شرح تثبيت نظام Android O إصدار المطورين على أجهزة Nexus, Pixel

Google أعلنت من كام يوم عن نسخة المطورين [ Android O Developer Preview ] من نظام أندرويد اللي جي Android O أو Android 8 وبعض التقارير بتقول إنه هيكون إسمه Android Oreo - وفعلاً أتاحته رسميا للتحميل والتثبيت بس طبعاً حصرياً على أجهزة Nexus و Pixel بس ..

وطبعاً زي مااتكلمنا قبل كده عن مميزات Android O بالتفصيل في البوست ده : نظام أندرويد الجديد Android 8 / Android O والحاجات الجديدة اللي فيه زي التحكم الكامل بالإشعارات والطاقة وحاجات كتير جدا جديدة في الــ UI الخاص بالسيستم واللي هتغير رأي مستخدمين كتير في نظام أندرويد بالكامل ، النظام كمان جي بــ APIs جديدة واللي هتتيح لمطورين البرامج والتطبيقات تغييرات جذرية وتحكم كلي في مميزات البرامج وتخصيصها بالكامل على حسب كل جهاز أندرويد 😀 ..

البوست ده إن شاء الله هنشرح بالتفصيل الممل إزاي تقدر تثبت نسخة المطورين Android O developer preview على الأجهزة الداعمه ليه وايه الأدوات اللي ممكن تحتاجها عشان ماتقابلش أي مشاكل .


أولا الأجهزة الداعمة لنظام Android O developer preview :

  • Nexus 5X
  • Nexus 6P
  • Nexus Player
  • Pixel C
  • Pixel
  • Pixel XL

عارف السؤال اللي في دماغك - هو انا لازم أثبت نسخة المطورين دي وهتبقى من غير مشاكل ؟!

  • لا طبعاً ! - جوجل عندها موقع تابع لنظام أندرويد إسمه (Android Beta Program) ومن خلاله بتتيح النسخ التجريبية لنظام أندرويد الجديدة لتجربتها من خلال المستخدم العادي - وطبعاً زي ما قريت في عنوان الموضوع دي نسخة المطورين واللي لسة بدري جداً الكلام عنها دلوقتي بس برضه لو معاك جهاز من الأجهزة المدعمة فا ممكن تجرب - ليه لأ ؟! خصوصا إننا هنكون معاك في أي مشكلة ممكن تقابلك .
  • أول نسخة للطورين بتكون متاحة من كل تحديث لنظام أندرويد بيكون فيها مشاكل بالجملة وعشان كده متاحة للمطورين بس عشان يقدروا بتواصلوا مع جوجل في حلها بالإضافة لآرائهم في باقي النظام ككل - يعني في نظام Beta وده بيبقى فيه جزء من الأخطاء ، بس النظام اللي معانا النهاردة يعتبر Alpha .

حاجات لازم تخلي بالك منها :

  • تثبيت نسخة Android O developer preview هيعمل فورمات أو Erase كامل لملفاتك ! يعني قبل ماتبتدي تفلش النسخة دي خد نسخة احتياطية كاملة من كامل ملفاتك وحساباتك وصورك - كل حاجة!
  • الــ Bootloader بتاعك جهازك محتاج الأول يتعمله Unlock [ولو مش فاتح الــ Bootloader] هنشرح بالظبط تعمله ازاي ضمن خطوات التثبيت .
  • انت تقدر ترجع لنظام Android Nougat 7.0 في أي وقت ، بس برضه اما تيجي ترجع هتضطر تاخد نسخة احتياطية كاملة من ملفاتك لأنك برضه هتعمب فورمات كامل .
  • لازم يكون عندك فكرة عن طرق وتعريفات وتثبيت [ADB - Fastboot] .

الحاجات اللي هتحتاجها عشان تقدر تثبت نظام Android O developer preview :

ملفات مهمة لازم تحملها الأول :

Android O downloads

الأول طبعاً تحمل النسخة المناسبة لجهازك - هتدور عليها في الموقع الرسمي للنظام من هنا :

Download Android O Developer Preview


دلوقتي بقى خطوات تثبيت نظام Android O نسخة المطورين على أجهزة [Nexus - Pixel] :

  • الخطوة الأولى : [إختياري] : - لو كان الــ Bootloader بتاعك مقفول ، هتروح لــ Settings > About Phone وبعدين هتضغط 7 مرات على كلمة  Build Number لحد ماتظهر جملة You Are now a Developer وبعدها هتروح على Settings > Developer Options هتلاقي خيار إسمه OEM Unlocking - إفتحه .
  • الخطوة التانية : على الكمبيوتر بتاعك - إعمل extract لملفات نسخة  Android O Developer Preview في ملف جديد وسميه Android - إتأكد إن كل الملفات موجودة - إعمل  extract بس لملف السيستم اللي انت حملته - ودي صورة للملفات اللي اتعملها  extract لنسخة جهاز Pixel :

 Android O Developer Preview

خلي بالك ## يُفضل ان ملفات [ADB – Fastboot] تكون في نفس الملف (كملف منفصل) عشان التثبيت يتم بدون مشاكل - ولو قابلك خطأ إسمه  ‘Command not found’ في الحالة دي خلي ملفات [ADB – Fastboot] نفسها مع نفس ملفات Developer Preview بتاعت السيستم اللي انت فكيت ضغطها من شوية .

  • الخطوة التالتة : هي إنك تفتح fastboot command في ملف ‘Android’ اللي عملناه من شوية وحطينا فيه ملفات السيستم - لو انت على نظام Windows هتضغط  Shift + Right-click في أي حتة فاضية جوة ملف ‘Android’ وبعدين هتختار  ‘Open command window here’ .
    لو انت على نظام ماكنتوش [MAC] إفتح الــ Terminal واكتب “cd” وبعدين اسحب ملف ‘Android’ وارميه جوة الــ Terminal Window وبعدين إضغط Enter .
  • الخطوة الرابعة : دلوقتي هتحتاج تعمل ريستارت لتليفونك وتفتح الــ Bootloader Mode :-
    - بالنسبة لأجهزة Nexus 5X, Nexus 6P, Pixel and Pixel XL : هتطفي تليفونك خالص وبعدين تدوس على Volume Down + Power button .
  • الخطوة الخامسة : هتركب تليفونك على الكمبيوتر سواء كنت Windows أو Mac عن طريق كابل USB الأصلي ، وعشان تكون متأكد إن جهازك متعرف صح وكله تمام - إكتب الأمر ده fastboot devices في الــ Command Window وبعدين إضغط Enter ..
    ولو جهازك معموله Connect صح هتلاقي ظهر Android Device وجنبها ID بأرقام كتير زي كده :

Fastboot Devices command window

  • ولو مالقيتهوش ظهر خالص - إعمل ريستارت للكمبيوتر واعمل نفس الخطوات تاني - اتأكد ان ملفات [ADB – Fastboot] متسطبة وموجودة في نفس مسار ملفات السيستم .
  • الخطوة السادسة : [إختياري] : - لو الــ Bootloader بتاعك لسة Locked إفتح الــ Command Window واكتب fastboot oem unlock وبعدين دوس Enter .

أول ماتدوس Enter بعد الأمر اللي في الخطوة السادسة - بص على تليفونك واستخدم زراير الــ volume عشان تقدر تتعامل مع الخيارات اللي ظهرت قدامك واستخدم زرار الــ Power عشان تأكد على اختيارك - أول ماتكمل العملية هتلاقي تليفونك عمل ريستارت لوحده "ماتقلقش ده الطبيعي" ولو ماعملش ريستارت لوحده بعد ماخلص اعمله انت ريستارت - أول مايفتح تليفونك تاني هتقفله مرة تانية وهتدخل على BootLoader Mode وطريقته قولناها في الخطوة الرابعة وبعدين ركب التليفون تاني على الكمبيوتر عن طريق كابل USB .

  • الخطوة السابعة : دلوقتي هنفتح الــ Command Window بالطريقة اللي قولناها في الخطوة التالتة عشان نثبت نسخة Android O Developer Preview على تليفونك :-
    بالنسبة لنظام Windows هتكتب الأمر ده : flash-all.sh
    اما بالنسبة لنظام ماكنتوش هتكتب الأمر ده : ./flash-all.sh
    وهتلاقي السكريبت اتوماتيك بيثبت فيرموير Android O Developer Preview على موبايلك .

ملحوظة مهمة ## ساعات بيحصل أخطاء في الطريقة اللي قولناها فوق "نادراً" - في حالة لو قابلك أي خطأ والسيستم بيتفلش - إكتب الأوامر دي واحد واحد في الــ Command Window :

fastboot flash boot boot.img
fastboot flash recovery recovery.img
fastboot flash system system.img

Android O Flash on Nexus Pixel

والأمر ده معناه لو مش فاهم انك بتفلش السيستم على مراحل مش مرة واحدة ..  أول مايخلص هتلاقيه عمل ريستارت اتوماتيك - ولو ماعملش ريستارت اعمله انت مانيوال عن طريق انك تضغط وتعلق الضغطة على زرار الــ Power - بس عموما إن شاء الله مش هتقابلك المشكلة دي مادام انت مركز في كل الخطوات بشكل مظبوط وبالترتيب .


خلي بالك ## اما تخلص تثبيت الفيرموير ده التليفون هياخد وقت أكتر من العادي في إنه يفتح تاني "ماتقلقش ده الطبيعي وممكن يوصل لــ 25 دقيقة" - ولو لقيت التليفون فضل اكتر من نص ساعة معلق ده معناه إنه Bootloop - وفي الحالة دي هتعيد كل خطوات التثبيت تاني عشان في الغالب انت هتكون نسيت حاجة !


ودي بعض الــ Screen Shots للنظام على جهاز Nexus 5X من Muhammed Refaat

في حالة إنك خلاص جربت نظام Android O Developer Preview وعايز ترجع تاني للنسخة المستقرة من نظام Android Nougat 7.1 - ممكن ترجع عادي جداً بدون مشاكل وبالطرق الرسمية لتثبيت السيستم العادي ، او ممكن بنفس الطريقة اللي شرحناها فوق دي - الطريقة دي تنفع مع أي سيستم مش Android O بس .

إن شاء الله الشرح يكون سهل وبسيط وقدرت تفهمه - وفي حالة لو قابلت أي مشكلة في الخطوات اللي فوق اكتب استفسارك بالظبط في الكومنتات عشان نقدر نساعدك .

المصدر : How to Install Android O

7 تعليقات
  1. […] [تحميل] وتثبيت نظام Android O نسخة المطورين على أجهزة [Nexus &#82… […]

  2. […] [تحميل] وتثبيت نظام Android O نسخة المطورين على أجهزة [Nexus – … […]

  3. […] [تحميل] وتثبيت نظام Android O نسخة المطورين على أجهزة [Nexus – … […]

  4. […] [تحميل] وتثبيت نظام Android O نسخة المطورين على أجهزة [Nexus – … […]

  5. […] قبل بموضوع بقائمة التحديث الرسمي لنظام Android 9.0 P. كما أن الإصدار التجريبي الاول من نظام Android 8.0 Oreo DP1 قد تم إطلاقه تقريبًا بنفس هذا الوقت من العام الماضي. […]

  6. […] [تحميل] وتثبيت نظام Android O نسخة المطورين على أجهزة [Nexus – … […]

  7. […] لأنها قديمًا كانت حصرية لهواتف Google فقط مثلما رأينا مع الإصدار التجريبي لنظام Android Oreo العام الماضي. وفي درس اليوم، سنقوم بإرشادك حول كيفية […]

اترك رد