Galaxy Note3رومات معدلة

روم Norma M5 بخواص Galaxy Note 7, S8 لأجهزة جلاكسي نوت 3

Norma Note 7 Stable [ M5 ]  - Full Galaxy Note 7 features with all new Galaxy S8 DreamUX TouchWiz - S8 iCons & Notifications & Wallpapers - Rom control - 3Minit Battery Mod - Xposed - For Galaxy Note3 N900x LTE Variants

أزيكوا ياا ولاد 😀 - زهقتوا من روم Norma C9 V8 ولا لسة - ماكانتش زي التوقعات صح ؟ انا شايف كدة برضه بعد فترة من الاستخدام - رغم انها كانت بورت C9 والمفترض ان رومات C9 او A7 او A5 بشكل عام بتبقى Stable اكتر من باقي الرومات زي ماقولت كذا مرة قبل كدة - بس مش عارف ليه ماعجبتنيش 😀  ..


عموما ما علينا مش ده موضوعنا - فاكرين اما كنت دايما بقولكوا ان اي بورت غير Note 7 بيبقى دايما متفوق في الاستقرار لان بطبيعة الحال جهاز سامسونج نوت 7 ماقعدش في السوق غير كام شهر بس - فا طبيعي مش هينزله تحديثات رسمية عشان كدة روماته التغيير فيها كانت حاجات ظاهرية بس مش جوهرية في السيستم زي رومات C9 مثلا لانه لسة بينزله تحديثات من سامسونج لحد شهر مايو اللي فات ده ولسة مكملين ..

بس برضه ماتاخدوناش في دوكة 😀 - رومات نوت 7 فيها مميزات مش موجودة للأسف في أجهزة تانية ولا حتى رومات نوت 5 زي بعض المميزات في Air Command زي مثلا ميزة الترجمة الفورية او صناعة صورة متحركة GIF من فيديو  - عشان كدة دايما الحلو مابيكملش - مميزات ناقصة قصاد استقرار او استقرار ناقص مميزات تعتبر جوهرية ومهمة وصعب الاستغناء عنها خصوصا لو بتستخدمها يوميا زي حالاتي ..


عشان كدة روم Norma Note 7 Stable بعمل ليها ريفيو وانا مستغرب شوية لأنها بورت نوت 7 بس علوضعه بصراحة 😀 - عايز اقولكوا الأول ان الروم دي بقالها فترة موجودة ودي نسخة v5.0 منها - بس الجديد بقى مع كتر رومات فريق نورما ان دي الروم الوحيدة اللي كتبوا جنب اسمها كلمة Stable او مستقرة - ودي علامة يا مارد ✋:D - لان الروم فعلا مستقرة وآدائها قوي جدا رغم انها بورت نوت 7 ..


روم Norma Note 7 Stable جمعت بين خفة رومات A5 و C9 و حتى AryaMod - مع جمال ومميزات و Ui رومات Magma - بجانب ان فيها روم كنترول قوي جدا بدون أخطاء - بالإضافة لواجهة Galaxy S8 بدون مشاكل ولا Lag ولا تهنيج ولا اي حاجة من دي ..


روم Norma Note 7 Stable بدون Aroma ودي من وجهة نظري ميزة اكتر ماهي عيب منعا لأي اخطاء في الاختيارات او انك تختار حاجات مش مناسبة مع بعض لو انت مبتدئ في موضوع الرومات ..


روم Norma Note 7 Stable مدمج فيها كاميرا نوجا بدون أخطاء - كيبورد S7 الأفضل على الإطلاق زي ماقولتلكوا قبل كدة - وحركة لذيذة جدا وهي انك ممكن تختار بين البطارية الخضرا او البيضا من الروم كنترول 😀 - حركة كيفتني اوي بصراحة والروم كنترول عموما في الروم دي عوض عدم وجود اختيارات Aroma لأنك حرفيا هتقدر تتحكم منه في كل جزء في الروم ، من الحاجات اللذيذة جداً في الروم ميزة AwlaysOn Display زي اللي موجودة في Galaxy S8 بالظبط من نظام Nougat بدون أي اختلاف ، بالإضافة كمان إن فيها Xposed Framework مدمج فيها بدون ماتضطر تدور على النسخة المناسبة لتليفونك .


روم Norma Note 7 Stable بدون اخطاء تحميل اللغات - ال GPS شغال فيها كويس جدا بدون مشاكل هتقابل بعض الكلمات الصيني البسيطة جدا في الروم ودي من رأيي مش مؤثرة في اي حاجة - تجربتي كانت على كيرنل DarkLord Marshmallow UX v2.0 وآدائه في البطارية ماعجبنيش - مش وحش - بس مش زي منا كنت متوقع - ممكن بقى انتوا تساعدوني وتجربوا كيرنلات مختلفة زي Lss Kernel 3.7 او 3.8 أو حتى 3.9 😀 - كيرنلات نوت 3 عموماً كتير جداً وتقدروا تشوفوها كلها من هنا : جميع كيرنلات نوت 3 لنظام مارشميلو .

المطور اللي عدل وترجم على الروم بالمناسبة بينصح باستخدام كيرنل LSS - بس هو ساب الكيرنل الأساسي لفريق نورما عشان حرية الاختيار .


Norma Note 7 Stable Port  [M5] Screen Shots


 روم Norma Note 7 Stable من ترجمة وتعديل المطور العربي الرائع Mic22 في موقع الكمبيوتر الكفي - هو مطور كويتي بالمناسبة وهو اللي بيعدل وبيترجم معظم رومات فريق نورما الصيني - مش معروف أوي للأسف لأنه مش بيحب يتباهى بشطارته بس هو فعلا مطور قوي جداً - هنحاول نأثر عليه ونجيبه معانا تيم الصفحة 😀 - بس برافو عليك بصراحة قدرت تخرج لينا بروم قوية جداً خالية تقريبا من الأخطاء ده غير شكلها الجمالي بالإضافة لإنها بورت نوت 7 - فا كان لازم نديله الكريدت ونرفعله القبعة على التعديل الجميل ده .


رومات نوت 3 N9005 :


المصدر : الكمبيوتر الكفي


تحميل روم نوت 3 Norma Note 7 Stable :

طبعا كلكوا عارفين الخطوات اللي بنعملها كل مرة بس هقولها في نقط بشكل سريع :

– سطب Samsung Android Drivers
– نزل Odin 3.07
– كابل USB 3.0 الأصلي بتاع النوت
– شغل خيار USB Debbuging Mode من خيار Developer Options
– فلش ريكافري TWRP نسخة 2.8.7.0 – من خلال خيار AP في ال Odin
– خد نسخة كاملة من ملفاتك ومن الروم الحالية في حالة لو اول مرة تفلش روم وده من خلال الريكافري
– من الأودين فلش احدث مودم وبوتلودر للنوت - هتلاقي لينكاتهم ضمن ملف التكست
– اعمل wipe ل System – Data – Cash – Dalvic Cash
– فلش الروم 
– افرد ضهرك ورجلك لأن اول بوت هياخد 20 دقيقة – ماتقلقش ده الطبيعي
– إستمتع ..

كل الملفات اللي قولتها في النقط اللي فوق هتلاقي لينكاتها مع لينك الروم في ملف TXT جمعتهم مع بعض عشان مايبقاش فيه اي لغبطة – ركز في الخطوات وانت هتبقى تمام ..
الروم مرفوعة على سيرفر مباشر  ومساحتها 1.3 جيجا ..


لينكات تحميل روم Norma Note 7 Stable Port M5 للنوت 3 : Download

الوسوم
اظهر المزيد

أبو مُعِز

إسمي محمد، وماترونه في الإسم الظاهر هو إسم إبني الأكبر مُعز. الآن أنا بالعقد الثالث من عمري وأهوى التقنية والتدوين وكذلك تصميم المواقع منذ نعومة أظفاري. تعلمت مؤخرًا بعض مراحل تطوير وتعديل أنظمة أندرويد على الهواتف الذكية المختلفة وأُحب مشاركتها مع من يُحاول أن يبدأ بهذا المجال. أنشأت مُدونة مُحمدوڤيتش كهواية وحُب أولًا وأخيرًا وكما يُمكنك أن ترى أنها بدون إعلانات مستفزة أو نوافذ مُنبثقة وذلك لمُحاولة توفير أفضل تجربة تصفح مُمكنة لموقع تقني عربي. جميع الشروحات والادوات التي تقرأها هنا قد قمت بتجربتها بنفسي أولًا ثم نقلتها إليكم من واقع تلك التجربة لحمايتك قدر الإمكان من أي خطر أو مُجازفة يُحتمل أن تواجهها.

‫36 تعليقات

          1. احدث مودم وبوتلودر لينكاتهم ضمن ملف التكست يا استاذ محمد – وبيتفلشوا ببرنامج Odin 3.07 – وبعدها تعمل wipe Cash & Dalvic وبعدين تبتدي تفلش الروم ومش هيكون فيه مشكلة ان شاء الله ..
            وافتكر في أول بوت للروم تشيل علامة الصح من خيار Diagnostic https://uploads.disquscdn.com/images/9e7967d6980b81d97d52891003c78daece9163863fd42e1b804a7eb510a70229.jpg Data

          2. لا والله عادي ولا يهمك ياابو حميد – wipe Cash & Dalvic دي بتتعمل من خلال الريكفري بعد ماتخلص تفليش الروم

  1. دلوقتي ظهرت حاجة تانية لما اكون مثلا هعمل مكالمة وواقف على قايمة log وادوس اتصال الشاشة بتفضل ثابتة علي ال log والاتصال شغال

    1. آسف جداً على التأخير لسة شايف التعليق حالاً ..
      جرب ادخل الريكفري ، وبعدين Wipe وعلم على Cash – Dalvic Cash وجرب تاني شوف المشكلة لسة موجودة ولا لا

  2. ولا يهمك سا استاذ محمد كفاية ذوقك وتعبك
    انا دخلت على الريكفري وبعدين wipe كتبلي cash and dalvik not including internal storage وفي اختيارين ADVANCE WIPE – FORMAT DATA

      1. حدثتهم اه بس في ملحوظة انا حدثتهم ورا بعض عن طريق الاودين BOOTLOADER
        يعني دخلت ملف التحديث بتاع البوتلودر على اول اختيار اللي هو BOOTLOADER
        وكمان المودم دخلت ملف التحديث بتاعه في اول اختيار في الاودين BOOTLOADER
        الاودين اصدار 3.07
        انا مش هقدر اعمل اسكرين شوت للسوفت وير انفو لان السينج مش بتفتح مطلقا يعني ادوس علي الايكونة بتطلع الرسالة في لحظتها SETTINGS HAS STOPPED
        و الكاميرا بنفس الطريقة . يعني مش بيفتحوا و بعدين الرسالة تطلع لا بتطلع في لحظتها

        1. في خيار في اول بوت للروم اسمه Diagonstic Data وبيكون جنبه علامة صح ، جرب فلش الروم مرة تانية وافتكر شيل علامة الصح وجرب تاني ..

          1. انا فعلا فلشت روم تاني اللي هو مازنجر 2
            والحمد لله جربت حاجات كتير شغالة بكفاءة
            والروم خفيف .
            بس البرامج اللى كانت على الميموري الخارجي مش موجودة مع انها موجودة على الكارد عادي لما بدخل عليه من الكمبيوتر كاملفات فقولت اسالك قبل ما انزلهم كلهم تاني .
            وفي برامج اساسية مش نازلة مع الروم زي مثلا جوجل مابس مش عارف انا عملت حاجة ناقصة ولا ايه .
            بس مجملا الروم فعلا تحفة

      1. اولا الروم ده مفهوش روت والله ثانيه جيت اعمل روت للجهاز الروم مرضاش يفتح فااضطريت ان اعمل الروم من اول وجديد يعني الروت الروم ده مش بيقبلو ولا ايه ممكن مساعده

  3. استاذ محمد اول شي انا معايا نوت3 n900 اول شي علمى عن موضوع الروم والروت ده ضعيف جدا
    واخذت النيه انى ابدا من مدونتك هذه لتعلم الموضوع باكمله

    استأذن حضرتك ممكن تفيدنى ابدا منين وعايز روم جيده تنصحنى بايه

    وشكرررررررررررررررررررررا مقدما

    1. الأول منور المدونة يا علاء.
      ماتقلقش الموضوع سهل جدًا وانا شرحته بالتفصيل الممل قبل كده وبالعامية المصرية كمان عشان مايكونش فيه أي كلام صعب.
      أدخل كده اقرا الموضوع ده بتركيز خطوة خطوة وتعالى تاني في التعليقات لو حاجة وقفت في إيدك: كل ما يخص أجهزة سامسونج من [روت | ريكفري | رومات]
      عفوًا يا صديقي 🙂

  4. وهل موجود انتظار المكالمات ولا زي رومات الماجما لا يوجد خاصيه عندما ارن ع حد بيتكلم مش بعرف انه انتظار

اترك رد

إغلاق
إغلاق