هل تُحب تجربة الرومات المعدلة والمطبوخة؟! إليك ما يجب أن تعرفه أولًا!

ازيكوا يا ولاد .. البوست ده مهم جدا لكل اللي مهتمين بالرومات المعدلة او المطبوخة وعايز الكل يعمله Save ..

- لو بتحب التعديل و الرومات المعدلة قبل ماتشتري تليفون اتأكد انه كوالكوم

- معظم الأجهزة الرائدة او اللي اسمها فلاج تشيب او بيكون إصدار رئيسي من الشركات بتكون مدعمة بقوة من المطورين وبيكون ليها قسم بإسمها في موقع XDA - زي مثلا سلسلة Note او S من سامسونج او One من HTC او G من LG ، نصيحة قبل ماتجيب جهاز جديد وانت كييف تعديل شوف الأول الجهاز اللي عايزه موجود في XDA وليه قسم منفصل ولا لا طبعا بجانب الإهتمام بأول نقطة ..


مهم جدا لكل اللي مهتمين بالـ // رومات المعدلة او المطبوخة

- اكونت جوجل تحفظه زي رقم موبايلك ومكان عربيتك - هو اللي هينقذك في معظم المصايب اللي ممكن تقع فيها - ومعاه كمان اكونت سامسونج ، فكك من موضوع ان حد يعملهولك او كل مرة تنزل روم تعمل ايميل مختلف !
ال Contacts بتاعتك دايما تكون عاملها Syncc مع الاتنين ..


مهم جدا لكل اللي مهتمين بالـ // رومات المعدلة او المطبوخة

- بالنسبة الأجهزة سامسونج اهم حاجة تعملها قبل ماتلعب في السوفت هي المودم والبوتلودر او حاجة اسمها EFS وده ملف بيكون فيه الداتا بتاعت IMEI - دي بتسيفها عندك تحسبا لأي هرتلة سيادتك ممكن تعملها مع موبايلك بدون علم وتيجي تعيط هنا وتقول إلحقوني مفيش شبكة .. ودي بتاخدها باك اب عن طريق برنامج اسمه EFS Tool وتسيفها ع الكمبيوتر .. وتقدر تدون البرنامج من هنا : http://www.file-upload.cc/8m43ad89zslc


- قبل ماتعمل اي حاجة في موبايلك اتأكد انه متعرف بكل اوضاعه على الكمبيوتر سواء الوضع العادي او Download Mode - وتعريفات معظم أجهزة سامسونج ممكن تدونها من هنا : http://www.file-upload.cc/qjbfbul9as1f - تسطب الملف الأول وبعدين تفتح USB Debugging Mode من Developer Options - وتركب التليفون في الكمبيوتر وسيبه يكمل تعريفاته


- افضل ريكافري مستقر حاليا مع رومات "تاتشويز" بأنواعها هو ريكافري TWRP برقم إصدار 2.8.7.0 .. دور على نوع جهازك هنا : twrp.me/Devices

- افضل ريكافري مستقر مع رومات Cyanogen Mode بأنواعها هو TWRP بأحدث وهو 3.0.2-1


- قبل ماتلعب في حاجة خد باك اب - خد باك اب - خد باك اب ..
ابوس ايدك خد باك اب - ده لمصلحتك انت صدقني التعديل والرومات مالهاش كبير انا نفسي بغلط كتير !


- مفيش روم بدون أخطاء 100% - دايما هتلاقي حاجات مش مظبوطة بس في حاجات غيرك يقدر يستغنى عنها وانت لا ..
البطارية مش مقياس ان الروم دي كويسة لأن ليها 1000 عامل يأثر عليها عشان كدة ماتحكمش على أي بورت غير من خلال تجربتك ..
ماتفرحش بخاصية AOD - بتبهدل البطارية لأن بسببها التليفون مابيدخلش Sleep خالص ودي مالهاش حل ماتدورش - الوضع طبعا مختلف مع S6 & 7 & Note5


- افضل بورت S7 للنوت 3 هو Aryamode 6.5 ..
- افضل بورت Note7 للنوت 3 هي روم Hamza - N2o V4 


لو بتحب الرومات المعدلة وتغير رومات كتير زي حالاتي وبتحب تلعب خلي عندك دايما برنامج تيتانيوم باك اب - دي بياخدلك نسخة من تسييفات الألعاب والبرامج ومتاح في Google Play مجانا ..
بالنسبة للبرامج خلي عندك اخر نسخة من برنامج App Backup & Restore - النسخة الجديدة منها في خاصية التثبيت التلقائي للبرامج بتاعتك - تكة واحدة والموضوع خلص


- قبل ماتعدل او تغير اقرا كتير كتير كتير - اتفرج على فيديوهات كتير - اسأل كتير وبالتكرار هتتعود ونسبة الغلط هتكون أقل ..

- بجهزلكوا بوست محترم عن موضوع Dual boot - عشان بعد كدة اما تحب تجرب روم ماتبقاش مضطر تشيل اللي موجودة ويبقى عندك الاتنين ..

## البوست مش للإستفسارات - لو عندك سؤال إبعت على رسايل الصفحة ..

 

اترك رد