عادي بس كأنه تاتش عادي مالوش أي وظايف خالص، الكاميرا جميلة وتقدر تتحكم في كل جزء فيها.

روم Resurrection Remix مدمج فيها روت Magisk Manager بشكل إفتراضي وهو أقوى من SuperSU بكتير جدا واتكلمنا بالتفصيل عن الموضوع ده قبل كده في بوست منفصل تقدر تشوفه من هنا: https://goo.gl/NA8Bor

طبعًا زي منتوا شايفين في الصور، مش ده شكل الروم الأساسي وانا مغيره كله من الألف إلى الياء. أولًا عشان اللي عايز ويدجت الطقس اللي موجود في الروم هو إسمه Star Clock  Widget وتقدر تنزله من هنا:

Star Clock Widget
Price: Free

تاني حاجة اللانشر أو الثيم اللي في الصور هو لانشر Nova Prime مع عداد إشعارات Tesla "مش هيشتغل غير مع نوفا برايم" ونوفا برايم أصلا بفلوس، فادور عليه في جوجل إنت انا ماليش دعوة بالموضوع ده :D، تقدر تنزل Nova Prima من هنا:

Nova Launcher Prime
Price: $4.99

وإشعارات الأيقونات من Tesla تقدر تنزلها من هنا:

أما الأيقونات فهي MIUI 5 Icon Pack وتقدر تنزلها من هنا:

MyUI 5 - Icon Pack
Price: Free+

وبالنسبة للكيبورد فأنا بستخدم كيبورد Swift Key وتقدر تنزله من هنا:

SwiftKey Keyboard
Price: Free


صور روم Resurrection Remix بنظام نوجا 7.1

خطوات تثبيت روم Resurrection Remix بنظام نوجا للنوت 3

  •  طبعًا مبدأيا نزل تعريفات USB لأجهزة سامسونج بنظام أندرويد وسطبها
  • الأول هتفلش احدث نسخة من ريكفري TWRP لأجهزة نوت 3 من خلال برنامج Odin 3.09
  • هتفلش أحدث مودم وبوتلودر للنوت 3 بالاودين برضه، نزلهم من هنا: Modem - Bootloader
  • هتدون ملف الروم وملف خدمات جوجل الأساسية GApps
  •  هتفلش ملف الروم "مفيش Aroma" ومن زرار Add Zip هتختار ملف GApps وتفلشه بعد الروم
  •  بعد ما تخلص تفليش، هتعمل Wipe Cash & Dalvic يفضل 3 مرات
  •  أعمل أول بوت وظبط الإعدادات واستمتع 😀

تحميل روم Resurrection Remix بنظام نوجا وحزمة تطبيقات Google

.

لينك تحميل الروم: AndroidFileHost | لينك تحميل ملف خدمات جوجل: GApps

بالنسبة لحزمة خدمات Google اللي مفروض تفلشها بعد الريكفري، من الموقع هتختار زي الاختيارات دي بالترتيب:

  • ARM
  • 7.1
  • Mini - الإختيار ده ليك الحرية في تغييره وده بيكون كمية برامج جوجل اللي انت عايزها داخل الملف.

فلشت روم Resurrection Remix لأجهزة Samsung Galaxy Note 3 4G؟ هل قابلتك أي صعوبات في تحميل الأدوات اللي هتحتاجها أو خطوات التثبيت بشكل عام؟ عموما طبعًا عايزين نعرف رأيك ضمن التعليقات أو لو قابلتك أي مشكلة أثناء الخطوات وهنبقى سعيدين بالرد عليك ومساعدتك.


المصدر: XDA | مطور الروم:  vidwhal

6 تعليقات
  1. mohamed says

    هو ينفع ينزل على الExynos والبوت لودر والمودم اللي حضرتك حاططهم ينفع للنوع ده؟

    1. Mohamed says

      لا للأسف لازم يكون موبايلك اصدار كوالكوم

  2. غير معروف says

    ظهور مشكله update process ended with error 7
    عند تقليش الروم

  3. Fares Mohamed says

    ايه افضل روم من التاتش ويز ومن ناحية البطاريه وسرعه الجهاز والصوت مكنشي في زانه في الصوت

  4. Amer says

    هل دي بتشغل 2 واتس وفيس وكدة زي الاساسية في نوت 8

  5. […] روم Resurrection Remix لأجهزة Galaxy Note 3 4G بنظام Nougat 7.1.1 […]

اترك رد