روم (بورت) Galaxy Note 7 Norma V21.1 بتطبيقات النوجا لهاتف جلاكسي نوت 3

الروم اللي معايا النهاردة Norma V 21.1 - Full Note7 Port انا بجربها بقالي يومين والحقيقة دي أول حاجة استقر عليها بعد بورت Hamza اللي كنت دايما بقولكوا عليه اللي هو اخر نسخة من سلسلة N2o V4.0. روم النهاردة من فريق Norma الصيني ومترجمة للغة العربية بشكل كامل - احتمال تقابلك بعض الكلمات الصيني من وقت للتاني بس بعد تجربتي مش مؤثرة في اي حاجة وحتى في الغالب مش هتاخد بالك منها - بس يعني وجب التنويه عن الموضوع ده ..

الروم جميلة جدا، سريعة ومستقرة وبطاريتها قوية - ال UI فيها بالكامل من نظام Android Nougat وكمان معظم البرامج الأساسية ، الجميل جدا في الروم دي ان مقابلتنيش فيها المشاكل المعتادة اما بجرب رومات جديدة، بالعكس حاسسها مستقرة جدا ومفيهاش مشاكل نسبيا زي باقي بورتات Note7 - بعض الناس آرائها مختلفة وبتقول دي روم مش كويس بس الحقيقة انا شايف العكس الروم محترمة جدا وآدائها قوي.

الروم مدمج فيها كيرنل DarkLord UX V2.0. بيخلي آداء اي بورت Note7 قوي جدا بس طبعا على حساب البطارية وال Screen On. تقدر تحل المشكلة دي عن طريق انك تفلش كيرنل Lss 3.7UX - وهتلاقي ال Screen On ممكن توصل معاك ل 6 ساعات بس طبعا على حساب الآداء - في النهاية ده اختيارك انت وشوف انت تفضل ايه.


روم Norma V 21.1- Full Note7 Port

من الحاجات اللي عجبتني في الروم دي بالذات ان برنامج اختيارات Aroma فيها هيديك خيارات كتير جدا لمعظم جوانب الروم - زي اختيار الكاميرا بين Note7 او Note4 وكمان بينصحك انهي الأفضل وبيسيبلك حرية الاختيار. طبعا بالإضافة لإن الروم مدمج فيها Rom Control هيخليك تتحكم لكل ركن في الروم بدون تعقيد وبسهولة - مش عايز خبرة في التعامل زي رومات AryaMod مثلا.


مميزات روم Note 7 Norma للنوت 3

من الحاجات القوية برضه في الروم دي واللي خليتني شخصيا "اتكيفت" منها. موضوع اللغات - اللغات الأساسية للكيبورد هنا هي الانجليزي والعربي .. يعني انت اول ماتفلش الروم مش هتحتاج تعمل داونلود لأي لغات هتلاقيها اتوماتيك موجودة يادوب انت بس تخليها On او Off. الموضوع ده كان عاملي مشكلة جامدة جدا اللي هو اني مش بفلش او بجرب رومات غير لازم في مكان يكون فيه WiFi عشان اقدر ادون العربي. معظم الكيبوردات فيها مشكلة مع تحميل الرومات من Mobile Data ولازم يكون فيه WiFi والحقيقة لحد اللحظة دي انا معرفش ايه السبب!

من الحاجات الجديدة برضه واللي اول مرة اشوفها في اي بورت للنوت هي اختيار اذا كنت هتفلش الروم كاملة ولا Lite - واختيار الكيبورد بين S7 او Nougat وكمان بيسألك اذا كنت عايز تدمج في الروم ADBlocker ولا لا. حركة تحسب لفريق Norma بصراحة برافو. الروم كاملة مفيهاش اي مشاكل، مش محتاجة اي فيكسات. ال GPS شغال كويس - تحميل وتحديث اللغات مفيهوش اي مشاكل. الروم كل مميزاتها شغالة زي Blue Lite Filter او الاشعارات على شاشة AOD او حتى Private Mode كله شغال بدون مشاكل.

صور الروم

تحميل روم Galaxy Note 7 لهاتف جالكسي نوت 3

إسم الروم Norma Note 7 V21.1
إصدار النظام Android 6.0.1
حجم الروم 1.40 جيجابايت
واجهة المستخدم Samsung Experience 8.5
مناسبة لهاتف Galaxy Note 3
تاريخ الإصدار 11 مارس 2017
رابط المصدر XDA Developers

Download Norma v21.1 ZIP

بعض الإضافات الخاصة بالروم (لك الحرية في تحميلها وتثبيتها أم لا):


ما قبل تثبيت الرومات المعدلة

إذا كنت جديد بهذا الأمر، وتقوم بتنفيذه للمرة الأولى، بجانب أنك قد وصلت لهذه الصفحة عبر بحثك عن شئٍ ما ثم وجدتنا بطريق الصدفة، إذا ربما يجب أن تعرف أن هناك بعض المتطلبات الضرورية أولًا قبل أن تتجه إلى تثبيت رومات اندرويد المعدلة على هاتفك. وأنصحك أيضًا أن تتجه لصفحة كل ما يخص سامسونج حتى يكون لديك فكرة جيدة عما نفعله هنا.

  1. حفظ نسخة إحتياطية لملفات الهاتف.
  2. إستبدال الريكفري الرسمي بآخر مخصص.
  3. حفظ نسخ إحتياطية من الروم الرسمي.
  4. تعلُّم خطوات تفليش الرومات عبر الريكفري المعدل.

المتطلبات الضرورية

  • تثبيت ريكفري TWRP إصدار 2.8.7.0 (باستخدام الاودين من الشرح السابق)
    • هذا الإصدار تحديدًا هو الملائم لرومات سامسونج (الإصدارات القديمة)
    • تأكد أنك تقوم باستخدام Odin 3.07 إذا أردت تثبيت هذا الإصدار من الريكفري

خطوات تثبيت روم معدلة لهاتف سامسونج

  • قم بنقل ملف الروم Zip إلى ذاكرة الهاتف (الداخلية أو الخارجية).
  • قم بإعادة تشغيل الهاتف بداخل وضع ريكفري TWRP.
  • من قائمة الريكفري الرئيسية توجه إلى Wipe > Advanced wipe وبعد ذلك قم باختيار أقسام System, Data, Cash, Dalvic ثم قم بالسحب على زر Swipe بالأسفل للتنفيذ. هذه العملية ستقوم بإزالة النظام الحالي من الهاتف.

إزالة الروم الحالي من الهاتف

  • مرة أخرى من قائمة الريكفري الرئيسية، توجه إلى زر Install ثم تصفح ملفات الهاتف وصولًا إلى ملف النظام الذي قمت بتحميله من الأعلى، ثم إسحب على زر Swipe لبدء تثبيت الروم.

بدء تفليش الروم المعدلة على الهاتف

  • بمجرد انتهاء تفليش الروم، قم بالضغط على زر Reboot System الذي سيظهر بالأسفل.

طريقة تركيب Xposed بعد تثبيت الروم

  1. دون الإكسبوزد من [هنا]
  2.  سطب Xposed زي أي برنامج عادي
  3. أدخل الريكافري وفلش ملف xposed-v60 وبعدين ريسارت حمل ملف الإكسبوزد من [هنا]
  4. مبروك عليك الإكسبوزد

الخاتمة

على الأرجح أنك تعرف هذا الأمر بما أنك تقرأ هذه الخطوات، ولكن الإقلاع الأول بعد تفليش الروم يستغرق وقتٍ طويل، لذلك لا تقلق هذا شئ طبيعي. وبالنظر إلى أن هذه الروم ليست رسمية ولكنها من بعض مطوري XDA المستقلين، هناك إحتمال ألا ينجح الهاتف في الإقلاع الأول من الأساس، وبالتالي يجب أن تكون جاهز لجميع الإحتمالات، لذلك ذكرنا عمل نسخة NANDroid إحتياطية ضمن المتطلبات الضرورية.

رُبما تُحِب أيضًا

أترك رد

بريدك الإلكتروني أو أي معلومات سرية أخرى لن يتم نشرها.